චමල් රාජපක්ෂ
චමල් ජයන්ත රාජපක්ෂ (දෙමළ: சமல் ராஜபக்ஷ; ඉංග්‍රීසි: Chamal Rajapaksa; උපත 1942 ඔක්තෝබර් 30) යනු ශ්‍රී ලාංකික දේශපාලනඥයෙක්, හම්බන්තොට දිස්ත්‍රික්කය සඳහා ශ්‍රී ලංකා පාර්ලිමේන්තුවේ වත්මන් මන්ත්‍රීවරයෙකි වන අතර 2010 සිට 2015 දක්වා ශ්‍රී ලංකාවේ පාර්ලිමේන්තුවේ කථානායක.[1][2]
චමල් රාජපක්ෂ | |
|---|---|
| சமல் ராஜபக்ஷ Chamal Rajapaksa | |
 රාජපක්ෂ 2015 මාර්තු මාසයේදීය | |
| වාරිමාර්ග අමාත්‍ය | |
| In office 12 අගෝස්තු 2020 – 3 අප්‍රේල් 2022 | |
| ජනාධිපතිවරයා | ගෝඨාභය රාජපක්ෂ |
| අග්‍රාමාත්‍යවරයා | මහින්ද රාජපක්ෂ |
| In office 28 ජනවාරි 2007 – 23 අප්‍රේල් 2010 | |
| ජනාධිපතිවරයා | මහින්ද රාජපක්ෂ |
| අග්‍රාමාත්‍යවරයා | රත්නසිරි වික්‍රමනායක |
| අභ්‍යන්තර වෙළෙඳ, ආහාර සුරක්ෂිතතාව සහ පාරිභෝගික සුබසාධන, මහවැලි, කෘෂිකර්ම, වාරිමාර්ග සහ ග්‍රාම සංවර්ධන අමාත්‍ය | |
| In office 22 නොවැම්බර් 2019 – 12 අගෝස්තු 2020 | |
| ජනාධිපතිවරයා | ගෝඨාභය රාජපක්ෂ |
| අග්‍රාමාත්‍යවරයා | මහින්ද රාජපක්ෂ |
| ශ්‍රී ලංකාවෙහි පාර්ලිමේන්තුවෙහි 19 වන කථානායකවරයා | |
| In office 22 අප්‍රේල් 2010 – 26 ජූනි 2015 | |
| පූර්වප්‍රාප්තිකයා | වි.ජ.මු. ලොකුබණ්ඩාර |
| අනුප්‍රාප්තිකයා | කරු ජයසූරිය |
| හම්බන්තොට දිස්ත්‍රික්කය සඳහා ශ්‍රී ලංකාවේ පාර්ලිමේන්තු මන්ත්‍රී | |
| In office 1989 | |
| Personal details | |
| උපත | 30 ඔක්තෝබර් 1942 පාලටුව,දකුණු පළාත, බ්‍රිතාන්‍ය ලංකාව (දැන් ශ්‍රී ලංකාව) |
| ජාතිකත්වය | ශ්‍රී ලංකික |
| දේශපාලන පක්ෂය | ශ්‍රී ලංකා පොදුජන පෙරමුණ ශ්‍රී ලංකා නිදහස් පක්ෂය |
| කලත්‍රයා(s) | චන්ද්‍රා මාලිනී රාජපක්ෂ (විවාහයට පෙර විජේවර්ධන) |
| ළමයි | ශෂීන්ද්‍ර, ශමීන්ද්‍ර |
| Alma mater | රිච්මන්ඩ් විද්‍යාලය, ගාල්ල |
| වෘත්තිය | පොලිස් නිලධාරියා, දේශපාලඥ |
මුල් ජීවිතය සහ අධ්‍යාපනය
සංස්කරණයඩී.ඒ. රාජපක්ෂ මැතිතුමාට සහ දන්දිනා සමරසිංහ මැතිනියගේ ජ්‍යෙෂ්ඨ පුත්‍රයා ලෙසින් චමල් රාජපක්ෂයන් උපත ලැබුවේ 1942 ඔක්තෝබර් 30 වැනිදා ය.ගාල්ල රිච්මන්ඩ් මහා විද්‍යාලයෙන් මූලික අධ්‍යාපනය ලැබූ චමල් පියා සමඟ සමාජ සේවයට ද පිවිසියේ ය.
මුල් වෘත්තීය
සංස්කරණයඔහුගේ පාසල් අධ්‍යාපනයෙන් පසු ඔහු 1964 වර්ෂයේදී ලංකා පොලිස් බලකායට සම්බන්ධ විය. එහි ඔහු චමල් රාජපක්ෂ උප පොලිස් පරීක්ෂකයවරයකු ලෙස සේවාය කළේය. අවුරුදු 8 ක් පොලිස් සේවයේ කටයුතු කළ චමල් රාජපක්ෂ පසුව රජයේ වාණිජ හා විවිධ නීතිගත සංස්ථාවේ සාමාන්‍යාධිකාරි ධූරයට ද පත් විය.
දේශපාලන ජීවිතය
සංස්කරණය1975 දී හත්තටුව ගමගේ විජේවර්ධන චන්ද්‍රා මාලනී මෙනවිය සමඟ විවාහ දිවිය අරඹන චමල් රාජපක්ෂ මහතා ක්‍රියාකාරී දේශපාලන දිවියට සම්ප්‍රාප්ත වන්නේ 1985 මුල්කිරිගල අතුරු මැතිවරණයේදී. යළිත් 1989 දී මහ මැතිවරණයට ඉදිරිපත් වන චමල් රාජපක්ෂ මහතා ඉන් ජයගත්තේ මැර බලයට ඡන්ද බලයෙන් පිළිතුරු දෙමින් ය. 1989 සිට අද දක්වා ඔහු පාර්ලිමේන්තුව නියෝජනය කරයි. කෘෂිකර්ම හා ඉඩම් නියෝජ්‍ය ඇමැති වරයා ලෙසත් පසුව 2000 දී වරාය හා දක්ෂිණ සංවර්ධන නියෝජ්‍ය ඇමැතිවරයා ලෙසත් 2009 දී වැවිලි කර්මාන්ත නියෝජ්‍ය ඇමැති වරයා ලෙසත් කටයුතු කළේ ය. ඊට පසුව 2005 දී චමල් රාජපක්ෂ මහතා කෘෂිකර්ම සංවර්ධන ඇමැතිවරයා වූ අතර පසුගිය කාලයේ එතුමා වරාය ගුවන් සේවා ඇමති, ජල කළමනාකරණ හා වාරිමාර්ග ඇමති ආදී තනතුරු රැසක් හෙබවීය. මව්ආර, වෙහෙරගල, වේලිඔය, මැණික් ගඟ වෙහෙරගල, උමා ඔය, දැදුරු ඔය, කැකිරිඕබඩ, රඹුක්කන්ඔය, යාන්ඔය යන වාරි ව්‍යාපෘති ආරම්භ කර ක්‍රියාවට නැංවීමට චමල් රාජපක්ෂ මහතා පෙරමුණ ගෙන ක්‍රියා කළේ ය. 22 අප්‍රේල් 2010 වන දිනේ එතුමා ශ්‍රී ලංකාවෙහි පාර්ලිමේන්තුවෙහි 19 වන කථානායකවරයා ලෙස දීවුරම් දුන්නා, 5 වසරක් තල එතුමා ඒ තනතුර සේවය කළේය.
දරන ලද තනතුරු
සංස්කරණය* 1985 මුල්ගිරිගල අතුරු මැතිවරණයට ඉදිරිපත් වී දේශපාලනයට පිවිසීම * 1989 මහ මැතිවරණයෙන් ජය ලබා හම්බන්තොට දිස්ත්‍රික් පාර්ලිමේන්තු මන්ත්‍රීවරයකු ලෙස පත්වීම * 1994 පැවැති මහ මැතිවරණයට තිස්සමහාරාම මැතිවරණ කොට්ඨාසයෙන් ඉදිරිපත් වී විශිෂ්ට ජයක් ලබා පාර්ලිමේන්තු මන්ත්‍රීවරයකු ලෙස නැවත පත්වීම * 1998 කෘෂිකර්ම නියෝජ්‍ය අමාත්‍ය ධූරයේ වැඩ බාරගැනීම * 2000 වර්ෂයේදී දක්ෂිණ හා වරාය සංවර්ධන නියෝජ්‍ය අමාත්‍යවරයා ලෙස දිවුරුම් දීම * 2001 නොවැම්බර් මහ මැතිවරණයේ නැවතත් විපක්ෂ පාර්ලිමේන්තු මන්ත්‍රීවරයකු ලෙස පත්වීම * 2004 මහ මැතිවරණයේ පොදුජන එක්සත් පෙරමුණ ආණ්ඩුවේ වැවිලි කර්මාන්ත නියෝජ්‍ය අමාත්‍ය ධූරයේ වැඩ බාරගැනීම * 2005 ජනාධිපතිවරණයෙන් පසු කෘෂිකර්ම සංවර්ධන අමාත්‍ය ධූරයේ දිවුරුම්දීම * 2005 හම්බන්තොට දිස්ත්‍රික් සංවර්ධන කමිටුවේ සභාපති ලෙස පත්වීම * 2006 වාරිමාර්ග හා ජල කළමනාකරණ අමාත්‍ය ධූරයේ දිවුරුම් දීම * 2007 වරාය හා ගුවන් සේවා අමාත්‍ය ධූරයේ දිවුරුම් දීම * 2010 කථානායක පදවියේ දිවුරුම් දීම
මූලාශ්‍ර
සංස්කරණය- ^ "Hon. Chamal Rajapaksa, M.P." ශ්‍රී ලංකාවේ පාර්ලිමේන්තුව. සම්ප්‍රවේශය 26 September 2018.
- ^ Chamal shines in politics සංරක්ෂණය කළ පිටපත 6 අගෝස්තු 2010 at the Wayback Machine. Sunday Observer, Retrieved on 1 August 2010.