ජයලත් මනෝරත්න
කලා සූරි කලා කීර්ති ආචාර්ය කෙසෙල්ගස්පේ මනතුංග ජයලත් මනෝරත්න (උපත 1948 ජූනි 12 - විපත 2020 ජනවාරි 12), හෙවත් ජයලත් මනෝරත්න, යනු ශ්‍රී ලංකා සිනමාවේ, වේදිකාවේ සහ රූපවාහිනියේ නළුවෙකි.[1] ඔහු වෘත්තියෙන් කථිකාචාර්යවරයකු මෙන්ම අධ්‍යක්ෂවරයකු සහ නිෂ්පාදකවරයකු ද විය. නාට්‍යයේ සිට හාස්‍යය දක්වා අති බහුකාර්ය නළුවෙකු වන මනෝරත්න OCIC (සිනමා සහ ශ්‍රව්‍ය දෘශ්‍ය සඳහා ජාත්‍යන්තර කතෝලික සංවිධානය), ජනාධිපති, සරසවිය, රයිගම් ටෙලීස්, සුමති සහ රාජ්‍ය සාහිත්‍ය හා නාට්‍ය උළෙලවලදී විවිධ සම්මාන දිනා ඇත. සොක්‍රටීස් සහ ද්විත්ව වේදිකා නාට්‍යහි රංගනය වෙනුවෙන් ඔහු 1991 සහ 1992 දී හොඳම වේදිකා නළුවා විය.[2] ඔහු ශ්‍රී ලාංකේය වේදිකාවේ ආධිපත්‍යය දැරූ නළුවන් පස් දෙනාගෙන් කෙනෙකු ලෙස විචාරකයන් විසින් සලකනු ලැබේ.[3]
ජයලත් මනෝරත්න Jayalath Manoratne | |
|---|---|
 | |
| උපත | කෙසෙල්ගස්පේ මනතුංග ජයලත් මනෝරත්න 12 ජුනි 1948 නුවරඑළිය, ශ්‍රී ලංකාව |
| මියගිය දිනය | 12 January 2020 (වයස 71) මහරගම, ශ්‍රී ලංකාව |
| ජාතිකත්වය | ශ්‍රී ලාංකික |
| අධ්‍යාපනය | පොරමඩුල්ල මධ්‍ය මහා විද්‍යාලය |
| උගත් ශාස්ත්‍රාලය | පේරාදෙණිය විශ්වවිද්‍යාලය ශ්‍රී ජයවර්ධනපුර විශ්වවිද්‍යාලය |
| රැකියාව | නාට්‍යකරුවෙක්, නළුවෙක්, ගායකයෙක් |
| සක්‍රීය වසර | 1970–2019 |
| කලත්‍රයා(යන්) | තමරා ජයන්ති (m. 1979) |
| දරුවන් | 2 |
| දෙමව්පියන් |
|
| සම්මාන | හොඳම නළුවා හොඳම සහය නළුවා හොඳම විකට නළුවා |
| වෙබ් අඩවිය | http://jayalathmanorathna.org/ |
ඔහු 2020 ජනවාරි 12 වන දින වයස අවුරුදු 71 දී පිළිකාවක් සඳහා ප්‍රතිකාර ලබමින් සිටියදී මිය ගියේය.[4]
පෞද්ගලික ජීවිතය
සංස්කරණයමනෝරත්න 1948 ජුනි 12 වන දින දෙහිපේ, නුවරඑළිය හි දරුවන් හය දෙනෙකුගෙන් යුත් පවුලේ බාල පුත්‍රයා ලෙස උපත ලැබීය. ඔහුගේ කුඩා කාලය ඉතා සතුටින්, අම්මා තාත්තාගේ පමණක් නොව අයියලා අක්කලාගේ අසීමිත ආදරයට වගේ ම අවධානට ලක් ව ගෙවුනා වූ සුන්දර ළමාවියකි. ඉතා අලංකාර කඳුවැටි අතරේ පිහිටි නුවරඑළිය දිස්ත්‍රික්කයේ දෙහිපේ නම් සුන්දර ග්‍රාමයේ උපත ලද මෙතුමා වචනයේ පරිසමාප්තයෙන්ම ගැමියෙකි. ඔහුගේ පියා කෙසෙල්ගස්පේ මනතුංග පෙරේරා ලොරි රථ රියදුරෙකු වූ අතර මව අගලකොටුව හේරත් මුදියන්සේලාගේ ලීලා කුමාරි ගෘහණියකි. ඔවුන්ගේ ජීවනෝපාය වූයේ ගොවිතැන යි. ඔහු දෙහිපේ ප්‍රාථමික විද්‍යාලයෙන් සහ පොරමඩුල්ල මධ්‍ය මහා විද්‍යාලයෙන් අධ්‍යාපනය හැදෑරුවා. ජයලත්ට මනතුංග සෙනෙවිරත්න, මනතුංග විජේරත්න සහ මනතුංග ආරියරත්න යන සහෝදරයන් තිදෙනෙකු ද ඉන්ද්‍රා කුමාරි සහ මල්ලිකා කුමාරි යන සහෝදරියන් දෙදෙනකු ද සිටිති.[5]
කුඩා කාලයේදීම ඔහුගේ සංගීත ගුරුවරයා වූ සුනිල් ශ්‍රියානන්ද ඔහුගේ හැකියාවන් හඳුනාගෙන රංගනයට සහ ගායනයට යොමු වීමට ඔහුව දිරිමත් කළේය.[6] ඔහුගේ පාසල් කාලය තුළ ඔහු සිංහල සාහිත්‍ය සංගමයේ ලේකම් (1965), රංග ශාලාවේ සභාපති (1966), සිංහල සංගමයේ සභාපති (1967-68) සහ කමිටු සාමාජික වැනි අධ්‍යාපනික මෙන්ම විෂය බාහිර ක්‍රියාකාරකම් කිහිපයකම නිරත විය. නාට්‍ය මණ්ඩලය සහ ගාන්ධර්ව සභාව (1969). මනෝරත්න 1965-66 කාලයේ පිරිමි නේවාසිකාගාරයේ ශිෂ්‍ය නායකයා විය. 1966 දී ඔහු විද්‍යාලීය අන්තර් මලල ක්‍රීඩා ශූරතාවලියේ ජ්‍යෙෂ්ඨතම වටිනාම ක්‍රීඩකයා බවට පත් විය.[5] සොකරි, කිඳුරු නාට්‍ය ගමේ අතිප්‍රචලිත වූ අතර එකළ සමවයසේ මිතුරන් සමඟ මෙතුමා එම නාට්‍ය රසවිඳ ඇත. ඉන්පසු ඒවා අනුගමනය කිරීමෙන් නිවසේ නාට්‍ය රඟදැක්වීම ඔහුගේ විනෝදාංශය විය. එය ඔහුගේ නාට්‍ය කලාවේ ආරම්භය යි. පොරමඩුල්ල මධ්‍ය මහාවිද්‍යාලයේ උගත් සමය ජීවිතේ ලද වටිනාම අත්දැකීම් හා හෙන්රි ජයසේන මහතාගේ හමුවීම සිදුවිය.
අ.පො.ස උසස් පෙළ සඳහා භූගෝල විද්‍යාව, සිංහල හා බෞද්ධ ශිෂ්ටාචාරය සමඟ ද්විතීයික අධ්‍යාපනය නිම කිරීමෙන් පසු ඔහු පේරාදෙණිය විශ්වවිද්‍යාලය වෙත ඇතුළත් වූ අතර, එහිදී ඔහු මහාචාර්ය එදිරිවීර සරච්චන්ද්‍රගේ මගපෙන්වීම යටතේ නාට්‍ය කලාව හැදෑරීය. එය එතුමාගේ ජීවිතයේ හැරවුම් ලක්ෂයක් බවට පත්විය. සරච්චන්ද්‍රයන්ගේ මුණගැසීම සිදුවන්නේ මෙහිදී වන අතර එවකට පේරාදෙණියේ රඟදැක් වූ සෑම නාට්‍ය නිර්මාණයක් ම නැරඹූ මෙතුමා ඒවා තම නිර්මාණ ශක්තිය වැඩි කර ගැනීමට භාවිත කළේය. මනෝරත්න ශ්‍රී ජයවර්ධනපුර විශ්ව විද්‍යාලයෙන් සිය ශාස්ත්‍රපති උපාධිය සම්පූර්ණ කළ අතර, ආචාර්ය උපාධියක්ද ලබා ගත්තේය. 1995 දී පළමු පන්තියේ උපාධියක් ලබා ගත් එකම පශ්චාත් උපාධිධාරියා ඔහු විය. 2013 දී ඔහු පේරාදෙණිය විශ්වවිද්‍යාලයෙන් ගෞරව ආචාර්ය උපාධියක් ලබා ගත්තේය.[6] 1981 දී ඔහු කොළඹ විශ්ව විද්‍යාලයෙන් ග්‍රාමීය සංවර්ධනය පිළිබඳ බාහිර ඩිප්ලෝමාවක් සම්පූර්ණ කළේය.[5] විශ්ව විද්‍යාල ජීවිතය හමාර කළ මෙතුමා හඟුරන්කෙත පිරිවෙනක ගුරුවරයෙක් ලෙස කටයුතු කළ අතර කෙටි කලකින් රජයේ ලිපිකරු පත්වීමක් ලැබ නුවරඑළියේ සේවයට වාර්තා කරන ලදී. එහි සේවය කරන අතරතුර විශ්ව විද්‍යාලයේ ඔහුගේ හොඳ ම මිතුරා වූ නිශ්ශංක දිද්දෙණිය මහතා නැවතත් මුණ ගැසුණි.
ඔහු 1979දී තමරා ජයන්ති සමඟ විවාහ විය. මෙම යුවළට උත්පලා ඉන්දීවරී නම් එක් දියණියක් සහ භානුක ප්‍රබුද්ධ නම් පුතෙක් සිටී.[7] උත්පලා විවාහ වී සිටින්නේ ශිවංක පෙරේරා සමඟ වන අතර භානුක විවාහ වී සිටින්නේ හිරන්‍යා දුලාෂිනී ගමආරිය සමඟයි.[5]
වේදිකා නාට්‍ය ජීවිතය
සංස්කරණයමුල් ම වතාවට පාසල් වේදිකාවේ නාට්‍යයකට එතුමා සම්බන්ධ වන්නේ පාසලේ නාට්‍ය ගුරුතුමා වුණ සුනිල් ශ්‍රියානන්දයන්ගේ අස්ප ගුඩුන්
ගුඩුන් නම් පාසල් වේදිකා නාට්‍යයෙනි. පළාත් මට්ටමින් පැවැත්වුණු නාට්‍යය තරගාවලියේ දී අස්ප ගුඩුන් නාට්‍යයට මධ්‍යම පළාතේ ප්‍රථම ස්ථානයට පත්විය. අවසන් තරගය පැවැතියේ කොළඹ ලුම්බිනියේ ය. [6]
මුලින් සරච්චන්ද්‍රයන්ගේ මඟපෙන්වීම යටතේ මනමේ, සිංහබාහු වැනි නාට්‍යවල සුළු චරිත රඟපාමින්, මනෝරත්න ප්‍රධාන ධාරාවේ රංගන ජීවිතයට අවතීර්ණ වූයේ, "උද්දල බමුණා" චරිතයෙන් ප්‍රේමතෝ ජයති සෝකෝ ඔපෙරා නාට්‍යයෙන් ආරම්භ කරමිනි. මෙම නාට්‍යයේ රඟපාමින් සිටියදී ඔහුට තම අනාගත බිරිඳ තමරා ජයන්ති මුණ ගැසුණි. මනෝරත්න රැකියාවක් සඳහා නුවරඑළිය කච්චේරියට ගිය අතර එකල ඔහු සරච්චන්ද්‍රගේ රත්තරං සහ එලොව ගොස් මෙලොව ආවා නාට්‍යවල ප්‍රතිනිර්මාණ නිෂ්පාදනය කළේය. එතැන් පටන් ඔහුගේ වෙස්සන්තර, මහාසාර, කදාවළලූ ආවා වගේ නාට්‍යය කිහිපයක රඟපැමට මෙතුමාට අවස්ථාව ලැබුණි. මනෝරත්න මහතාගේ රංගන හැකියාවන් ගැන හොඳින් දන්නා නිශ්ශංක දිද්දෙණිය මහතා රැකියාවේ ස්ථාන මාරුවීමක් ගෙන කොළඹට’විත් හෙන්රි ජයසේනයන්ගේ චිත්‍රසේන කලායතනයට සම්බන්ධ වන ලෙස ඔහුට ආරාධනා කරන ලදී. ඒ අනුව ඔහු රැකියාවේ ස්ථාන මාරුවීමක් ලබාගත්තේ ය. ඉන්පසු ඔහු හෙන්රි ජයසේනයන්ගේ සති අන්ත පාඨමාලාවලට සම්බන්ධ වෙමින් රැකියාව ද හොඳින් කරගෙන ගියේ ය. සරච්චන්ද්‍ර, සුගතපාල ද සිල්වා, දයානන්ද ගුණවර්ධන, ගුණසේන ගලප්පත්තිමාටින්
සහ හෙන්රි ජයසේන යන ශ්‍රී ලංකා ඉතිහාසයේ ප්‍රධාන වේදිකා නාට්‍ය අධ්‍යක්ෂවරුන් පස්දෙනා යටතේම ඔහු රගපා ඇත.[8]
1980 දී ඔහු සිය මංගල නාට්‍ය මහගිරි දඹ නිෂ්පාදනය කළේය. නාට්‍ය නිෂ්පාදනය කරන නිෂ්පාදකවරයකුගේ දියණිය ප්‍රධාන නිළියට ගත යුතුය කියන අදහසේ සිටින අයකු සමඟ වැඩ කරන අධ්‍යක්ෂවරයකු අතර ඇතිවන ගැටුමක් ඇසුරෙන් නිර්මාණය වී ඇති මේ නාට්‍යයේ රඟපෑ නළු නිළියන් අතර අද කලා ලෝකයේ දක්ෂ රංගන ශිල්පීන් රැසක් සිටියා. හේමසිරි ලියනගේ, විජේරත්න වරකාගොඩ, චිත්‍රා වරකාගොඩ, සුනිලා අබේසේකර, නිශ්ශංක දිද්දෙණිය, ජය ශ්‍රී චන්ද්‍රජිත්, ලාල් කුලරත්න, සෝමපාල පතිරගේ, සුවිනීතා පෙරේරා ඒ අතර සිටි කිහිප දෙනෙක්. මෙහි සංගීතය නිර්මාණය කළේ ප්‍රවීණ සංගීතඥයකු වූ ඔස්ටින් මුණසිංහයි. ස්වත්‍රන්ත්‍ර නාට්‍යය නිර්මාණයක් වූ මෙහි ඔහු රඟපාන ලද්දේ "ගුරුජි" නම් ප්‍රධාන චරිතයයි.
ඔහුගේ එකම පරිවර්තන නාට්‍යය 1985 දී නිෂ්පාදනය කරන ලද පුත්‍ර සමාගම හරහා පැමිණියේය. එය ඇලෙක්සැන්ඩර් වැම්පිලොව්ගේ "වැඩිහිටි පුත්‍රයා" රුසියානු නාට්‍යයේ අනුවර්තනයකි. මෙහි මුලින්ම රඟපාන ලද්දේ අජිත් ජිනදාස, ශ්‍රියන්ත මෙන්ඩිස්, රත්නා ලාලනී ජයකොඩි, චාන්දනී සෙනෙවිරත්න, සම්පත් කෙන්නකෝන්, ජය ශ්‍රී චන්ද්‍රජිත් යන පිරිසයි. මෙහි සංගීතය නිර්මාණය කරන ලද්දේ ලක්ෂමන් විජේසේකරයි. මෙහිත් ප්‍රධාන චරිතය රඟපාන ලද්දේ ද මනෝරත්නම ය. මේ නාට්‍යයට රාජ්‍ය නාට්‍ය උලෙළේදී හොඳම නළුවා ලෙස ජයලත් මනෝරත්නටත්, හොඳම සහය නළුවා ලෙස ජය ශ්‍රී චන්ද්‍රජිටත් සම්මාන හිමි වූහ. 1988 දී ඔහු ජනප්‍රිය තලමල පිපිලා නාට්‍ය නිෂ්පාදනය කළ අතර එහි සංගීතය නිර්මාණය කරන ලදදේ ප්‍රවීණ සංගීත අධ්‍යක්ෂ රෝහණ වීරසිංහයි. මනෝරත්නගේ ගමේ පරිසරය අලළා නිර්මාණය වුණු වේ නාට්‍ය යේ මුලින්ම රඟපාන ලද්දේ මනෝරත්න ඇතුළු රත්නා ලාලනී, ලාල් කුලරත්න, සම්පත් තෙන්නකෝන්, සරත් චන්ද්‍රසිරි, බණ්ඩාර ඇහැලියගොඩ, ජගත් බෙනරගම ඇතුළු නළු නිළි පිරිසයි.
1993 දී අන්දරේලා නිෂ්පාදනය කළේය. මනෝරත්නගේ පළමු වාර්තාමය භූමිකාවද ගෙන එන්නේ අන්දරේලා නාට්‍යය හරහාය. හාස්‍යෝත්පාදක චරිතයක් වූ අන්දරේගේ චරිතය අලළා නිර්මාණය වුණු අන්රේලා නාට්‍යය රාජ්‍ය පාලකයා ඇතුළු රාජ්‍ය තන්ත්‍රයේ යම් යම් කටයුතු හාස්‍යයට ලක් කරමින් කළ නිර්මාණයකි. 1995 වසරේ රාජ්‍ය සාහිත්‍ය සම්මාන උලෙළේ හොඳම පිටපත ලෙස ද, හොඳම සංගීතය ලෙස රෝහණ බැද්දගේට ද සම්මාන හිමි වෙයි. 1996 දී ඔහු ගුරු තරුව සහ 1998 දී සඳ ගිර නිෂ්පාදනය කළේය. ගුරු තරුව නාට්‍යය සඳහා 1997 වසරේ රාජ්‍ය නාට්‍ය සම්මානය හිමිවිය. ඒ වගේම හොඳම සංගීතය ලෙස ප්‍රවීණ සංගීත අධ්‍යක්ෂ රංජිත් බාලසූරිය‍ටත්, හොඳම රචනයටත් ඒ වසරේම සම්මාන හිමිකර ගැනිණි. එහි "සාහිත්‍ය ගුරුතුමා" ලෙස මනෝරත්න රඟපෑ අතර සුමින්ද සිරිසේන, ලාල් කුලරත්න, ධර්මප්‍රිය ඩයස්, සරත් චන්ද්‍රසිරි, සම්පත් තෙන්නකෝන්, දයාදේව එදිරිසිංහ, ජගත් පද්මසිරි, ප්‍රියන්ත සෙනෙවිරත්න, සෝමපාල පතිරගේ, රත්නා ලාලනී ජයකොඩි, ජගත් බෙනරගම, ආදි නළු නිළි පිරිස රඟපෑමෙහි නිරත වූහ.
ඉන් අනතුරුව කනේරු මල් (2000), ලෝකය තනි යායක් (2005), මකරා ප්‍රතිනිර්මාණය (2007), සුදු රතු හොරු (2008), බුරුවා මහත්තයා (2012), සෙල්ලම් නිරිඳු (2013) සහ හඳ නිහඬ (2016) ඇතුළු බොහෝ ශානරවල නාට්‍ය ඔහු අඛණ්ඩව නිෂ්පාදනය කළේය. ලෝකය තනි යායක් මහගමසේකරගේ ප්‍රබුද්ධ කාව්‍ය සංග්‍රහය ඇසුරෙන් මනෝරත්න නිර්මාණය කරන ලද මෙහි මාදනී මල්වත්ත හා මනෝරත්න ඇතුළු අවශේෂ නළු නිළියෝ රැසක් රංගනයෙන් සහභාගි වූහ. මෙහි සංගීතය නිර්මාණය කරන ලද්දේ ප්‍රවීණ සංගීතඥ නවරත්න ගමගේයි. 1980 සිට 2016 දක්වා අඛණ්ඩව වසර 26 තුළ ඔහු නාට්‍ය 15කට ආසන්න ප්‍රමාණයක් නිර්මාණය කළේය.[8][6] එක්දහස් නවසිය තිස් ගණන්වල සිදු වුණු සංගීත ශිල්පීන් පිළිබඳ කියැවෙන හඬ නිහඬ නාට්‍යයේ රෝද පුටුවකට වී කාලය ගත කරන සංගීත ශිල්පියකුගේ ජීවිතයේ අවසානය ගැන කියැවෙන්නක්. ඔහු නිර්මාණය කරන ලද අවසාන නාට්‍යය වන මෙහි ඩබ්ලිව්. ජයසිරි, ලක්ෂ්මන් මෙන්ඩිස්, සංජීව දිසානායක, රවීන්ද්‍ර යසස්, ලංකා බණ්ඩාරනායක, ෆර්නි රෝෂිනී, ගංගා පරණවිතාන යන නළු නිළියන් රඟපෑමෙන් සහය වෙති.
එතැන් පටන් මනෝරත්න නාට්‍ය 80කට අධික සංඛ්‍යාවක රඟපෑ අතර ඔහුගේම නාට්‍ය එකොළහක් අධ්‍යක්ෂණය කළේය.[9][6] ඔහුගේ අන්දරේලා නාට්‍යයට 1995 වසරේ රාජ්‍ය සාහිත්‍ය සම්මානය හිමි වූ අතර ඉන්පසුව ‘‘ගුරු තරුව’’ 1996 වසරේ රාජ්‍ය සාහිත්‍ය සම්මානයෙන් පිදුම් ලැබීය.[5]
2014 දී මනෝරත්න විසින් “දවස් පහලොස් දහ” නමින් නාට්‍ය උළෙලක රඟ පෑ අතර එය විවිධ කාල පරිච්ඡේද සහ ගැටළු නියෝජනය කරමින් මනෝරත්න විසින්ම නිෂ්පාදනය කරන ලද නාට්‍ය අටක එකතුවක් ප්‍රදර්ශනය කළේය. ලෝකය තනි යායක්, සෙල්ලම් නිරිඳු, තලමල පිපිලා, බූරුවා මහත්තයා, ගුරු තරුව, අන්දරේලා, පුත්‍ර සමාගම එම වේදිකා නාට්‍ය අටයි.[10]
රූපවාහිනී වෘත්තිය
සංස්කරණයමනෝරත්න සිය රූපවාහිනී ජීවිතය ආරම්භ කළේ පරාක්‍රම නිරිඇල්ලගේ ඇබැද්දිය නාට්‍යයෙන්. ඉන්පසුව දූ දරුවෝ, සින්දුයි බින්දුයි, ගම්පෙරළිය වැනි මාලා රැසක් හරහා ඔහු තම හැකියාව ප්‍රදර්ශනය කළේය. දූ දරුවෝ ටෙලිනාට්‍යයේ “පුන්සිරි” ලෙස ඔහු කළ රංගනය අතිශයින් ජනප්‍රිය විය. ඔහු බෝඩිම ටෙලිනාට්‍යයේ සහ "රම්‍ය සුරම්‍ය" ටෙලිනාට්‍යයේ කළ හාස්‍ය චරිත අතිශයින් ජනප්‍රිය විය. 2005 දී මනෝරත්න ශ්‍රී ලාංකේය ටෙලිනාට්‍ය ඉතිහාසයේ ප්‍රථම වරට ත්‍රිත්ව චරිත නිරූපණය කළේ ඔහු විසින්ම අධ්‍යක්ෂණය කර තිර රචනය කරන ලද තුන්පත් රටාවක ලස්සන නම් වූ කුඩා නාට්‍යයක සමගය.[11] 2006 දී ඔහු මගේ කවිය මට දෙන්න කතා මාලාව අධ්‍යක්ෂණය කළේය.[12]
රංගනයට අමතරව සෙක්කු ගෙදර, රන්සිරිගේ සංග්‍රාමය, මගේ කවිය මට දෙන්න, ඊයේ අද සහ හෙට වැනි රූපවාහිනී කතාමාලා රැසක් ද මනෝරත්න අධ්‍යක්ෂණය කළේය. මේ අතරම තාත්තේ අපි ආවා, බාප්පගේ පැමිණිම, ඇගේ අවුරුද්ද, රජ තුන් කට්ටුව, නිදහස, සීට්ටුව, දෙන්න දෙමල්ලෝ, සතුරු මිතුරු, දුප්පතුන්ද ආදරය කරති, සන්තාපය සහ බුද්ධ පුත්‍ර වැනි ඒකාංගික ටෙලිනාට්‍ය ද අධ්‍යක්ෂණය කළේය.[5]
චිත්‍රපටකරණය
සංස්කරණය1979 වසරේ තිලකා සහ තිලකා චිත්‍රපටයේ සුළු චරිතයකින් සිය සිනමා ජීවිතය ආරම්භ කළ මනෝරත්න ඉන්පසුව වෘත්තීය සිනමා රංගනයට පිවිසියේ 1979 වසරේ ටයිටස් තොට අධ්‍යක්ෂණය කළ හඳයා චිත්‍රපටිය හරහාය.[13] එතැන් සිට, ඔහු නාට්‍ය, ආදර, ත්‍රාසජනක සහ හාස්‍යජනක ප්‍රභේද ගණනාවක් හරහා චිත්‍රපට 30 කට වැඩි ගණනක රඟපා ඇත. නාට්‍ය ජීවිතයට ඔහු කළ දැවැන්ත දායකත්වය නිසාම ඔහු කලාසුරි සහ කලා කීර්ති සම්මානයෙන් පිදුම් ලැබූවෙකි.[14] ඔහුගේ කැපී පෙනෙන චිත්‍රපට අතරට සූරිය අරණ, හෝ ගානා පොකුණ, භේරුන්ඩ පක්ෂියා සහ වලාපටල ඇතුළත් වේ, එහිදී ඔහු බොහෝ උත්සවවලදී හොඳම නළුවා සහ හොඳම සහාය නළුවා ලෙස මනෝරත්නයන් සම්මාන ලැබීය.
අසනීපය සහ මරණය
සංස්කරණයමනෝරත්න කලක සිට මොළයේ පිළිකාවකින් පීඩා වින්දේය. 2018 නොවැම්බර් 13 වන දින, ඔහු කොළඹ පෞද්ගලික රෝහලකට පස්වරු 2.00 ට ඇතුළත් කර මොළයේ ගෙඩියක් සඳහා ශල්‍යකර්මයකට භාජනය කරන ලදී.[15] ශල්‍යකර්මයෙන් පසුව අසනීප තත්ත්වය උත්සන්න වූ විට කෙටි කාලයක් නාට්‍යවල වැඩ කළා. ඔහු 2019 මැද භාගයේ සිට මහරගම අපේක්ෂා පිළිකා රෝහලෙන් දිගටම වෛද්‍ය ප්‍රතිකාර ලබා ගත්තේය. 2020 ජනවාරි 12 වන දින ඔහු රෝහලේ ප්‍රතිකාර ලබමින් සිටියදී මිය ගියේය. අවසන් කටයුතු 2020 ජනවාරි 15 වන දින සිදු කර බොරලැස්ගමුවේදී ආදාහනය කරන ලදී.[16]
රංගන කුසලතා
සංස්කරණයකැපී පෙනෙන වේදිකා නාට්‍ය
සංස්කරණය- අහස් මාලිගා
- අන්දරේලා[17]
- අන්දිරාලේ නාඩගම
- අංගාර ගඟ ගලා බසී
- අපේ පාන්ති කාමරය
- අපි ගෙවන්නේ නෑ
- අසාත මන්තරේ
- ඇස්ෆා ගුඩුං
- බුරුව මහත්තයා
- චිත්‍රගේ ප්‍රේම කතාව
- දෙබිඩ්ඩෝ
- දිවෙස් හෙළනු මැන
- දොන් ජුවාන්
- දුන්න දුනු ගමුවේ
- ද්විත්ව
- එලොව ගිහින් මෙලොව ආවා
- ගජමන් පුවත[18]
- ගුරු තරුව
- හඳ නිහඬ[19]
- හිරු නැති ලොව
- හොරු සමඟ හෙළුවෙන්[20]
- ජසයා සහ ලෙන්චිනා
- කනේරු මල්
- ලෝකය තනි යායක්
- ලුසින්ඩේ
- මල වළලු
- මා වනි බිලින්ද
- මධුර ජවනිකා
- මධුර පුර
- මඟුල් ප්‍රස්ථාව
- මහා ගිරි දඹ
- මහේ හේනේ කතාව
- මහ හේනේ රීරි යකා
- මහාසාර
- මකරා
- මනමේ
- මායාදේවි
- මේඝා
- මෝදර මොල
- නාග ගුරුලා
- නරි බෑනා
- නරිය සහ කේජු
- නෙළුම් පොකුණ
- ඔත්තුකාරයා
- පේමතො ජායති සෝකෝ
- පෙරහර එනවෝ
- පොකුරු වැස්ස
- පුත්‍ර සමාගම
- රාස්ස සහ පරස්ස
- රත්තරන් ප්‍රතිනිර්මාණය
- රටු හට්ටකාරි
- රයිනෝසිරස්
- සහතික නොකල මරණයක්
- සඳ ගිර
- සපිරිවර මතින්
- සත සහ සතා
- සතුරු මිතුරු
- සෙල්ලම් නිරිඳු
- සේරාදේ සීතා
- සිහින සප්පුව
- සිංහබාහු
- සිරි සඟබෝ
- සොක්‍රටීස්[21]
- සුභසාධක’’
- සුභ සහ යස
- සුද්දෙක් ඔබ අමතයි[22]
- සුදු රෙදි හොරු[23]
- තාරාවෝ ඉගිලෙති
- තවත් උදේසනක්
- තල මල පිපිලා
- උක්දඬු ගින්න
- 'වාසුදේව'
- වෙස්සන්තර
- යාත්‍රා
තෝරාගත් රූපවාහිනී කතාමාලා
සංස්කරණය- ඇබැද්දිය
- අරුංගල්[24]
- බෝඩිම
- බුමුතුරුණු
- 'දෙයියෝ සාක්කි'
- දෙවෙනි යුද්ධය[25]
- දෙවෙනි ගමන [26]
- දූ දරුවෝ
- දොරටු රකින්නෝ[27]
- දුම්රිය අන්දරය[28]
- ඊයේ අද සහ හෙට'
- ගල් පිළිමය සහ බොල් පිළිමය
- ගජමන් නෝනා[29]
- ගම්පෙරළිය
- ගංගා සහ නිශ්ශංක
- හත් පන
- හිරු සඳු හමුවේ
- 'හිරුට මුවාවෙන්'
- ඉරට හඬන මල් 2
- ජීවිතය දකින්න[30]
- කන්දේ ගෙදර
- මඩොල් දූව
- මගේ කවිය මට දෙන්න
- මැණික් නදිය ගලා බසී
- මන් නැතිදා
- මිනිස්සු[31]
- මොරගිරි කන්ද"
- නොමැරෙනා මිනිත්තු
- නොපිපෙන මල්
- පස්සේ ගෙනා මනමාලි (1989)[32]
- පටීලගේ කතාව[33]
- පවර මෙනුවර[34]
- පුංචි පැටවු
- රම්‍ය සුරම්‍ය[35]
- රන්කැටි දෝණි
- රෝද හතරේ මනමාලයා[36]
- සබඳ එළියස්
- සකිසඳ එළියස්
- සමනලී
- සඳ අමාවකයි[37]
- සඳර වන්දනා
- සසර සඳ
- සරදියෙල්
- සෙදෝනා[38][39]
- සෙනෙහසට අමන්ත්‍රානායක
- සිඳුයි බින්දුයි
- සූරිය කුසුම
- තුන්පත් රටක ලස්සන
- උතුවන්කන්දේ සූර සරදියෙල්[40]
- වීදුරු මල්[41]
- විනිවිඳිමි[42]
- විසිතුන්වෙනි හෝරාව
- වලාකුළු[43]
- වනබිමේ සිරකරුවෝ[44]
- වර්ණ[45]
- වැටත් නියරත්
- වැටෙන් එහා[46]
ගුවන්විදුලි නාට්‍යයන්
සංස්කරණයකතුවරයකු ලෙස
සංස්කරණය- දොළොස් මහේ පහන
- දවස තවමත් තරුණයි
- මිනිහට නින්ද යන්ඩ ඇති
- පියදාස සහ කුමාරිය
- සිඳු බිංදු
- සිංහල නාට්‍යයේ ප්‍රසංගික කලාත්මක වර්ධනය
- වහි එනතුරු
චිත්‍රපට
සංස්කරණය| වසර | චිත්‍රපටය | භූමිකාව | යොමු |
|---|---|---|---|
| 1976 | තිලක හා තිලකා | තිලකගේ ආධාරකරු | |
| 1979 | හඳයා | රේස් විචාරක | |
| 1980 | සිරිබෝ අයියා | මල්හාමි | |
| 1981 | සාරංගා | ||
| 1982 | ජීවිතයෙන් ජීවිතයක් | ||
| 1983 | මුහුදු ලිහිණි | ||
| 1986 | ප්‍රාර්ථනා | ||
| 1986 | අතුරු මිතුරු | ||
| 1987 | මංගල තෑග්ග | ශ්‍රීලාල් | |
| 1987 | හිත හොඳ චණ්ඩියා | ||
| 1990 | හිම ගිර | ||
| 1991 | ස්ත්‍රී | ||
| 1992 | සිසිල ගිනි ගනී | මැදවත්ත | |
| 1992 | උමයංගනා | හෙන්රි | |
| 1993 | සප්ත කන්‍යා | ජගත් | [50] |
| 1996 | තුන්වෙනි ඈහැ | ||
| 1999 | රතු අළුයම | [51] | |
| 2002 | පුංචි සුරංගනාවි | ඉංග්‍රීසි ගුරුවරයා | |
| 2003 | සුදු කළුවර | පොඩි නිලමේ අප්පුහාමි | |
| 2004 | ප්‍රේමවන්තයෝ | ||
| 2004 | සූරිය අරණ | නායක හාමුදුරුවෝ | |
| 2004 | ගිනි කිරිල්ලි | [52] | |
| 2005 | සුදු කළු සහ අළු | කොරග්‍රමයා | |
| 2005 | සමනල ත‍ටු | රෝහල් භාරකරු | |
| 2006 | භේරුන්ඩ පක්ෂියා | ||
| 2006 | හිරිපොද වැස්ස | සිතුම්ගෙ තාත්තා | [53] |
| 2008 | සිරි රජ සිරි | නාට්‍ය ගුරුවරයා | |
| 2008 | වලාපටල | වික්ටර් ජයසුන්දර | |
| 2009 | බිංදු | කොලඹ හාදයා | |
| 2010 | බඹර වළල්ල | පොඩි එකාගේ මාමා | |
| 2012 | දරුවනේ | වජිරසේන | |
| 2015 | ප්‍රවේගය | සරණපාල, හේමාල්ගේ පියා | |
| 2015 | හෝ ගානා පොකුණ | බස් රියදුරු ජස්ටින් | |
| 2016 | සූම් | විද්‍යාඥයා | |
| 2017 | දේදුනු ආකාසේ | විහඟිගේ පියා | |
| 2017 | ඒ ලෙවල් | මාමා | |
| 2018 | වෛෂ්ණාවී | පියා | |
| 2018 | ගෝල් | සමරසේකර මහතා | |
| 2019 | තාල | විදුහල්පති හේවානායක මහතා | |
| 2020 | මිස් ජෙනිස් | ලියොන් හෙවත් ජෙනිස් | [54] |
| TBD | ආශාවරී | [55] | |
| TBD | අයිස් ක්‍රීම් | [56] | |
| TBD | සූවිසි විවරණ | [57] | |
| TBD | දෙවෙනි යුද්ධය | [58] | |
| TBD | කතුරු මිතුරු | Samson 'Taylor' | [59] |
| TBD | වෙඩි නොවදින ලමයි | [60] |
සම්මාන
සංස්කරණයඔහු දේශීය වේදිකා නාට්‍ය උළෙලවල් සහ රූපවාහිනී උත්සවවලදී රංගනය සහ අධ්‍යක්ෂණය යන දෙඅංශයෙන්ම සම්මාන කිහිපයක් දිනාගෙන ඇත.
- රාජ්‍ය සාහිත්‍ය සම්මාන - ඔහුගේ "අන්දරේලා" සහ "ගුරු තරුව" කෘති දෙක සඳහා[2]
- මනෝරත්නගේ ‘‘තලමල පිපිලා’’ පිටපත අ.පො.ස. සා.පෙළ විෂය නිර්දේශය සඳහා නියම කර ඇත.[2]
රාජ්‍ය සාහිත්‍ය සම්මාන
සංස්කරණය| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 1974 | රතු හැට්ටකාරි | හොඳම නළුවා | දිනාගති |
| 1985 | පුත්‍ර සමාගම | හොඳම නළුවා | දිනාගති |
| 1988 | තලමල පිපිලා | හොඳම නළුවා | දිනාගති |
| 1988 | තලමල පිපිලා | හොඳම අධ්‍යක්ෂණය | දිනාගති |
| 1988 | තලමල පිපිලා | හොඳම පිටපත | දිනාගති |
| 1990 | සොක්‍රටීස් | හොඳම නළුවා | දිනාගති |
| 1991 | ද්විත්ව | හොඳම නළුවා | දිනාගති |
| 1993 | අන්දරේලා | හොඳම පිටපත | දිනාගති |
| 1995 | අන්දරේලා | හොඳම නාට්‍ය | දිනාගති |
| 1996 | ගුරු තරුව | හොඳම පිටපත | දිනාගති |
| 1996 | ගුරු තරුව | හොඳම නාට්‍ය | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 1988 | මංගල තෑග්ග | හොඳම සහය නළුවා | දිනාගති |
| 2004 | සුදු කළුවර | හොඳම සහය නළුවා | දිනාගති |
| 2007 | භේරුණ්ඩ පක්ෂියා | හොඳම සහය නළුවා | දිනාගති |
| 2015 | හෝ ගානා පොකුණ | හොඳම සහය නළුවා | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2009 | අරුන්ගල් | හොඳම නළුවා | දිනාගති |
| 2013 | කලාවට කල සේවය | ප්‍රතිභා ප්‍රභා සම්මානය[61] | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2002 | සඳ අමාවකයි | හොඳම නළුවා | දිනාගති |
| 2004 | රම්‍යා සුරම්‍යා | හොඳම පිටපත | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2016 | හෝ ගානා පොකුණ | හොඳම විකට නළුවා[62] | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2016 | හෝ ගානා පොකුණ | හොඳම සහය නළුවා[63] | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 1988 | මංගල තෑග්ග | හොඳම සහය නළුවා | දිනාගති |
| 2016 | හෝ ගානා පොකුණ | හොඳම සහය නළුවා | දිනාගති |
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2006 | භේරුණ්ඩ පක්ෂියා | හොඳම සහය නළුවා | දිනාගති[64] |
| 2017 | හෝ ගානා පොකුණ | හොඳම සහය නළුවා | දිනාගති |
යොමුව
සංස්කරණය- ^ "Immortal Manorathna's Infinite Mission". Sarasaviya. සම්ප්‍රවේශය 22 ජනවාරි 2021.
{{cite web}}:|archive-date=requires|archive-url=(help) - ^ a b c "Jayalath Manoratne muses on larger-than-life theatre experience". srilankantheatre. සම්ප්‍රවේශය 3 අප්‍රේල් 2018.
- ^ "Five Actors who have dominated the Sri Lankan Stage". Munchee daily. සම්ප්‍රවේශය 9 සැප්තැම්බර් 2016.
- ^ "Veteran Actor Jayalath Manorathna passes away". Hiru News. සම්ප්‍රවේශය 3 අප්‍රේල් 2019.
- ^ a b c d e f "Biography of Dr. Jayalath Manoratne". Sarasaviya. සම්ප්‍රවේශය 16 ජනවාරි 2020.
- ^ a b c d e "Back to Pera, where it all began". Sunday Times. සම්ප්‍රවේශය 3 අප්‍රේල් 2018.
- ^ "මනෝ-නිවී-යයි "Mano is gone". Sarasaviya. සම්ප්‍රවේශය 12 ජනවාරි 2020.
- ^ a b "The tragic fate of the traditional artist". Sarasaviya. සම්ප්‍රවේශය 16 ජනවාරි 2020.
- ^ "Dr. Jayalath Manoratne is fifteen thousand days strong". methinksatnation. සම්ප්‍රවේශය 3 අප්‍රේල් 2018.
- ^ "Mano's 15,000 days in theatre". Sunday Times. සම්ප්‍රවේශය 3 අප්‍රේල් 2018.
- ^ "'Thunpath Ratawaka Lassana': Mano in triple role". Sunday Times. සම්ප්‍රවේශය 4 දෙසැම්බර් 2019.
- ^ "'Mage Kaviya Mata Denna' : Mano's filmic dream". Sunday Times. සම්ප්‍රවේශය 18 අගෝස්තු 2019.
- ^ "Jayalath Manoratne – Actor details". National Film Corporation of Sri Lanka. සම්ප්‍රවේශය 11 මාර්තු 2017.
- ^ "Deshamanya for 14 Lankans". Sundaytimes. සම්ප්‍රවේශය 10 ජූලි 2013.
- ^ "Jayalath Manoratne hospitalised". Daily Mirror. සම්ප්‍රවේශය 3 අප්‍රේල් 2019.
- ^ "Veteran actor Jayalath Manorathna passes away". srilankamirror. සම්ප්‍රවේශය 3 අප්‍රේල් 2019.
- ^ "'Andarela' celebrates silver jubilee". Sunday Times. සම්ප්‍රවේශය 2 ඔක්තෝබර් 2018.
- ^ "Gajaman Nona comes back to stage again". Sunday Times. සම්ප්‍රවේශය 8 දෙසැම්බර් 2019.
- ^ "Lives of artistes on stage: 'Handa Nihanda' on July 7". Daily News. සම්ප්‍රවේශය 3 අප්‍රේල් 2018.
- ^ "Prasanna returns to theatre". Sunday Times. සම්ප්‍රවේශය 18 අගෝස්තු 2019.
- ^ "Socrates: Could have been better". Daily Mirror. සම්ප්‍රවේශය 3 අප්‍රේල් 2018.
- ^ "'Suddek' at Borella". Sunday Times. සම්ප්‍රවේශය 6 සැප්තැම්බර් 2018.
- ^ ""Sudu Redi Horu" - showcases Lanka's rich cultural heritage". The Nation. සම්ප්‍රවේශය 15 ජූලි 2019.
- ^ "Treat yourself to Arungal". Daily News. සම්ප්‍රවේශය 30 ජූලි 2019.
- ^ "Deweni Yuddhaya on location". Sarasaviya. සම්ප්‍රවේශය 23 ජූලි 2018.
- ^ ""Deweni Gamana" of Mangala Thegga". Sarasaviya. සම්ප්‍රවේශය 25 ජූලි 2020.
- ^ "'Doratu Rakinno' opens for public". Sunday Times. සම්ප්‍රවේශය 22 දෙසැම්බර් 2019.
- ^ "'Railway Stories': for a novel journey in teledrama". Sunday Times. සම්ප්‍රවේශය 13 දෙසැම්බර් 2019.
- ^ "The story of Gajaman Nona". Sunday times. සම්ප්‍රවේශය 17 නොවැම්බර් 2017.
- ^ "'Jeewithaya Dakinna' : One Episode miniplays on Rupavahini". Sunday Times. සම්ප්‍රවේශය 18 අගෝස්තු 2019.
- ^ "Minissu' on Rupavahini". Sunday Times. සම්ප්‍රවේශය 27 නොවැම්බර් 2019.
- ^ "Passe Gena Manamali-1989". nalanmendis. සම්ප්‍රවේශය 23 ජූලි 2018.
- ^ ""Pateelage Kathawa": Problem of schooling". Sunday Times. සම්ප්‍රවේශය 28 නොවැම්බර් 2019.
- ^ "'Pawara Menuwara':Woman athlete's story". Sunday times. සම්ප්‍රවේශය 17 නොවැම්බර් 2017.
- ^ "'Ramya Suramya': Two houses full of problems". Sunday Times. සම්ප්‍රවේශය 27 නොවැම්බර් 2019.
- ^ "'Roda Hatara Manamalaya' has out-of-ordinary plot". Sunday Times. සම්ප්‍රවේශය 29 නොවැම්බර් 2019.
- ^ "'Sanda Amawakai': Prasanna's latest tele venture for 2001". Sunday Times. සම්ප්‍රවේශය 23 සැප්තැම්බර් 2019.
- ^ "Sedona now on DVD". Daily Mirror. සම්ප්‍රවේශය 18 අගෝස්තු 2019.
- ^ "'Sedona' : Wasanthi in a dual role". Sunday Times. සම්ප්‍රවේශය 4 දෙසැම්බර් 2019.
- ^ "Saradiel re-lived". Sunday Observer. සම්ප්‍රවේශය 30 ජූලි 2019.
- ^ "'Veeduru Mal': Depicts a topsy-turvy tale". Sunday Times. සම්ප්‍රවේශය 8 දෙසැම්බර් 2019.
- ^ "Top short stories on mini screen". Sunday times. සම්ප්‍රවේශය 17 නොවැම්බර් 2017.
- ^ "'Walakulu' make a move on Rupavahini". Sunday Times. සම්ප්‍රවේශය 10 නොවැම්බර් 2019.
- ^ "'Wanabime Sirakaruwo': A tale of a brave Boer". Sunday times. සම්ප්‍රවේශය 17 නොවැම්බර් 2017.
- ^ "'Warna': A colourful story". Sunday Times. සම්ප්‍රවේශය 4 දෙසැම්බර් 2019.
- ^ ""Weten Eha", a tale of neighbours". Sunday Times. සම්ප්‍රවේශය 11 දෙසැම්බර් 2019.
- ^ "Jayalath Manorathna - Radio Play (Tharuwansaranai)". youtube. සම්ප්‍රවේශය 16 ඔක්තෝබර් 2019.
- ^ "Critics 'tune' in to wrong frequency". dailymirror. සම්ප්‍රවේශය 16 ඔක්තෝබර් 2018.
- ^ "Jayalath Manorathna - Radio Play (Bashmanthara)". youtube. සම්ප්‍රවේශය 16 ඔක්තෝබර් 2019.
- ^ "Unmada Wu Premadara: Saptha Kanya". sarasaviya. සම්ප්‍රවේශය 12 ජනවාරි 2021.
{{cite web}}:|archive-date=requires|archive-url=(help) - ^ "'Rathu Aluyama': last creation of Yasapalitha". Sunday Times. සම්ප්‍රවේශය 1 නොවැම්බර් 2017.
- ^ "Novelist turns director with 'Gini Kirilli'". The Sunday Times. සම්ප්‍රවේශය 11 මාර්තු 2017.
- ^ "Hiri Poda Wessa – හිරි පොද වැස්ස". films.lk. සම්ප්‍රවේශය 3 අප්‍රේල් 2018.
- ^ "Miss Jennis coming soon". Sarasaviya. සම්ප්‍රවේශය 11 ජූනි 2020.
- ^ "Ashawari: This is not a love story". Sarasaviya. සම්ප්‍රවේශය 26 අප්‍රේල් 2021.
{{cite web}}:|archive-date=requires|archive-url=(help) - ^ . "Ice Cream" coming soon http://www.sarasaviya.lk/films-local/2020/07/02/17907/“අයිස්ක්%E2%80%8Dරීම්”-ළඟදීම. සම්ප්‍රවේශය 3 ජූලි 2020.
{{cite web}}: Missing or empty|title=(help) - ^ "What happened to Suvisi Vivarana". Sarasaviya. සම්ප්‍රවේශය 16 ජනවාරි 2020.
- ^ "She is back home – Deweni Yuddhaya". Sarasaviya. සම්ප්‍රවේශය 24 ජනවාරි 2019.
- ^ "Friendship that cannot be cut with any scissors". Sarasaviya. සම්ප්‍රවේශය 25 මාර්තු 2020.
- ^ "'Bulletproof Children' competes in China". Sunday Times. සම්ප්‍රවේශය 12 ජනවාරි 2021.
- ^ "Raigam Tele'es 2012 award winners". Sarasaviya. 16 ඔක්තෝබර් 2013 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 30 මැයි 2018.
- ^ "Stars shower at Hiru Awards". Sarasaviya. සම්ප්‍රවේශය 11 මාර්තු 2017.
- ^ "The Glamour and Splendour at the Derana Sunsilk Film Awards 2016 – Beautiful you". Beautifulu.lk. සම්ප්‍රවේශය 23 මැයි 2016.
- ^ "President honours Lankan Cinema". Sunday Times. සම්ප්‍රවේශය 10 දෙසැම්බර් 2019.