බරාක් ඔබාමා
බරාක් හුසේන් ඔබාමා II (
i/bəˈrɑːk huːˈseɪn oʊˈbɑːmə/; උපත අගෝස්තු 4, 1961) යනු 2009 සිට 2017 දක්වා එක්සත් ජනපදයෙහි 44වන ජනාධිපතිවරයා ලෙසින් සේවය කල ඇමරිකානු දේශපාලනඥයෙකි. ඩිමොක්‍රටික් පක්ෂයෙහි සාමාජිකයෙක් වන ඔබාමා, ජනාධිපතිවරයා ලෙසින් සේවය කිරීමට අවස්ථාව ලද පළමුවන අප්‍රිකානු ඇමරිකානුවා සහ ප්‍රත්‍යාසන්න එක්සත් ජනපදයට පිටත උපන් සහ එසේ කිරීමට අවස්ථාව ලද පළමු තැනැත්තාද විය.
බරාක් ඔබාමා | |
|---|---|
 | |
| එක්සත් ජනපදයෙහි 44වන ජනාධිපතිවරයා | |
| In office ජනවාරි 20, 2009 – ජනවාරි 20, 2017 | |
| උප ජනාධිපතිවරයා | ජෝ බයිඩන් |
| පූර්වප්‍රාප්තිකයා | ජෝර්ජ් ඩබ්. බුෂ් |
| අනුප්‍රාප්තිකයා | ඩොනල්ඩ් ට්‍රම්ප් |
| United States Senator from ඉලනෝයි | |
| In office ජනවාරි 3, 2005 – නොවැම්බර් 16, 2008 | |
| පූර්වප්‍රාප්තිකයා | පීටර් ෆිට්ස්ජෙරල්ඩ් |
| අනුප්‍රාප්තිකයා | රෝලන්ඩ් බරිස් |
| Member of the ඉලනෝයි Senate from the 13වන district | |
| In office ජනවාරි 8, 1997 – නොවැම්බර් 4, 2004 | |
| පූර්වප්‍රාප්තිකයා | ඇලිස් පාමර් |
| අනුප්‍රාප්තිකයා | ක්වාමී රවුල් |
| Personal details | |
| උපත | බරාක් හුසේන් ඔබාමා II අගෝස්තු 4, 1961 හොනලුලු, හවායි, එ.ජ. |
| දේශපාලන පක්ෂය | ඩිමොක්‍රටික් |
| කලත්‍රයා | |
| ළමයි | මලීයා ඔබාමා සාෂා ඔබාමා |
| දෙමාපිය(s) | බරාක් ඔබාමා ජ්‍යෙ. ඈන් ඩනම් |
| ඥාතීන් | මායා සුටෝරෝ (අර්ධ-සෙහොයුරිය) |
| පදිංචිය | කැලරාමා, වොෂිංටන්, ඩී.සී. |
| Alma mater | |
| සම්මාන | නොබෙල් සාම ත්‍යාගය (2009) |
| අත්සන |  |
| වෙබ් අඩවිය | |
එම ප්‍රදේශය සඳහා සංගමය වෙත එක්වීමෙහි අවස්ථාව ලැබී වසර දෙකකට පසුව හොනලුලු, හවායි හිදී උපත ලද ඔබාමා, ශාන්තිකර ප්‍රදේශයෙහි ඇති දැඩි විය. කොළොම්බියා විශ්වවිද්‍යාලයෙන් සහ හාවඩ් නීති විද්‍යාලයෙන් උපධිය ලද ඔහු, හාවඩ් ලෝ රිවිව්හී සභාපති විය. ඔහුගේ නීති උපාධිය ලැබීමට පළමුව ඔහු චිකාගෝහී ප්‍රජා සංවිධායකයෙක් වූ අතර, ඉනික්බිතව ඔහු සිවිල් අයිතිවාසිකම් නීතිඥවරයෙක් වශයෙන් සේවය කොට 1992 සිට 2004 දක්වා චිකාගෝ විශ්වවිද්‍යාලයීය නීති විද්‍යාලයෙහි ආණ්ඩුක්‍රම ව්‍යවස්ථාමය නීතිය උගැන්වීය. 1997 සිට 2004 වසර දක්වා ඉලනෝයි සෙනෙට් මන්ත්‍රී මණ්ඩලයෙහි ධූර කාලයන් තුනක් තුල 13වන දිස්ත්‍රික්කය නියෝජනය කරමින් සිටියදී තනතුරුධාරීව සිටි බොබී රෂ්ට එරෙහිව ඔබාමා 2000 වසරෙහිදී එක්සත් ජනපද නියෝජිත මන්ත්‍රී මණ්ඩලය සඳහා ඩිමොක්‍රටික් ප්‍රාථමික මැතිවරණය සඳහා අසාර්ථක ලෙසින් තරග කළේය. 2004 වසර තුලදී ඔබාමා වෙත ජාතික අවධානය යොමුවූයේ, එ.ජ. සෙනෙට් මන්ත්‍රී මණ්ඩලය සඳහා මැතිවරණ ව්‍යාපාරයෙහිදී ඔහු විසින් මාර්තු මසදී ප්‍රාථමික මැතිවරණය දිනාගැනීම, ජූලි මස ඩිමොක්‍රටික් ජාතික සමුළුවෙහිදී ඔහුගේ ප්‍රධාන දේශනය සහ, නොවැම්බරයෙහිදී සෙනෙට් මන්ත්‍රී මණ්ඩලය වෙත ඔහු තේරී පත්වීම හා සමගිනි. 2008 වසරෙහිදී, ඔබාමා විසින් ජනාධිපති ධූරය සඳහා නාමයෝජනා ලද්දේ ඔහුගේ මැතිවරණ ව්‍යාපාරය අරඹා වසරකට පසුව සහ හිලරි ක්ලින්ටන්ට එරෙහිව තියුණු ප්‍රාථමික මැතිවරණ ව්‍යාපාරයකට පසුවය. ජනාධිපතිවරණයෙහිදී රිපබ්ලිකන් නාමයෝජිත ජෝන් මැක්කේන් පරදවමින් ජනාධිපති ධූරයට තේරී ලත් තැනැත්තේ වූ ඔහු, ජනවාරි 20 දිනදී නිලප්‍රතිෂ්ඨාපනය ලැබීය. නව මසකට පසුව, 2009 නොබෙල් සාම ත්‍යාගලාභියා ලෙසින් ඔබාමා නම් කෙරිණි.
ඔහු 1992 වසරේදී විවාහ වූ අතර ඔහුට දියණියන් දෙදෙනෙක් සිටිති. ඔහු ග්‍රන්ථ දෙකක් ලියා තිබේ. එකක් "ඩ්රීම්ස් ෆ්රොයම් මයි ෆාදර්" නමින් කළ ඔහුගේ බාල කාලය ගැන විස්තර අඩංගු කෘතියයි. අනෙක " දි ඕඩසිටි ඔෆ් හෝප්" නම් එක්සත් ජනපද දේශපාලනය ගැන ලියැවුණු පෞද්ගලික අදහස් දැක්වීමකි.
කෙන්යානු පියෙකුට හා අමෙරිකානු මවකට දාව උපත ලත් ඔහු, ඔහුගේ ළමා කාලයෙන් සහ නව යෞවනයෙන් වැඩි කොටසක් ගත කළේ හවායි හි හොනලුලු ප්‍රදේශයේය. වයස හයේදී ඔහු ජකර්තාවට ගිය අතර, එහිදී තම මව් සහ සුළු පියා සමග වසර 4 ක් ගත කළේය. කොලොම්බියා විශ්ව විද්‍යාලයේ මෙන්ම හාවර්ඩ් නීති විද්‍යාලයේ උපාධිධරයෙකු වූ ඔබාමා ප්‍රජා සංවිධායකයෙකු, විශ්ව විද්‍යාල කථිකාචාර්යවරයෙකු සහ නීතිඥයෙකු මෙන් කටයුතු කළේය. පසුව ඔහු 1997 වර්ෂයේ සිට 2004 දක්වා ඉලිනොයිස් ප්‍රාන්තයේ සෙනෙට් සභිකයෙකු විය.
එක්සත් ජනපද නියෝජිත මන්ත්‍රී මණ්ඩලයේ අසුනක් ලබා ගැනීමට කරන ලද උත්සාහය ව්‍යර්ථ වීමෙන් පසු 2000 වර්ෂයේදී එක්සත් ජනපද සෙනෙට් මන්ත්‍රී මණ්ඩලය සඳහා තේරී පත් වීමට අවශ්‍ය කටයුතු ආරම්භ කළේය. 2004 දී ජයග්‍රහණය කිරීමෙන් පසු ඩිමොක්‍රටික් ජාතික සමුලුව ඇමතුවේය. 2004 නොවැම්බරයේදී 70% ක චන්ද ප්‍රමාණයක් ලබා ගෙන එක්සත් ජනපද සෙනෙට් මන්ත්‍රී මණ්ඩලයට තේරී පත් විය.
109 වැනි සමුලුවේදී ඩිමොක්‍රටික් මයිනෝරිටියේ සාමාජිකයෙකු ලෙස න්‍යෂ්ටික නොවන අවි පාලනයට සහ ෆෙඩරල් රජයේ අරමුදල් පාවිච්චියේදී මහජන වගකීමකින් යුතුව එය කිරීමට නීති පැනවීම සම්බන්ධයෙන් අනුග්‍රහ දක්වමින් කටයුතු කළේය. නැගෙනහිර යුරෝපය, මැද පෙරදිග සහ අප්‍රිකාව වැනි රටවලට නිල වශයෙන් සංචාරය යෙදුනේය. 110 වැනි සමුළුවේදී ඡන්ද වංචා, දේශගුණ විපර්යාස, න්‍යෂ්ටික ත්‍රස්තවාදය සමග ආපසු පැමිණෙන යුද හමුදා නිලධාරීන් සම්බන්ධයෙන් අවශ්‍ය වන නිති පැනවීමට ක්‍රියා කළේය. 2007 දී ඔහුගේ ජනාධිපතිවරණ ඡන්ද අපේක්ෂකත්වය ප්‍රකාශනයට පත් කිරීමෙන් පසු ඉරාකයේ යුද්ධය අවසාන කිරීම ගැන, බලශක්ති නිදහස සහ විශ්ව සෞඛ්යන ආරක්ෂක පහසුකම් සැපයීම වැනි කරුණු වලට ජාතික වශයෙන් මුල් තැනක් දෙන බව ප්‍රකාශ කළේය.
පෞද්ගලික ජීවිතය
සංස්කරණය
1989 ජුනි මාසයේදී ඔබාමා හට තම බිරිඳ වන මිෂෙල් රොබින්සන් හමුවන්නේ ඔහු චිකාගෝ හි නීතීඥ සමාගමක් වන ‘සිඩ්ලි සහ ඔස්ටින්’ සමාගමට සේවය කරන අවස්ථාවේ දීය. ඔබාමාගේ උපදේශක වරිය ලෙස මාස 3 කට පත්වීමක් ලැබීමෙන් රොබින්සන් හට ඔබාමා හඳුනා ගැනීමට අවස්ථාව හිමිවේ. පසුව 1991 වන විට ඔවුන් විවාහ ගිවිසගන්නා අතර 1992 ඔක්තෝම්බර් 3 වනදා විවාහ පත්විය .මෙම යුවලගේ පළමු දියණිය ‘මාලියා ඈන්’ වන අතර ඇය 1998 දී උපත ලැබීය. 2001 දී ඔවුන් හට දෙවන දියණියත් තම පවුලට එක් කර ගැනීමට හැකිවන අතර ඇය ‘නටාෂා’ නම් වේ.
2006 අගෝස්තු 31 වන දා ‘ජිබුට්’ හි ලිමෝනියර් කඳවුර බැලීමට ගිය ඔබාමා එක්සත් ජනපද සෙබළුන් සමඟ පැසිපන්දු ක්‍රීඩාවේ නිරත වූ අවස්ථාවක්.
ඇ.ඩො. මිලියන 2ක පොත් ගනුදෙනුවකින් ඔබාමා හට ඇ.ඩො.මිලියන 1.6 ක නව නිවසක් මිලට ගත හැකිවන්නේ 2005 වර්ෂයේදීය. ඔවුන්ගේ වර්තමාන නිවසද වන එය ‘කෙන්වුඩ්’ අසල පෙදෙසෙහි පිහිටා ඇත.මෙම නිවසට යාබද ඉඩම එකවරම ඔබාමාගේ හිතවතකු වන ‘ටෝනි රෙස්කෝ ගේ බිරිඳ හට විකුණන ලදී.මෙම සිදුවීමෙන් අනතුරුව මිධ්යව මගින් ටෝනි රෙස්කෝ සහ ඔබාමා අතර ඇති සබඳතාවය පිළිබඳ වාර්තා නිකුත් කෙරිණි. Money සඟරාවට අනුව 2007 දී ඔබාමා පවුලේ ශුද්ධ ආදායම ඇ.ඩො. මිලියන 1.3කි. ඔවුන්ගේ බදු ගෙවීම් අනුව නම් එම පවුලේ ආදායම ඇ.ඩො. මිලියන 4.2 කි. එය 2006 වසරට ඩා ඇ.ඩො. මිලියනයකින් , 2005 ටවඩා ඇ.ඩො. මිලියන 1.6 ක වැඩිවීමක් වන අතර බොහෝ විට එය ඔහු ගේ පොත් අලෙවිය නිසා ඇතිවූ තත්වයක් බවට සඳහන්ය.
ඔබාමා පැසිපන්දු ක්‍රීඩකයෙකි, ඔහු විශ්ව විද්‍යාලයට සහභාගී වූ කාල සීමාවේ ද පැසිපන්දු කණ්ඩායම් සාමාජිකයෙකි. ජනාධිපති අපේක්ෂකත්වය ප්‍රකාශයට පත් කිරීමට පෙරාතුව ද ඔබාමා දුම්පානය නැවැත්වීම සඳහා වූ ව්‍යාපාරයක නිරත වූ අතර එය බොහෝ දෙනා අතර ප්‍රසිද්ඩියට පත් වූවකි. ඔබාමා ‘චිකාගෝ ට්රි බියුන්’ පුවත්පතට ප්‍රකාශ කලේ තමා දුම්පානයට ඇබ්බැහි වූවකු නොවන බවයි තම බිරිඳ ගෙන් ලැබුණු අයෝමය සහාය හේතුවෙන් අවුරුදු කිහිපයක සිට තමාට දුම්පානයට විරුද්ධ වීමට හැකි වූ බව ඔබාමා පවසයි. 2008 ජනාධිපති අපේක්ෂකයන් පිළිබඳ Associated Press ආයතනයෙන් පැවැති සමීක්ෂනයට මුහුණ දෙමින් ඔබාමා ගෙන් තම ප්‍රියතම වෘත්තිය කුමක් දැයි යන පැනයට ඔහු ගෘහ නිර්මාණ ශිල්පියකු යැයි පිළිතුරු ලබා දුන්නේය. තවද ඔබාමා ගෙන් තම සැඟවුණු දක්ෂතාව කුමක් දැයි විමසූ විට ඔහු ප්‍රකාශ කලේ තමා ඉතා හොඳ ‘පෝකර්’ ක්‍රීඩකයකු බවයි. ඔබාමා විසින් රචිත පොතක ඔහු සඳහන් කර ඇත්තේ තමා හැදී වැඩුනේ ආගමික පරිසරයක නොවන බවයි. තවද ඔහු ලියා ඇත්තේ ඔහුගේ මව හැදී වැඩී ඇත්තේ ද ආගමික නොවන දෙමාපියන් යටතේ බවයි. එසේම ඔහු තම පියා පිළිබඳව කියන්නේ තම පියා මුස්ලිම් අයෙකු වූවත් අදේව දෘෂ්ටිකයකු බවය. තවද ඔහු විස්තර කළේ ජාතිකයන් සමඟ භේදයකින් තොරව වැඩකිරීමෙන් ලැබෙන නිසි ප්‍රතිඵල පිළිබඳවයි. ඔහු ඉතා හොඳ සමාජ සංවිධායක වරයෙකුගේ භූමිකාව ද හොඳින් ඉදිරිපත් කරන අතර එමගින් ඔහු අප්‍රිකානු-ඇමරිකානු සංස්කෘතියකින් ලබාගත හැකි සමාජ වෙනස් කිරීම පිළිබඳව තේරුම් ගැනීමට මුල් විය. තවද ඔහු 1992 සිට චිකාගෝහි ‘ට්‍රිනිටි’ එක්සත් ක්‍රිස්තියානි සංගම් සාමාජිකයකු ද වන්නේය.
පොත්
සංස්කරණයඔඩිසිටි ඔෆ් හොප් (The Audacity of hope)
සංස්කරණයඔබාමාගේ පළමු පොත වූ Dreams from my father: A story of race and inheritance යන්න ඔහුගේ දේශපාලනික ආගමනයට පෙර ප්‍රකාශයට පත් විය. එහිදී ඔහු හොනලුලූ හා ජකර්තා හි ගෙවූ ඔහුගේ ළමා විය සිහිපත් කරන අතර ලොස් ඇන්ජලීස් හා නිව් යෝර්ක් නග‍රයෙහි ගෙවුනු ඔහුගේ විද්‍යාල වර්ෂයන් ද සිහිපත් කරයි. තවද ඔහු විසින් 1980 දී චිකාගෝ හි සමාජ සංවිධානවරයෙකු ලෙස සේවය කළ අයුරු ද මෙම ග්‍රන්ථයෙන් ආමන්ත්‍රණය කරයි. පොතෙහි අන්තිම කොටස් කිහිපය ඔහුගේ ප්‍රථම කෙන්යානු ගමන විස්තර කරයි. එය ඔහුගේ ලුවෝ (Luo) පවුල හා උරුමය සමඟ සම්බන්ධ වීම සඳහා වූ ගමනකි. 2004 නැවත සකස් කරන ලද සංස්කරණය පෙරවදනේ දී ඔබාමා කියා සිටින්නේ ඔහුගේ පවුලේ කතාන්දරය ඇමරිකානු අත්දැකීම වර්ගීකරණය කර ඇති ජාති අතර ඇති කැඩීම් කිසියම් හෝ ක්ර මයකින් ආමන්ත්රතණය කරනු ඇති බවට ඔහු බලාපොරොත්තු වු බවයි. 1995 නැවත සංශෝධනය කළේ නවකතාකරුවෙකු වූ පෝල් වොට්කිංස් ලියා තිබෙන්නේ සිහින “නිතැතින්ම විස්තර කරන්නේ වෙනස් ලෝක දෙකකට අයත් වීමේ සංසිද්ධිය හා එමනිසා කිසිවකුට අයත් නොවේ” යන්නයි. මෙහි දෘශ්‍ය ග්‍රන්ථ සංස්කරණය ඔබාමාව 2006 දී හොඳම වචන උච්ඡාරන ඇල්බමය සදහා වූ ග්රැමී සම්මානයෙන් සම්මානයට පාත්‍ර කරනු ලැබීය.
ඔහුගේ දෙවන ග්‍රන්ථය වූ The audacity of hope: Thoughts on reclaiming the American dream 2006 ඔක්තෝබර් මස දී ප්‍රකාශයට පත් වුණු අතර ඉතා ඉක්මනින් ඔහු නිව්යෝර්ක් ටයිම්ස් හොඳම විකිණුම්කරුවන්ගේ ලයිස්තුවෙහි ඉහලටම පැමිණියේය. චිකාගෝ ට්‍රිබියුන් (Chicago Tribune) ප්‍රකාශ කර සිටින්නේ ඔහුගේ පොත්වලට අත්සන් තැබීමේ අවස්ථාවල එකතු වූ විශාල ජනකායක් ඔහුගේ ජනාධිපති සඳහා තරඟ වැදීමේ තීරණයට බලපෑම් එල්ල කළ බවයි. හිටපු ඇමරිකානු ජනාධිපති අපේක්ෂකයෙකු වූ ගැරී හාර්ට් පවසා සිටින්නේ පොතෙහි ස්වං චිත්රශය නිරූපණය කර සිටින්නේ “අත්දැකීම්වලින් යුත් සාපේක්ෂව තරුණ මිනිසෙක්, මිනිස් තත්ව ගැන පුළුල් නිරීක්ෂකයෙක් හා විභූතිය පිළිබඳ සලකනු ඇති ලිවීමේ හැකියා හා ප්‍රබල උත්සාහයෙන් යුත් මිනිසෙක්” බවයි. නැවත පරීක්ෂකවරයෙකු වන මයිකල් තොමස්කි කියා සිටින්නේ “ප්‍රජාතන්ත්‍රවාදී ඔවුන්ගේ වල්මත් බවින් එලියට ගන්නා නව නීති නියෝග” එහි ඇතුළත් නොවන නමුත් එමඟින් පෙන්වන්නේ “ඇමරිකානු ජනතාවගෙන් වඩා වැඩි පරාසයකට ආමන්ත්‍රණය කරන වර්ධනාත්මක නමුත් පුද්ගල සම්ප්‍රදායන් මත පදනම් වී ඇති නව දේශපාලනයක් තැනීම” ඔබාමාගේ අරමුණ බවයි. 2008 පෙබරවාරි මස දී ඔහු Audacity හි වචන උච්ඡාරණ සංස්කරණය සඳහා වූ ග්රැමී සම්මානය දිනා ගන්නා ලදී. පොතෙහි වෙනත් භාෂා සංස්කරණ ඉතාලියානු, ස්පාඤ්ඤ, ජර්මන්, ප්‍රංශ, ඩෙන්මාර්ක හා ග්‍රීක භාෂාවලින් ප්‍රකාශයට පත් වී ඇත. ඉතාලියානු සංස්කරණය 2007 අප්‍රේල් මස දී ප්‍රකාශයට පත් වූ අතර එහි පෙරවදන හිටපු රෝම නඟරාධිපති වූ, ඉතාලියෙහි ප්ර්ජාතන්ත්ර වාදී පක්ෂයේ වර්තමාන නායකයා වන හා ඔබාමාගේ මුල්ම පිටරට සහායකයන්ගෙන් කෙනෙක් වූ වෝල්ටර් වෙල්ට්රෝනි විසින් සපයා ඇත.
සංස්කෘතික දේශපාලනික ප්රතිරූපය
සංස්කරණයසහායකයින් හා විවේචකයින් සංස්කෘතික රොෂේක් පරීක්ෂණය සඳහා වූ ඔබාමාගේ ප්‍රසිද්ධ රූපයට ඇලුම් කරන්නට ඇත. එය පුද්ගලයින්ට තමන්ගේ පෞද්ගලික ඉතිහාසය හා බලපොරොත්තු ප්‍රක්ෂේපනය කළ හැකි උදාසීන පුද්ගලතාවක් විය. ඔහුගේ පවුලේ මුලාරම්භය පිළිබඳව වූ ඔබාමාගේ කතා 2004 නිව් යෝර්ක සඟරාව මගින් ඔහුගේ එව්රි මෑන් ප්රතිරූපය ලෙස විස්තර කරන දෙය සවි ගන්වයි. ඔහුගේ Dreams from my father හිදී ඔහු ඔහුගේ මවු පක්ෂයේ පවුල් ඉතිහාසය, ඇමරිකානු මුතුන් මිත්තන්ට හා ඇමරිකානු සිවිල් යුද්ධය අතරතුර දී දකුණු කන්ෆෙඩරසි යේ ජනාධිපති වූ ජෙෆර්සන් ඩේවිස්ගේ දුරස්ථ ඥාතීන්ට සම්බන්ධ කරනු ලබයි. US සෙනෙට් සභාව සඳහා වූ 2004 මැතිවරණයේ දී යුදෙව් සභාවකට කතා කිරීමේ දී ඔහු ඔහුගේ නැගෙනහිර අප්‍රිකානු මුල් නම වූ බැරැක්, ආශිර්වාදලත්තා යන තේරුම ඇති යුදෙව් භාෂාවේ Baruch වචනයට සම්බන්ධ කරන ලදී. 2006 ඔක්තෝබර් මස දී The Oprah winfrey show පිළිබද වූ සම්මුඛ පරීක්ෂණයක දී ඔහු ඔහුගේ විස්තෘත පවුලෙහි වූ විවිධත්වය මතුකර දක්වන ලදී. “අපි නත්තලට හෝ ප්‍රණාම පිදීමක් සඳහා එකට එක් වූ විට එය කුඩා එක්සත් ජාතීන්ගේ සංගමය වැනි යයි මිචෙල් ඔබට පවසනු ඇත.” යැයි ඔහු පැවසීය. තවද ඔහු “මට බර්නි මැක් ගේ රූපයට සමාන නෑදෑයින් මෙන්ම මාගරට් තැචර්ගේ රූපයට සමාන නෑදෑයින් ද සිටී. අපට සියලු දෙනා සිටී.”
ඔහුගේ කෙන්යානු පියා හා අප්‍රිකානු මව සමඟ වූ හොනලුලූ හා ජකර්තා හි ඔහුගේ හැදී වැඩීම හා ඔහුගේ මුල් කාලීන අධ්‍යාපනය, ඔහුගේ මුල් කාලීන අත්දැකීම්, 1960 දී සිවිල් අයිතිවාසිකම් ව්‍යාපාර හරහා අප්‍රි‍කා ඇමරිකානු දේශපාලනඥයන් මඟින් නිකුත් කර ඔවුන්ගේ සේවා වාර්තාවට වඩා බෙහෙවින් වෙනස් වේ. 2007 ජනවාරි මස දී The end of blackness හි කතුවරයා වූ ඩෙබ්රාව ඩිකර්සන් ඔබාමා ගේ දේශපාලනික නැගිටීමෙන් වූ රුචිකත්වයට බඳුන් වන සංස්කෘතිකමය ගම්මානවලට එරෙහිව අනතුරු ඇඟවීය. ඩිකර්සන් Salon හි දී ලියා සිටියේ “වර්ධනයේ ඇති වීමක් ලබා දෙන අතරතුර වහල්බවේ විශේෂත්වය මකා දමා වර්ගවාදය අඛණ්ඩව පවත්වාගෙන යන බවයි.” චිත්‍රපට විචාරකයකු වූ ඩේවිඩ් අර්න්ස් ටෙයින් 2007 මාර්තු මස දී ලියන ලද ලොස්‍ඇන්ජලීස් ටයිම්ස් ලිපියක් ඔබාමාගේ සුදු මිනිසුන් අතර වූ ඡන්ද ව්‍යාපාරයේ සංස්කෘතික බව ,හොලිවුඩ් චිත්‍රපටවල කළු ජාතික නළුවන් මඟින් රඟ දක්වන ලද “Magical Negro” චරිත සමඟ සංසන්දනය කරයි. ඔහු ඇති තරම් කළු ද යන්න පිළිබඳ වූ ප්‍රශ්නයක් ගැන 2007 අගෝස්තු මස පැවති කළු ජාතික මාධ්‍යවේදීන්ගේ ජාතික රැස්වීමේ දී බැරැක් ඔබාමා ප්‍රකාශ කර සිටියේ මෙම විවාදය ඔහුගේ භෞතික පෙනීම හෝ කළු ඡන්ද දායකයන් සඳහා වූ සැලකීම පිළිබඳ ප්‍රශ්නය කෙරෙහි වූ ඔහුගේ වාර්තා පිළිබඳව නොවන බවයි.
2007 මාර්තු මස දී වොෂින්ටන් පෝස්ට්හි අදහස් තීරුවේ ඔබාමාගේ දේශපාලනික ප්රතිරූපය පිළිබඳ ලිපියක දී ඉයුජීන් රොබින්සන් විසින් ඔහු දෙවර්ගයේම පුද්ගලායනයක්, දේශපාලනික තෝරාගැනීම් ඉවත දමන පණිවිඩකරුවෙක් හා 1960 සංස්කෘතික ගැටුම්වලින් එපිටට ජාතිය මෙහෙයවිය හැකි පුද්ගලයෙක් ලෙස වර්ගීකරණය කළේය. ඔබාමා විසින් The Audacity of hope හිදී “අන්තිමට, ප්‍රජාතන්ත්‍රවාදියෙක්” ලෙස ඔහුව හැඳින්වීම සෙනෙට් සභික බව වැඩිපුර ප්‍රදර්ශනය කරනවා යැයි පවසමින් ප්‍රගතිශීලී විචාරකයකු වූ ඩේවිඩ් සිරෝටා මඟින් විවේචනය කර ඇති අතර ඇමරිකානු ජනාධිපති තනතුර දක්වා යාමට මධ්‍යස්ත තීරු ලේඛකයකු වූ ජෝර්ජ් විල් මඟින් සවිබල ගන්වා ඇත. නමුත් 2006 දෙසැම්බර් මස දී වෝල් ස්රීට් ජර්නල්හි කතුවැකියේ සඳහන් වන්නේ “සම්භවයක් නොමැති මිනිසා” ලෙසයි. රොනල්ඩ් රීගන් හා පෙගී නූනන් අනෙක් අයටත් අවවාද කර සිටින්නේ ඔබාමාගේ තවමත් මුල් කාලයේ පවතින දේශපාලනික ඉතිහාසය ගැන මෙතරම් ඉක්මනින් උද්වේගයට පත් නොවන ලෙසයි. ජෝන් එෆ්. කෙනඩිගේ පළමු ඇමතීම නැවත ප්‍රකාශ කර සිටීමෙන් 2007 ඔක්තෝබර් මස ඡන්ද රැස්වීමක දී ඔබාමා ඔහුගේ තරුණ ප්රතිරූපය වර්ධනය කර ගත්තේය. එම වදන් පෙළ වූයේ “කාලය හා නැවත නව පරම්පරාව කරා පන්දම යවා නොතිබිණි නම් මම මෙතන නොසිටීමට ඉඩ තිබිණි.”
සාමාජිකත්වය දැරු කමිටු
සංස්කරණය2006 දෙසැම්බර් මාසය තුල ඔබාමා, විදේශ කටයුතු, පාරිසරික සහ මහජන සේවා, විශේෂඥ කටයුතු, සම්බන්ධ සෙනෙට් කමිටු වල නියමිත වැඩ කොටස ඉටු කිරීමෙන් පසු 2007 ජනවාරියේදී ඔහු ඉන් ඉවත් වී, සෞඛ්යව, අධ්‍යාපන, කම්කරු සහ විශ්‍රාම වැටුප් අංශ වල කටයුතු කළේය. යුරෝපා කටයුතු පිළිබඳ සෙනෙට් උප කමිටුවේ සභාපති ලෙසද පත් විය.
සෙනෙට් විදේශ කටයුතු කමිටුවේ සමාජිකයෙකු ලෙස සහ නැගෙනහිර යුරෝපය, මැද පෙරදිග, සහ අප්‍රිකාව යන රටවල නිල සංචාරයන්හි යෙදුනේය. 2005 අගෝස්තුවේදී රුසියාව, යුක්රේන් සහ අසර්බයිජානයටද ගියේය. මෙම ගමන් වල පරමාර්ථය වූයේ ත්‍රස්තවාදී ප්‍රහාර වැලැක්වීමේ ප්‍රථම උපාය මාර්ගයක් ලෙස න්‍යෂ්ඨික අවි, ජීව විද්යායත්මක අවි සහ සමූල ඝාතණ අවි ලෝක ව්‍යාප්තව සැපයීම පාලනය කිරීමයි. 2006 ජනවාරි මස කුවේට් සහ ඉරාකයේ එක්සත් ජනපද හමුදාව හමුවීමෙන් අනතුරුව ඔහු ජෝර්දාන්, ඊශ්රාකයල් සහ පලස්තීන ප්‍රදේශවලටද ගියේය. හමාස් සංවිධානය නීත්‍යානුකූලව ඡන්දය ජය ගැනීමට සති දෙකට පෙර පලස්තීන ශිෂයයින් සමග ඔබාමා පැවැත්වූ සාකච්ඡාවේදී ඔහු අවධාරණය කළේ "ඔවුන්ගේ මුලින් කළ යුතු කාර්යයක් ලෙස ඊශ්‍රායලය ඉවත් කිරීමේ අදහස අස් කර නොගන්නේනම් එක්සත් ජනපදය විසින් ජයග්‍රාහී හමාස් කණ්ඩායම පිළිගන්නේ නැත" යනුවෙනි. 2006 අගොස්තුවේදී ඹහුගේ තෙවැනි විදේශ නිල සංචාරය ආරම්භ කරමින් දකුණු අප්රිළකාව, කෙන්යා, ජිබුටි, ඉතියෝපියා සහ චැඩ් රාජ්‍ය යන් වෙත ගියේය. නයිරෝබි විශ්ව විද්‍යාලයේදී ඔහු දේශපාලන දූෂිත තත්වයන් සහ ජනවාර්ගික වශයෙන් බෙදී තරඟකාරී ලෙස කටයුතු තිරීම ගැන දේශනයක් පැවැත්වීය. මෙම දේශනය කෙන්යානු නායකයින් අතර මතවාදයක ආරම්භයක් විය. ඇතැමෙකු ඔබාමාගේ ප්‍රකාශය අභියෝගයට ලක් කළ අතර ඇතැමෙක් ඔහුට පක්ෂව කථා කළහ.
ඉරාක යුද්ධය පිලිබඳ ඔබාමාගේ මතය
සංස්කරණයඔබාමා ඉරාකය සම්බන්ධයෙන් වූ බුෂ් පරිපාලනයේ ප්‍රතිපත්ති වලට කලින්ම එ‍රෙහි වූ විරුද්ධවාදියෙකි. 2002 ඔක්තෝබර් 2 වැනි දින බුෂ් සහ කොංග්‍රසය ඉරාක යුද්ධය අනුමත කරමින් ඒකාබද්ධ යෝජනාවකට එකග වන ලදී. ඔබාමා පළමු වරට චිකාගෝ ෆෙඩරල් ප්ලාසා හිදී ඉරාකයට විරුද්ධව යුද වැදීමට එරෙහිව ප්‍රසිද්ධියේ ප්‍රකාශයක් කරන ලදී.
2003 මාර්තු 16 දින ජනාධිපති බුෂ්, එක්සත් ජනපදය විසින් ඉරාකය ආක්‍රමණය කිරීමට පෙර ඉරාකයෙන් පිටවන ලෙස සදාම් හුසේන්ට පැය 48ක අවසන් නිවේදනය නිකුත් කරන ලදී. ඔබාමා එදිනම ඩැලි ප්ලාසා හිදී චිකාගෝ යුද විරෝධී විශාලම රැලිය අමතමින් රැස් වූ පිරිසට පවසා සිටියේ යුද්ධය නැවැත්වීමට තවමත් ප්‍රමාද නොමැති බවය.
ඔබාමා 2004 එක්සත් ජනපද සෙනෙට් සභික තනතුර සදහා වු ඔහුගේ ව්‍යාපාරයේදී ඉරාක යුද්ධය සදහා අනුමැතිය දෙමින් සහාය දක්වන ලද රාජාතාන්ත්‍රික මූලික විරුද්ධවාදීන් ගෙන් තමා වෙනත් අයෙකු බව හැදින් වීම සදහා සහ ඔහුගේ 2008 එක්සත් ජනපදයේ ජනාධිපතිවරණ ව්‍යාපාරයේදී ඉරාක යුද්ධය අනුමත කරමින් ඡන්දය ලබා දුන් ප්‍රධාන විරුද්ධවාදීන් සිව්දෙනා (සෙනෙට් සභික වරුන් වන ක්ලින්ටන්, එඩ්වර්ඩ්ස් බීඩන් සහ ඩොඩ්) අතුරින් තමා වෙනස් කොට හැදින්වීම සදහා ඉරාක යුද්ධය බරපතල ප්‍රශ්නයක් වීමට පෙර ප්‍රසිද්ධියේ විරුද්ධත්වය දැක්වීය.
2006 නොවැම්බර් මාසයේදී ගෝලීය කටයුතු පිළිබදව චිකාගෝ කවුන්සිලය අමතමින් ඉරාකයේ සිටින ඇමෙරිකා එක්සත් ජනපද හමුදාව අදියරෙන් අදියර ආපසු කැදවිය යුතු බව සහ සිරියාව හා ඉරානය සමග පුහද සාකච්ඡා ආරම්භ කළ යුතු බව ඔබාමා විසින් දක්වන ලදී. 2007 AIPAC ඊශ්‍රායලයට පක්ෂ ලොබියකට කරන ලද දේශනයකදී පවසන ලද්දේ ඉරානය න්‍යෂ්ටික ආයුද නිපදවීමෙන් යුද වාර්තාවරණ තුල වුවද වලක්වා ප්‍රධාන ක්‍රමය වනුයේ වලකා ගත හැකි සාකච්ඡා මගින් හා ජාත්‍යාන්තර සබදතා හරහා බවය. ඔබාමා විසින් සදහන් කරන ලද්දේ කොන්දේසි රහිතව ඔහු විසින් කෙලින්ම ජනාධිපති සබදතා ඉරානය සමග ඇති කරනු ලබන බවය. 2007 අගොස්තු මාසයේදී ගෝලීය ත්‍රස්තවාදයට එරෙහිව සටන් කිරීම පිළිබද ඔහුගේ උපායන් සදහන් කරමින් ඔබාමා ප්‍රකාශ කරන ලද්දේ එක්සත් ජනපද රහස් ඔත්තුසේවය විසින් පකිස්ථානයේ ෆෙඩරල්වාදී පාලනයට යටත් ගෝත්‍රික කණ්ඩායම් වෙ‍සෙන ප්‍රදේශයන්හි සිදුවන බවට තහවුරු කර තිබූ අල්කයිඩා නායකයින්ගේ 2005 රැස්වීමට එරෙහිව ක්‍රියා නොකිරීම බරපතල වරදක් බවය. ජනාධිපති වශයෙන් සමාන අවස්ථාවක් පකිස්ථාන රජයේ උපකාරය නොමැති වුවද ජනාධිපති වශයෙන් ඔහු අත් නොහරින බවද ප්‍රකාශ කරන ලදී.
2005 දෙසැම්බර් මාසයේදී වොෂින්ටන් පෝස්ට් අදහස් තීරුවෙහි සහ 2006 අපරි‍වයෙල් මාසයේ සේව් චාfපර් රැලියේදී සූඩානයේ චාfපර් කලාපයේ සිදුවන මිනිස් සංහරයට එරෙහිව එඩිතර ක්‍රියා මාර්ගයක් ගත යුතු යැයි ඉල්ලා සිටින ලදී. සූඩානය සහ සම්බන්ධ කොටස්, වෙළදපලේ ඔහුට අයිති ඩොලර් 180,000 වූ පුද්ගලික තැන්පතු අත්හැර දමන ලද අතර ඉරානයෙහි වයාි පාරික කටයුතු වල යෙදෙන සමාගම් වලටද එසේ කරන ලෙස බල කෙරින. 2007 ජූලි - අගෝස්තු වලදී ෆොරින් එෆෙයාර්ස් (විදේශ කටයුතු) සගරාවේ ඔබාමා විසින් පැහැදිලි පශ්චාත් ඉරාක යුද ප්‍රතිපත්තියක් සහ ඇමෙරිකානු හමුදාවේ නව තත්ත්වයක්ද, ජාත්‍යාන්තර සම්බන්ධතා සහ ලොක නායකත්වයේ සදාචාර සම්පන්න බවක්ද සමච්චලයට අයැද සිටින ලදී.
අපට ලොකයේ පසු බැසීම නොහැකි මෙන්ම ඉදිරිපත් කෙරෙන කරුණු ලක් කිරීම නොකල යුතු හෙයින් ක්‍රියාවෙන් හා ආදර්ශයෙන් පෙරමුණ ගන්නා ලෙස ඔහු ඇමෙරිකානුවන් ගෙන් ඉල්ලා සිටින ලදී.
ඔබාමා විසින් ඩිමොක්රෙටික් පාක්ෂිකයින් හට කිතු දහමට අනුකූලවීමටද, අනෙකුත් ආගමික පුද්ගලයින්ට කිට්ටු වීමද උනන්දු කරවීය. 2006 දෙසැම්බර් මාසයේදී ඔහු දේවස්ථාන නායකයින් වූ කේ සහ රික්වොරන් විසින් සංවිධානය කරන ලද “ඒඩ්ස් සහ දේවස්ථාන පිළිබද ලෝක සමුළුවේදී (Global Summit of ADS and the Church)” සෙන් සෑම් බ්‍රවුන්බැක් (R-KS) සංවිධානයට එක් විය.
කෙන්යාවේදී මාස 4කට අඩු කාලයකදී පරික්ෂා කර තිබියදීත් වොරන් සහ බ්‍රවුන්බැක් සමග HIV පරීක්ෂණයනට පෙනී සිටින ලදී. ප්‍රසිද්ධ ජීවිත ගත කරන අනෙකුත් අයද පරීක්ෂණයට පෙනී සිටීමට උනන්දු කරන ලද අතර එසේ කිරීමට ලැජ්ජා නොවන ලෙසද සදහන් කරන ලදී. සම්මේලනයට ප්‍රථම ගබ්සාව හා සහන ඝාතන තහනම් කරන මෙන් ඉල්ලා සිටින කණ්ඩායම් 18ක් නීත්‍යානුකූල ගබ්සාව සදහා ඔබාමාගේ සම්බන්ධය දක්වමින් විවෘත ලිපියක් ප්‍රසිද්ධ කරන ලදී. ගබ්සාවට සෙනේටර් ඔබාමාගේ පක්ෂපාතීත්වය නොසලකා හැරීම පිළිබදව රික්වෝරන්ගේ තීරණයට තදින් විරුද්ධ වන බවද ඔහු පල්ලියෙන් ඉවත් විය යුතු බවද එහි සදහන් කරන ලදීග 2007 ජූනි මාසයේදී එක්සත් ක්‍රිස්තියානි සභාවේ සාමාජිකයින් 8000කට වැඩි පිරිසක් අමතමින් බෙදී සිටීමේ තත්ත්වයෙන් ඵල නෙලා ගැනීමට දැඩි වුවමනාවක් සියල්ලන්ට ඇති බවට ක්‍රිස්ටියන් රයිට් සංවිධානයේ ඊනියා නායකයින්ට අභියෝග කරන ලදී.
අමතර අවධානයට
සංස්කරණය
දේශපාලන
සංස්කරණය- DREAM Act
- Fraud Enforcement and Recovery Act of 2009
- Immigration Reform and Control Act of 1986
- IRS targeting controversy
- Middle Class Tax Relief and Job Creation Act of 2012
- National Broadband Plan (United States)
- Office of Energy Efficiency and Renewable Energy
- Social policy of the Barack Obama administration
- SPEECH Act
- Stay with It
- White House Office of Energy and Climate Change Policy
වෙනත්
සංස්කරණයලැයිස්තු
සංස්කරණය- Security incidents involving Barack Obama
- List of African-American United States senators
- List of African-American United States Senate candidates
- List of Barack Obama 2008 presidential campaign endorsements
- List of Barack Obama 2012 presidential campaign endorsements
- List of federal political scandals, 2009–17
- List of people granted executive clemency by Barack Obama
සටහන්
සංස්කරණයමූලාශ්ර
සංස්කරණයභාහිර සබැඳි
සංස්කරණයනිල අඩවි
සංස්කරණය- නිල වෙබ් අඩවිය of The Obama Foundation
- නිල වෙබ් අඩවිය of the Barack Obama Presidential Library
- නිල වෙබ් අඩවිය of Organizing for Action
- White House biography
වෙනත්
සංස්කරණය- Column archive at The Huffington Post
- බරාක් ඔබාමා at Curlie
- නිල ට්විටර් ගිණුමසැකිල්ල:CongBio
- Appearances on C-SPAN
- බරාක් ඔබාමා සඳහා IMDb හි ඇති තොරතුරු
- බරාක් ඔබාමා collected news and commentary at The New York Times
- බරාක් ඔබාමා articles in the archive of the Chicago Tribune
- Obama ගේ කෘති (ගුටෙන්බර්ග් ව්‍යාපෘතිය)
- Works by or about Barack Obama at Internet Archive
- Works by බරාක් ඔබාමා at LibriVox (public domain audiobooks)
- බරාක් ඔබාමා on Nobelprize.org
- Barack Obama at Politifact
