නාරම්මල

නාරම්මල යනු ශ්‍රී ලංකාවේ වයඹ පලාතේ කුරුණෑගල දිස්ත්‍රීක්කයේ නාරම්මල ප්‍රාදේශීය ලේකම් කොට්ඨාසයේ පිහිටි නගරයකි. එය නාරම්මල ප්‍රාදේශීය ලේකම් කොට්ඨාසයේ අගනගරය ද වේ. ලෝක බුලත් පර්යේෂණ මධ්‍යස්ථානය ද මෙහි පිහිටා ඇත. මෙම මනරම් නගරය කුඹුරු යාය වලින් සහ පොල්වතු වලින් වටවී ඇත. වයඹ පළාතේ ප්‍රධාන නගර වන කුරුණෑගල, හලාවත, කුලියාපිටිය හා පොල්ගහවෙල යන නගර අතර නාරම්මල ද තිබේ. සුඛෝපභෝගී හෝටල, නවාතැන් ස්ථාන, කදිම අවන්හල් සහ බීමහල් සහිත නාරම්මල නගරය නවීන ජීවන ක්‍රමයක් සහ නිශාචර ජීවිතය සහිත ශ්‍රී ලංකාවේ නිදහස් මතධාරීම නගරයකි. එය බහු වාර්ගික, බහු ආගමික සහ බහු සංස්කෘතික නගරයකි.මෙම ප්‍රදේශයේ මිනිසුන් සාමයෙන් අන් අය සමග වෙසේ.

නාරම්මල Narammala நாரம்மல
ඉහළ: නාරම්මල නගරයේ ගුවන් දර්ශනය
අපනාමය(න්): රන්පුරවර
උද්යෝග පාඨය(න්): නොනැවතී ඉදිරියට
නාරම්මල
ඛණ්ඩාංක: 7°26′4″N 80°13′17″E / 7.43444°N 80.22139°E / 7.43444; 80.22139ඛණ්ඩාංක: 7°26′4″N 80°13′17″E / 7.43444°N 80.22139°E / 7.43444; 80.22139
රට	ශ්‍රී ලංකාව
පළාත	වයඹ පළාත
දිස්ත්‍රික්කය	කුරුණෑගල
රජයප්‍රාදේශීය සභා
• පරිපාලනය	නාරම්මල ප්‍රාදේශීය සභාව
සරිය
• මුළු	99.68 කිමී² (38.49 සතරැස් සැත)
උන්නතාංශය	0m මී (0 අඩි)
ජනගහණය(2012)
• මුළු	56,279
ජනනාමය(න්)	Narammalian (නාරම්මලියන්)
වේලා කලාප	ශ්‍රී ලංකා සම්මත වේලා කලාපය (UTC+5:30)
දුරකථන කේතය(න්)	037
වෙබ් අඩවිය	htttps://narammala.ds.gov.lk

නාරම්මල නගරය ශ්‍රී ලංකාවේ අනතුරු අඩු ම නගරය බව පර්‍යේශනයකින් තහවුරු වී තිබේ. සුළි සුලං, නායයෑම්, ගිනිකඳු, නියගය හෝ ගංවතුරෙන් නාරම්මල ප්‍රදේශය ඉතිහාසයේ කිසිදු දිනයක පීඩා විද නැති බව තහවුරු වේ. කෙසේවෙතත් 2023 වර්ෂයේ දෙසැම්බර් මාසයේ ගිරිඋල්ල ප්‍රදේශයෙන් මහ ඔය පිටාර ගැලීම හේතුවෙන් ඉතිහාසයේ ප්‍රථම වරට නාරම්මල නගරයේ "ඩවුන් ටවුන්" (Downtown) කොටස සම්පූර්ණයෙන් ජලයෙන් යටවිය. නාරම්මල සිට මීගමුව දක්වා දිවෙන මාර්ගයෙහි අත්කම් භාණ්ඩ හා ආභරණ වෙළද සැල් මෙන්ම සංචාරක නි‍කේතන හා අන්තර් ඡාල සේවා මධ්‍යස්ථානද සංචාරකයන් සඳහා දිවා රාත්‍රී විවෘතව පවති. ‍‍

ඉතිහාසය සංස්කරණය

පුරාවෘතයන්ට අනුව, නාරම්මල ඉතිහාසය ඇරඹෙන්නේ 3වෙනි විජයබාහු රජතුමා දඹදෙණි රාජධානිය (ක්‍රි.ව. 1120 - ක්‍රි.ව.1236) පිහිටුවීමෙන් පසුවයි. තමා හා දළදා මාළිගාවේත්, රටවැසියන්ගේත් ආරක්ෂාව වෙනුවෙන් පොළොන්නරුව රාජධානිය අතහැරි 3වෙනි විජයබාහු රජතුමා දඹදෙණිය රාජධානිය වෙත සංක්‍රමණය විය. ඒ දින වල පටන් නාරම්මල යන්න පවතී. ඉතිහාසයට අනුව, දඹදෙණි රාජධානිය පිහිටුවීමත් සමගම ගෞතම බුදුරදුන්ගේ ශ්‍රී දන්ත ධාතූන් වහන්සේ එහි රැගෙන එන ලදී. ශ්‍රී දන්ත ධාතූන් වහන්සේ දඹදෙණිය රාජධානිය වෙත රැගෙන එන අතරමග දී, වර්තමානයේ නාරම්මල නමින් හඳුන්වන ස්ථානයේ දී රජතුමා විසින් රනින් නිමකල නා මලක් දන්ත ධාතූන් වහන්සේ වෙත පූජා කරන ලදී. රන් නා මල පුද දුන් ස්ථානය සිහිවීම පිණිස එදා පටන් එතැන "රන් නා මල" නමින් හැඳින්වෙන්නට වීලු. පසුව "රන්+නා+මල" යන්න භාවිතයේ පහසුවට "නා+රන්+මල"වී කට වහරට "නාරම්මල" වීලු.

ඓතිහාසික ගල් විහාරය, නාරම්මල

පිහිටීම සංස්කරණය

භූගෝලීය පිහිටීම අනූව නාරම්මල නගරය උතුරු අක්ෂාංශ 7°26'1563" හා නැගෙනහිර දේශාංශ 80°13'797" හි පිහිටා ඇත.
B ශ්‍රේණියේ මාර්ග 2ක මංසන්ධියකි.

නාරම්මල - අලව්ව (B008)
කුරුණෑගල - මාදම්පේ (B247)

ගමනාගමනය සංස්කරණය

නාරම්මල නගරයේ සිට ක්‍රියාත්මක වන ප්‍රධාන බස් නැවතුම්පොළක් නගර මධ්‍යයේ ඇත.

මෙහි පවතින්නේ නාරම්මල නගරයෙන් ගමන් ආරම්භ වන බස් මාර්ග අංක හා අවසාන නැවතුම් ය. මීට අමතරව නාරම්මල නගරය හරහා ගමන් ගන්නා බස්රථ ද ඇත.


මාර්ග අංක	අවසානය
	වාරියපොළ
	හෙට්ටිපොළ
	කුලියාපිටිය
	අලව්ව
	ගිරිඋල්ල

සමාජය සංස්කරණය

නාරම්මල නගරයේ සිංහල සහමුස්ලිම් ජනයා ජීවත් වන අතර බහුතරය සිංහල වේ.මෙහි ජීවත් වන පිරිස් බහුල ලෙස කෘෂිකර්මන්තයේ යෙදෙන අතර ප්‍රධාන ආහාරය බත් වේ. නාරම්මල නගරයවාණිජ හා සමාජීය වටිනාකමක් ගන්නා අතර අවට පිහිටි කුඩා ගම්මානවල දහස් ගණන් ජනයාගේ මූලික අවශ්‍යතා ඉටුකරයි.