වොයේජර් 1

වොයේජර් 1 යනු නාසා ආයතනයේ වොයේජර් වැඩසටහන යටතේ, 1977 සැප්තැම්බර් 5 වැනිදා පෘථිවියෙන් දියත් කෙරුනු අභ්‍යවකාශ ප්‍රෝබයකි. යානයේ අරමුණ වූයේ බාහිර සෞරග්‍රහ මණ්ඩලය සහ සූර්යගෝලයෙන් එපිට අන්තස්තාරීය අභ්‍යවකාශය ගවේශනය කිරීමයි. වොයේජර් 2 යානය දියත් කිරීමෙන් දින 16 කට පසු දියත් කෙරුනු වොයේජර් 1, අද වන විට වසර 47 ක්, මාස 2 ක්, එක් සතියක් සහ දින 2 ක් ක්‍රියාකාරීව පැවතී ඇත. පෘථිවියේ සිට වොයේජර් 1 යානයට විධාන යැවීම සහ වොයේජර් 1 විසින් පෘථිවියට දත්ත සම්ප්‍රේෂණය කිරීම සිදු වනුයේ නාසා ආයතනයේ ගැඹුරු අභ්‍යවකාශ ජාලය ඔස්සේ ය. නාසා ආයතනය සහ ක්ෂේප ප්‍රචාලන පර්‍යේෂණාගාරය විසින් යානයේ තත්‍ය-කාලීන දුර සහ ප්‍රවේගය වැනි විස්තර සපයනු ලැබේ. 2022 නොවැම්බර් 7 වන විට, වොයේජර් 1 යානය පෘථිවියේ සිට තාරකා විද්‍යාත්මක ඒකක වලින් 158.79 ක දුරක් (කිලෝමීටර් බිලියන 23.754; සැතපුම් බිලියන 14.760) ගමන් කර ඇති අතර, පෘථීවියේ සිට වැඩිම දුරක් ගමන් කරන ලද කෘතීම වස්තුව එය වෙයි.

වොයේජර් 1

වොයේජර් අභ්‍යවකාශ යානයේ ආකෘතිය
මෙහෙයුම් වර්ගය	බාහිර ග්‍රහලෝක, සූර්‍යගෝලය සහ අන්තස්තාරීය මාධ්‍යය ගවේෂණය
ක්‍රියාකරු	නාසා / ක්ෂේප ප්‍රචාලන පර්‍යේෂණාගාරය
COSPAR ID	1977-084A
SATCAT №	10321
වෙබ් අඩවිය	voyager.jpl.nasa.gov/
මෙහෙයුම් පැවතුම් කාලය	47 years, 2 months, 8 days elapsed ග්‍රහලෝක මෙහෙයුම: 3 years, 3 months, 9 days අන්තස්තාරීය මෙහෙයුම: 43 years, 11 months elapsed
අභ්‍යාවකාශයානා ගුණාංග
අභ්‍යාවකාශායානා වර්ගය	මැරිනර් බ්‍රහස්පති-සෙනසුරු
නිෂ්පාදක	ක්ෂේප ප්‍රචාලන පර්‍යේෂණාගාරය
දියත් ස්කන්ධය	825.5 kg (1,820 lb)
ජවය	වොට් 470 (දියත් කරන විට)
මෙහෙයුමෙහි ඇරඹුම
අභ්‍යාවකාශගතකිරීම් දිනය	සැප්තැම්බර් 5, 1977, 12:56:00 (සැප්තැම්බර් 5, 1977, 12:56:00) UTC
රොකට්ටුව	ටයිටන් IIIE
අභ්‍යාවකාශගතකිරීම් අඩවිය	කැනවරල් තුඩුවේ ගුවන් හමුදා ස්ථානයේ 41 වෙනි අභ්‍යවකාශ දියත් කිරීමේ සංකීර්ණය
බ්‍රහස්පති අසළින් පියාසර කිරීම
සමීපතම ප්‍රවේශය	මාර්තු 5, 1979
දුර	349,000 km (217,000 mi)
සෙනසුරු අසළින් පියාසර කිරීම
සමීපතම ප්‍රවේශය	නොවැම්බර් 12, 1980
දුර	124,000 km (77,000 mi)
ටයිටන් අසළින් පියාසර කිරීම (වායුගෝලය අධ්‍යයනය)
සමීපතම ප්‍රවේශය	නොවැම්බර් 12, 1980
දුර	6,490 km (4,030 mi)
---- ෆ්ලැග්ෂිප් ← වොයේජර් 2 ගැලීලියෝ →