අයිසීසී ටෙස්ට් ශූරතාවය

අයිසීසී ටෙස්ට් ශූරතාවය යනු, ක්‍රිකට් ක්‍රීඩාව සඳහා ජාත්‍යන්තර ක්‍රිකට් කවුන්සිලය වෙතින් පවත්වනු ලබන, ජාත්‍යන්තර ටෙස්ට් ක්‍රිකට් ක්‍රීඩා කරන කණ්ඩායම් 10 ක් සඳහා වන තරගාවලියකි. තරගාවලිය හුදු කාල්පනික වන්නේ, සියරට හෝ පිටරට හෝ තත්ත්වය සැලකිල්ලට නොගෙන, විධිමත් ටෙස්ට් ක්‍රිකට් තරග න්‍යායපත්‍රයෙහි කොටසක් ලෙසින් ක්‍රීඩා කෙරෙන සියළු ජාත්‍යන්තර තරග මත උඩතුරා ඇති සරල ශ්‍රේණිගතකිරීම් පරිපාටියක් වන බැවිනි. හරය වශයෙන් ගත් කල, එක් එක් ටෙස්ට් තරගාවලියට පසුව, සම්බන්ධිත කණ්ඩායම් දෙකට ලකුණු පිරිනැමෙනුයේ ගණිතමය සූත්‍රයක් අනුවය. එක් එක් කණ්ඩායමෙහි ලකුණු, සමස්ත තරග ගණනින් බෙදෙනුයේ 'ශ්‍රේණිගතයක්' ලබා දීමට වන අතර, ටෙස්ට්-ක්‍රීඩා කරන කණ්ඩායම් ශ්‍රේණිගතයෙහි පිළිවෙලට අනුස්ථිතියක දක්වනු ලැබේ. (මෙය වගුවක පිළිවෙලට දැක්විය හැක).

අයිසීසී ටෙස්ට් ශූරතාවය
අයිසීසී ටෙස්ට් ශූරතාවය ලාංඡනය
පරිපාලක	ජාත්‍යන්තර ක්‍රිකට් කවුන්සිලය
ආකෘතිය	ටෙස්ට් ක්‍රිකට්
පළමු තරගාවලිය	2003
අවසාන තරගාවලිය	ඉදිරියට යන
තරගාවලි ආකෘතිය	කාල්පනික (ඉදිරියට ගෙන යන ලකුණු ක්‍රීඩා කෙරෙන සියළු තරග වෙතින් සමුච්චිතය)
කණ්ඩායම් ගණන	10
වත්මන් ශූරයා	දකුණු අප්‍රිකාව (ලකුණු 124)
වඩාත් ජයග්‍රාහී	ඕස්ට්‍රේලියාව (ලකුණු 76)

ටෙස්ට් තරගයක් හෝ තරගාවලියක් හෝ ජයග්‍රහණය කිරීම සඳහා ලකුණු සැමවිටම කණ්ඩායමෙහි ශ්‍රේණිගතයට වඩා වැඩි වන බැවින් ශ්‍රේණිගතය ඉහළ නංවන අතර, ටෙස්ට් තරගයක් හෝ තරගාවලියක් හෝ පරාජයවීම සඳහා ලකුණු සැමවිටම ශ්‍රේණිගතයට වඩා අඩු වෙමින් ශ්‍රේණිගතය පහළ දමයි. ඉහළ සහ පහළ ශ්‍රේණිගත කණ්ඩායම් දෙකක් අතර ජය පරාජයෙන් තොරව නිමවූ තරගයක් විසින් පහළ-ශ්‍රේණිගත කණ්ඩායමට වාසි ගෙන දෙන්නේ ඉහළ-ශ්‍රේණිගත කණ්ඩායමට අවාසි ලබා දෙමිනි. ප්‍රබල හා දුබල කණ්ඩායම් මිශ්‍රණයක් හා සමග ක්‍රිඩා කරමින් ජයග්‍රහණය කරන ලෙසින්ම පරාජය ලබන 'සාමාන්‍යය' කණ්ඩායමක් සඳහා ශ්‍රේණිගතය 100 ක් විය යුතුය. ජාත්‍යන්තර ක්‍රිකට් කවුන්සිලය විසින් ජයස්මාරකයක්, එනම් අයිසීසී ටෙස්ට් ශූරතා චේත්‍රය, ඉහළතම ශ්‍රේණිගතය රඳවාගෙන සිටින කණ්ඩායම වෙත පිරිනමයි. නව කණ්ඩායමක් ශ්‍රේණිගත ලැයිස්තුවෙහි ඉහළට පැමිණෙන සෑම අවස්ථාවකදීම, චේත්‍රය සමර්පණය කෙරෙයි.

2014 ජූලි මාසයේදී ශ්‍රී ලංකාවේ පැවැති තරග දෙකකින් සමන්විත තරගාවලියකදී, ශ්‍රී ලංකාව 1-0 ලෙසින් පරාජය කිරීම නිසා වර්තමානයේදී අයිසීසී ටෙස්ට් ශූරතාවයෙහි ඉහළතම-ශ්‍රේණිගතයෙහි පසුවන කණ්ඩායම වන්නේ දකුණු අප්‍රිකාව වෙයි.

වර්තමාන ශ්‍රේණිගතයෝ

අයිසීසී ටෙස්ට් ශූරතාවය
අනුස්ථිතිය	වෙනස	කණ්ඩායම	තරග	ලකුණු	ශ්‍රේණිගතය
1	▬	දකුණු අප්‍රිකාව	27	3353	124
2	▬	ඕස්ට්‍රේලියාව	32	3950	123
3	▲	එංගලන්තය	39	4063	104
4	▲	ශ්‍රී ලංකාව	31	3126	101
5	▼	ඉන්දියාව	29	2793	96
6	▼	පකිස්තානය	23	2199	96
7	▬	නවසීලන්තය	30	2787	93
8	▬	බටහිර ඉන්දීය කොදෙව්	26	1962	75
9	▬	සිම්බාබ්වේ	9	352	39
10	▬	බංග්ලාදේශය	17	320	19
මූලාශ්‍රය: අයිසීසී රෑන්කිංස්, 16 සැප්තැම්බර් 2014

ඓතිහාසික ශ්‍රේණිගතයෝ

ඉහළ කණ්ඩායම් අට සඳහා 2003 වසරෙහි සිට 2011 ජූනි දක්වා ලෝක ශ්‍රේණිගතයන්

2003 ජූනි දක්වා වන පරිදී, සෑම මාසයක අගදී, අයිසීසී විසින් ශ්‍රේණිගතයන් ප්‍රකාශ කර දක්වයි. එම දිනයේ පටන්, සම්පූර්ණ මාසයක කාල පරිච්ඡේද වලට බල පැවැත්වෙන පරිදී, වැඩිමතම ශ්‍රේණිගතය අනුයාත පරිදී දැරූ කණ්ඩායම් වන්නේ:

කණ්ඩායම	ඇරඹුම	අවසානය	සම්පූර්ණ මාස ගණන	සමුච්චිත මාස ගණන	වැඩිමතම ශ්‍රේණිගතය
ඕස්ට්‍රේලියාව	ජූනි 2003	අගෝස්තු 2009	74	74	143
දකුණු අප්‍රිකාව	අගෝස්තු 2009	නොවැම්බර් 2009	3	3	122
ඉන්දියාව	නොවැම්බර් 2009	අගෝස්තු 2011	21	21	130
එංගලන්තය	අගෝස්තු 2011	අගෝස්තු 2012	12	12	125
දකුණු අප්‍රිකාව	අගෝස්තු 2012	මැයි 2014	21	24	135
ඕස්ට්‍රේලියාව	මැයි 2014	ජූලි 2014	2	76	123
දකුණු අප්‍රිකාව	ජූලි 2014	වර්තමානය			124
මූලාශ්‍රය: අයිසීසී රෑන්කිංස් සංරක්ෂණය කළ පිටපත 2013-01-20 at the Wayback Machine

2003 වසරෙහිදී අයිසීසී විසින් නිල වශයෙන් ශ්‍රේණිගතය සිදුකිරීම ඇරඹීමෙන් පසුව , ඕස්ට්‍රේලියාව විසින් එහි ප්‍රමුඛත්වය ගත්තේ 1995 පමණ සිට ටෙස්ට් ක්‍රිකට් හී එය ප්‍රමුඛත්වය ගත් ලෙසින්මය. කෙසේවෙතත්, 2009 වසරෙහි සිට, කණ්ඩායම් කිහිපයක් (ඕස්ට්‍රේලියාව, දකුණු අප්‍රිකාව, ඉන්දියාව, ශ්‍රී ලංකාව, පකිස්තානය සහ එංගලන්තය) විසින් ඉහළතම අනුස්ථිතිය සඳහා තරග වැදී ඇත.

අයිසීසී විසින් මෑතකදී එහි වර්තමාන ශ්‍රේණිගත ක්‍රමය, වසර 1952 සිට ප්‍රතිඵල කෙරෙහි බලපවත්වන පරිදී සකස්කලේ 1952 සිට සෑම මාසයක් අවසානයෙහි දැක්වෙන ලෙසට වන අතර එහිදීද ඕස්ට්‍රේලියාව විසින් ඓතිහාසික ලෙසින් ටෙස්ට් ක්‍රිකට් ක්‍රීඩාවෙහි ප්‍රමුඛත්වය ගෙන සිටි සැටිය තවදුරටත් පැහැදිලි වන්නේ සැප්තැම්බර් 2001 සිට ජූලි 2009 දක්වා පළමු අනුස්ථිතිය රඳවාගෙන සිටි වැඩිම අනුයාත මාස ගණන (95), පළමු අනුස්ථිය රඳවාගෙන සිටි වැඩිම මාස ගණන (317) සහ ඉහළම ශ්‍රේණිගතය (143) යන්නන්ට උරුම කියමිනි. වගුව ආරම්භ වන්නේ 1952දී සිට පමණක් වන්නේ, එම දිනට පෙර, තරග පැවැත්වීම කලාතුරකින් සිදුවන්නක් වූ බැවින් අවශ්‍ය තරම් දත්ත නොතිබුණු බැවින් සහ පෙර කාලයන්හී කුඩා කණ්ඩායම් සංඛ්‍යාවක් තරග වැදීම නිසාය.

1952 ජනවාරි සිට 2003 මැයි දක්වා කාල සීමාවෙහිදී, සම්පූර්ණ මාසයක කාල පරිච්ඡේදයකට අදාළ වන පරිදී, අනුයාත ලෙසින් වැඩිතම ශ්‍රේණිගතයන් පවත්වාගෙන යන ලද කණ්ඩායම්, පහත වගුව විසින් ලැයිස්තුගත කරයි.:

කණ්ඩායම	ඇරඹීම	අවසානය	මුළු මාස ගණන
ඕස්ට්‍රේලියාව	ජනවාරි 1952	මැයි 1955	41
එංගලන්තය	ජූනි 1955	පෙබරවාරි 1958	33
ඕස්ට්‍රේලියාව	මාර්තු 1958	ජූලි 1958	5
එංගලන්තය	අගෝස්තු 1958	දෙසැම්බර් 1958	5
ඕස්ට්‍රේලියාව	ජනවාරි 1959	දෙසැම්බර් 1963	60
බටහිර ඉන්දීය කොදෙව්	ජනවාරි 1964	දෙසැම්බර් 1968	60
දකුණු අප්‍රිකාව	ජනවාරි 1969	දෙසැම්බර් 1969	12
එංගලන්තය	ජනවාරි 1970	ජනවාරි 1973	37
ඕස්ට්‍රේලියාව	පෙබරවාරි 1973	මාර්තු 1973	2
ඉන්දියාව	අප්‍රේල් 1973	ජූනි 1974	15
ඕස්ට්‍රේලියාව	ජූලි 1974	ජනවාරි 1978	43
බටහිර ඉන්දීය කොදෙව්	පෙබරවාරි 1978	ජනවාරි 1979	12
එංගලන්තය	පෙබරවාරි 1979	අගෝස්තු 1980	19
ඉන්දියාව	සැප්තැම්බර් 1980	පෙබරවාරි 1981	6
බටහිර ඉන්දීය කොදෙව්	මාර්තු 1981	ජූලි 1988	89
පකිස්තානය	අගෝස්තු 1988	සැප්තැම්බර් 1988	2
බටහිර ඉන්දීය කොදෙව්	ඔක්තොම්බර් 1988	ජනවාරි 1991	28
ඕස්ට්‍රේලියාව	පෙබරවාරි 1991	අප්‍රේල් 1991	3
බටහිර ඉන්දීය කොදෙව්	මැයි 1991	ජූලි 1992	15
ඕස්ට්‍රේලියාව	අගෝස්තු 1992	ජනවාරි 1993	6
බටහිර ඉන්දීය කොදෙව්	පෙබරවාරි 1993	අගෝස්තු 1995	31
ඉන්දියාව	සැප්තැම්බර් 1995	නොවැම්බර් 1995	3
ඕස්ට්‍රේලියාව	දෙසැම්බර් 1995	ජූලි 1999	44
දකුණු අප්‍රිකාව	අගෝස්තු 1999	දෙසැම්බර් 1999	5
ඕස්ට්‍රේලියාව	ජනවාරි 2000	පෙබරවාරි 2000	2
දකුණු අප්‍රිකාව	මාර්තු 2000	මාර්තු 2000	1
ඕස්ට්‍රේලියාව	අප්‍රේල් 2000	ජූලි 2001	16
දකුණු අප්‍රිකාව	අගෝස්තු 2001	අගෝස්තු 2001	1
ඕස්ට්‍රේලියාව	සැප්තැම්බර් 2001	මැයි 2003	21
මූලාශ්‍රය: අයිසීසී හිස්ටොරිකල් රෑන්කිංස් සංරක්ෂණය කළ පිටපත 2013-01-20 at the Wayback Machine

සම්පූර්ණ මාසයක කාල පරිච්ඡේදයකට අදාළ වන පරිදී, 1952 සිට වර්තමානය දක්වා අනුයාත ලෙසින් වැඩිතම ශ්‍රේණිගතයන් පවත්වාගෙන යන ලද කණ්ඩායම් සාරාංශය වන්නේ:

කණ්ඩායම	සම්පූර්ණ මාස ගණන	වැඩිතම ශ්‍රේණිගතය
ඕස්ට්‍රේලියාව	317	143
බටහිර ඉන්දීය කොදෙව්	235	135
එංගලන්තය	106	125
ඉන්දියාව	45	130
දකුණු අප්‍රිකාව	43	135
පකිස්තානය	2	110
මූලාශ්‍රය: අයිසීසී හිස්ටොරිකල් රෑන්කිංස් සංරක්ෂණය කළ පිටපත 2013-01-20 at the Wayback Machine

ජයස්මාරකය

වසර 2001 සිට, අයිසීසී ටෙස්ට් ශූරතාවයෙහි ඉහළින්ම සිටි කණ්ඩායමට අයිසීසී ටෙස්ට් ශූරතා ජයස්මාරකය ප්‍රදානය කෙරිණි. එහි වටිනාකම £30,000 ක් විය.

බාහිර සබැඳි

• අයිසීසී ටෙස්ට්, ඕඩීඅයි ඇන්ඩ් ටී20අයි චැම්පියන්ෂිප් රෑන්කිංස් සංරක්ෂණය කළ පිටපත 2012-09-24 at the Wayback Machine