රිෂී සුනාක්
රිෂී සුනාක් (ඉංග්‍රීසි: Rishi Sunak; උපත 12 මැයි 1980), යනු බ්‍රිතාන්‍ය දේශපාලඥයෙක් වන අතර එක්සත් රාජධානියේ හිටපු අග්‍රාමාත්‍යවරයා සහ කොන්සර්වේටිව් පක්ෂයේ නායකයා.[1] සුනාක් රිච්මන්ඩ් (යෝර්ක්ස්) ආසනය සඳහා කොන්සර්වේටිව් පක්ෂය නියෝජනය කරමින් බ්‍රිතාන්‍ය මහජන මන්ත්‍රී මණ්ඩලයේ (House of Commons) මන්ත්‍රීවරයෙක්.[2] පෙර බ්‍රිතාන්‍ය රජයන්හි ඔහු මුදල් අමාත්‍ය (Chancellor of the Exchequer), භාණ්ඩාගාරයේ ප්‍රධාන ලේකම්, පළාත් පාලන පිළිබඳ පාර්ලිමේන්තු උප රාජ්‍ය ලේකම් ලෙසද කටයුතු කළේය.[3]
රිෂී සුනාක් | |
|---|---|
.jpg) නිල ප්‍රතිමූර්තිය, 2020 | |
| එක්සත් රාජධානියේ අගමැති | |
| In office 25 ඔක්තෝම්බර් 2022 | |
| රාජ්‍ය නායකයා | තෙවන චාල්ස් රජ |
| අනුප්‍රාප්තිකයා | ලිස් ට්‍රස් |
| කොන්සර්වේටිව් පක්ෂයේ නායකයා | |
| In office 24 ඔක්තෝම්බර් 2022 | |
| පූර්වප්‍රාප්තිකයා | ලිස් ට්‍රස් |
| මුදල් අමාත්‍ය | |
| In office 13 පෙබරවාරි 2020 – 5 ජූලි 2022 | |
| අග්‍රාමාත්‍යවරයා | බොරිස් ජොන්සන් |
| පූර්වප්‍රාප්තිකයා | සජිඩ් ජාවිඩ් |
| අනුප්‍රාප්තිකයා | නධීම් සහවි |
| භාණ්ඩාගාරයේ ප්‍රධාන ලේකම් | |
| In office 24 ජූලි 2019 – 13 පෙබරවාරි 2020 | |
| අග්‍රාමාත්‍යවරයා | බොරිස් ජොන්සන් |
| පූර්වප්‍රාප්තිකයා | ලිස් ට්‍රස් |
| අනුප්‍රාප්තිකයා | ස්ටීව් බාර්ක්ලේ |
| පළාත් පාලන පිළිබඳ පාර්ලිමේන්තු උප රාජ්‍ය ලේකම් | |
| In office 9 ජනවාරි 2018 – 24 ජූලි 2019 | |
| අග්‍රාමාත්‍යවරයා | තෙරේසා මේ |
| පූර්වප්‍රාප්තිකයා | මාකස් ජෝන්ස් |
| අනුප්‍රාප්තිකයා | ලූක් හෝල් |
| රිච්මන්ඩ් (යෝර්ක්ස්) සඳහා පාර්ලිමේන්තු මන්ත්‍රී | |
| In office 7 මැයි 2015 – 5 ජූලි 2024 | |
| පූර්වප්‍රාප්තිකයා | විලියම් හේග් |
| බහුතරය | 27,210 (47.2%) |
| Personal details | |
| උපත | 12 මැයි 1980 සවුතැම්ප්ටන්, හැම්ප්ෂයර්, එංගලන්තය |
| දේශපාලන පක්ෂය | කොන්සර්වේටිව් |
| කලත්‍රයා | අක්ෂතා මූර්ති (වි. 2009) |
| ළමයි | 2 |
| ඥාතීන් |
|
| අධ්‍යාපනය | වින්චෙස්ටර් විද්‍යාලය |
| Alma mater |
|
| වෙබ් අඩවිය | rishisunak.com |
ඔහු නැගෙනහිර අප්‍රිකාවෙන් සංක්‍රමණය වූ ඉන්දියානු දෙමාපියන්ගේ වැඩිමහල් පුත්‍රයා ලෙස එක්සත් රාජධානියේ සවුත්හැම්ප්ටන් හි උපත ලැබීය.ඔහු වින්චෙස්ටර් විශ්ව විද්‍යාලයේ අධ්‍යාපනය ලබා, පසුව ඔක්ස්ෆර්ඩ්හි ලින්කන් විද්‍යාලයෙන් දර්ශනය සහ දේශපාලන ආර්ථිකය හැදෑරූ අතර පසුව ඔක්ස්ෆර්ඩ් විශ්ව විද්‍යාලයෙන් ෆුල්බ්‍රයිට් විශාරදයෙකු ලෙස කළමනාකරණය පිළිබඳ ශාස්ත්‍රපති උපාධියක් ලබා ගත්තේය.ඔක්ස්ෆර්ඩ් විශ්වවිද්‍යාලයේ අධ්‍යාපනය ලබමින් සිටියදී ඔහුට තම අනාගත භාර්යාව වූ අක්ෂතා මූර්ති හමුවිය. අක්ෂතා මූර්ති යනු ඉන්දියානු ව්‍යවසායකයෙකු වන එන්.ආර්. නාරායන මූර්තිගේ දියණියයි.[4]
සුනක් සහ ඔහුගේ බිරිඳ අක්ෂතා මූර්ති එක්සත් රාජධානියේ 222 වැනි ධනවත්ම පුද්ගලයන් වන අතර ඒකාබද්ධ ශුද්ධ වටිනාකම පවුම් මිලියන 730 කි.[5]
මුදල් අමාත්‍යවරයා ලෙස, කොවිඩ්-19 වසංගතය සහ එහි ආර්ථික බලපෑම සම්බන්ධයෙන් බ්‍රිතාන්‍ය රජයේ මූල්‍ය ප්‍රතිචාරය තුළ සුනක් ඉතා ප්‍රසිද්ධියට පත් විය. ඔහු ආර්ථිකය ගොඩනැගීම සඳහා ආර්ථික ව්‍යාපෘති කිහිපයක් දියත් කළේය. 'Coronavirus Job Retention' සහ 'Eat Out to Help Out' ව්‍යාපෘති වැනි. 2022 ජූලි 5 වන දින ඔහු මුදල් අමාත්‍ය ධුරයෙන් ඉල්ලා අස්වූයේ රජයේ අර්බුදයක් හේතුවෙන් අවසානයේ එවකට අගමැති බොරිස් ජොන්සන් ඉල්ලා අස්වීමට හේතු විය. ජොන්සන් වෙනුවට කොන්සර්වේටිව් පක්ෂ නායකත්ව මැතිවරණයට ඉදිරිපත් වීමට සුනක් උත්සාහ කළ නමුත් ඔහු ලිස් ට්‍රස්ට පරාජය විය.[6]කෙසේ වෙතත් යන්තම් දින 44 කට පසු ලිස් ට්‍රස් ද තවත් රජයේ අර්බුදයක් මධ්‍යයේ ඉල්ලා අස් වූ අතර සුනක් කොන්සර්වේටිව් පක්ෂයේ නායකයා ලෙස නිතරගයෙන් තේරී පත් වූ අතර එබැවින් අගමැති ලෙස පත් කරන ලදී. සුනක් ඔක්තෝබර් 25 වන දින තෙවන චාල්ස් රජු විසින් අගමැති ලෙස පත් කරන ලදී.[7] ඔහු පළමු බ්‍රිතාන්‍ය දකුණු ආසියාතිකයා, පළමු සුදු නොවන පුද්ගලයා, පළමු හින්දු සහ ධනවත්ම පුද්ගලයා වේ.[8]
මූලාශ්‍ර
සංස්කරණය- ^ "රිෂී සුනක් බ්‍රිතාන්‍ය අග්‍රාමාත්‍ය ධුරයට". අද දෙරණ. 24 ඔක්තෝබර් 2022. සම්ප්‍රවේශය 25 ඔක්තෝබර් 2022.
- ^ "මහමාන්‍ය රිෂී සුනාක් පා.ම." බ්‍රිතාන්‍ය රජය (ඉංග්‍රීසි බසින්). සම්ප්‍රවේශය 22 ඔක්තෝබර් 2022.
- ^ "බ්‍රිතාන්‍යයේ අගමැති අපේක්ෂකත්වය පිළිබඳ අවසන් තරඟය රිෂී සුනක් හා ලීස් ට්‍රස් අතර". ලංකානිව්ස්වෙබ්.net. සම්ප්‍රවේශය 22 ඔක්තෝබර් 2022.
- ^ පෝල්, ඇනා (21 ඔක්තෝබර් 2022). "වෝ ඉස් රීෂි සුනාක් ඈස් ලිස් ට්‍රස් රිසයින්ස් ඈස් ප්‍රයිම් මිනිස්ටර් ඇන්ඩ් ඒ නිව් ලීඩර්ෂිප් වෝට් ඉස් ඇන්නොන්ස්ඩ්?". මෙට්‍රෝ.co.uk (ඉංග්‍රීසි බසින්). සම්ප්‍රවේශය 22 ඔක්තෝබර් 2022.
- ^ "බිරියගේ ධනයයි පුරවැසිභාවයයි රිෂී සුනාක්ට හරහට හිටලා". දිනමිණ.lk. 9 සැප්තැම්බර් 2022. සම්ප්‍රවේශය 22 ඔක්තෝබර් 2022.
- ^ "රිෂී සුනාක් ටු බිකම් නෙක්ට්ස් බ්‍රිටිෂ් ප්‍රයිම් මිනිස්ටර්". සීබීසී (ඉංග්‍රීසි බසින්). 24 ඔක්තෝබර් 2022. සම්ප්‍රවේශය 25 ඔක්තෝබර් 2022.
- ^ "රිෂී සුනක් චාල්ස් රජු හමුවෙයි". අද දෙරණ. 25 ඔක්තෝබර් 2022. සම්ප්‍රවේශය 25 ඔක්තෝබර් 2022.
- ^ "බ්‍රිතාන්‍යයට පළමුවරට හින්දු අගමැතිවරයෙක්". දිනමිණ.lk. 25 ඔක්තෝබර් 2022. සම්ප්‍රවේශය 25 ඔක්තෝබර් 2022.