බන්ධන් (ඉන්දියානු රූපවාහිනී කතාමාලාව)
බන්ධන් (බන්ධන් – සාරි උමාර් හුමේන් සන්ග් රෙහ්නා හේ)[1] යනුවෙන් හැඳින්වෙන්නේ ඉන්දියානු රූපවාහිනී මාලා නාට්‍ය වැඩසටහනකි. 2014 සැප්තැම්බර් 16 දින විකාශය ආරම්භ වූ මෙම කතාමාලාව සී ටීවී නාළිකාව ඔස්සේ විකාශය කරන ලදී.[2] බන්ධන් යනු දර්පණ් නැමැති කුඩා දැරියක සහ ගනේෂ් නැමැති ඇගේ සොයුරා වටා ගෙතුණු කථා පුවතකි. ජනවාරි 27 දින මෙම කතාමාලාව තුළින් වසර 10ක් ඉදිරියට කථාව නිරූපණය කිරීම ආරම්භ විය. දර්පණ් රාඝව් නැමැති නොමඟ ගිය පුද්ගලයකු සමග විවාහ වෙයි. ඇයට සිය පවුල විනාශ වීමට හේතුවූ විශ්වාස් රාඕ පටෙල් නැමැති පුද්ගලයාව පරාජය කිරීමට සිදු වේ. ඇයට මෙය කළ හැකි ද? බන්ධන් මගින් මිනිසුන් සහ සතුන් අතර ඇතිවන බැඳීම මැනවින් ප්‍රදර්ශනය කරයි.
| බන්ධන් | |
|---|---|
 වැඩමටහනේ තේමා පාඨය | |
| මෙලෙසද හැඳින්වේ | ඒක් සේ භාලේ දෝ (සී අන්මොල්) |
| ප්‍රභේදය | ඉන්දියානු සෝප් ඔපෙරා නාට්‍ය |
| තැනුවේ | ස්වස්තික් ප්‍රොඩක්ෂන්ස් |
| අධ්‍යක්ෂණය කලේ | මුකේෂ් සිං රාකේෂ් දුබේ |
| රඟපෑම | ඡාවි පාණ්ඩේ මෘනාල් ජායින් සුදේශ් බෙරී |
| සම්භව රට | ඉන්දියාව |
| භාෂාව(න්) | හින්දි |
| කථාවාර සංඛ්‍යාව | 1 |
| කථාංග ගණන | 161 |
| නිෂ්පාදනය | |
| නිෂ්පාදක(යෝ) | සිද්ධාර්ත් කුමාර් තේවාරි රාහුල් තේවාරි ගයාත්‍රි ගිල් තේවාරි |
| කැමරා සැලැස්ම | බහු-කැමරා |
| ධාවන කාලය | මිනි. 21 |
| නිෂ්පාදන සමාගම | ස්වස්තික් ප්‍රොඩක්ෂන්ස් |
| ප්‍රචාරණය | |
| මුල් නාලිකාව | සී ටීවී |
| රූප ආකෘතිය | 576i SDTV 1080i HDTV |
| මුල් ධාවනය | 16 සැප්තැම්බර් 2014 – 17 අප්‍රේල් 2015 |
| බාහිර සබැඳි | |
| නිල වෙබ්අඩවිය | |
අලි පැටවකු අවභාවිතා කිරීම සංස්කරණය
මෙම වැඩසටහනේ නිර්මාතෘවරුන් ඉන්දියාවේ සත්ත්ව සුබසාධක මණ්ඩලයේ (AWBI) සහ සත්ත්ව අයිතිවාසිකම් සංවිධානයක් වන PETA ඉන්ඩියා සංවිධානයේ දැඩි දෝෂ දර්ශනයට ලක්ව ඇත්තේ මෙම කතාමාලාවේ ප්‍රධාන චරිතය සඳහා සුමන් නැමැති අලි පැටවා අවභාවිතා කිරීම හේතුවෙනි. මාධ්‍ය වාර්තාවන්ට අනුව, AWBI සහ PETA සංවිධාන විසින් පරීක්ෂණයක් මෙහෙයවූ අතර, එහිදී අනාවරණය වූයේ පසුතලයේ දී සුමන් නැමැති අලි පැටවාට සලකා ඇත්තේ අසතුටුදායක අයුරින් බවයි. සුමන් තුළ චර්ම රෝගයක් ද වර්ධනය වී ඇති අතර, අසාමාන්‍ය චර්යාවන් ද ප්‍රදර්ශනය කොට ඇත. වාර්තා අනුව පරීක්ෂකයන් ඉදිරිපිටදීම අලි හසුරුවන්නන් විසින් ඇයට කෙවිටකින් පහර දී ඇති අතර, ඇයට ප්‍රමාණවත් ලෙස ජලය පානය කිරීමට අවස්ථාව ලබා දී නැත. එසේම ඇයව නුසුදුසු ස්ථානයක ගාල් කොට ඇති අතර, ප්‍රමාණවත් පශු වෛද්‍ය පහසුකම් ද ලබා දී නොමැත. සුමන් නැමැති මෙම අලි පැටවාගේ වයස අවුරුදු තුනක් වූ අතර, ඇයව ඇගේ මවගෙන් වෙන් කිරීම ‘ආචාර ධර්මානුකූලව පටහැනි’ බව ද PETA සංවිධානය කියා සිටියි.[3]
ටයිම්ස් ඔ‍ෆ් ඉන්ඩියා පුවත්පතෙහි ප්‍රකාශිත ප්‍රවෘත්ති අනුව, AWBI මණ්ඩලය විසින් මෙම සත්ත්වයා යොදා ගැනීමට ලබා දී තිබූ අවසරය අවලංගු කරන ලදී. අනතුරුව කතාමාලාවේ නිෂ්පාදකයින් බොම්බායේ මහාධිකරණය වෙත නඩුවක් ගොනු කරන ලදී. මෙම නඩුව විනිශ්චයට භාජනය වෙමින් පවතියි.[3]
PETA ඉන්ඩියා සංවිධානය මහාධිකරණයේ දී යෝජනා කළේ සුමන් නැවත අභයභූමියක් වෙත හඳුන්වා දිය යුතු බවයි.[4]
ප්‍රධාන චරිත සංස්කරණය
- අනන්‍යා අගර්වාල්/ඡාවි පාණ්ඩේ, දර්පණ් කර්ණික්/රියා කාර්ලේ ලෙස
- මෘනාල් ජායින්, රාඝව් පටිල්/සමීර් සේන් ලෙස
- සහාය රංගනය
- මිනූ පංචාල්, කාජල් ලෙස
- සුදේශ් බෙරී, විශ්වාස් රාඕ පටිල් ලෙස (එදිරිවාදියෙකි)
- මීනාල් පේනඩ්සේ, මීති විශ්වාස් රාඕ පටිල් ලෙස
- ආදිත්‍ය රෙඩිජ්, මහේෂ් කර්ණික් ලෙස
- ශ්වේතා මුන්ෂි, ප්‍රභා කර්ණික් ලෙස
- මොනිකා බේඩි, නාරායනි දේශ්පාණ්ඩේ ලෙස
- සුෂ්මිතා මුඛර්ජී, ශකුන්තලා ගණ්පත්රාඕ ආප්තේ/සක්කු බුවා ලෙස
- ස්නිග්ධා අකෝල්කාර්, කජ්රි දේව් ප්‍රතාප් පටිල් ලෙස
- භාන්ජුදීත් සුදාන්, භානු ප්‍රතාප් පටිල් ලෙස
- පියාලි මුන්ෂි, ශීතල් භානු ප්‍රතාප් පටිල් ලෙස
- අනිරුධ් දේව්, දේව් ප්‍රතාප් පටිල් ලෙස
- සුමන් ශෂි කාන්ත්, දේව් ලෙස
- රවි මිෂ්රා, වෛද්‍ය ආයුෂ් ප්ලාස්ටික් ශල්‍ය වෛද්‍ය ලෙස
අන්තර්ජාතික විකාශය සංස්කරණය
පාකිස්ථානය තුළ ඒ-ප්ලස් එන්ටර්ටේන්මන්ට් නාළිකාව ඔස්සේ මෙම කතාමාලාව විකාශය වේ. මොරිෂස් තුළ මෙම වැඩසටහන MBC ඩිජිටල් 4 නාළිකාවෙන් විකාශය කෙරේ.
ශ්‍රී ලංකාව තුළ ටීවී දෙරණ නාළිකාව මගින් සිංහලට හඬකවන ලද මෙම කතාමාලාව අලි මල්ලියි මමයි යන තේමාව ඔස්සේ විකාශය කෙරේ.
ආශ්‍රේයයන් සංස්කරණය
- ↑ 'Bandhan...' - new TV show delves on man-animal bond - The Times of India
- ↑ Zee launches new show on human-animal bonding - The Times of India
- ↑ 3.0 3.1 "AWBI in legalbattle over treatment of elephant on show's set". Times of India. 23 March 2015.
- ↑ "PETA urges Bombay HC to rehabilitate baby elephant seen in television show 'Bandhan". 19 March 2015.
බාහිර සබැඳි සංස්කරණය
{