කිරිඇල්ල මැතිවරණ කොට්ඨාසය
කිරිඇල්ල මැතිවරණ කොට්ඨාසය අගෝස්තු 1947 සහ ජූලි 1977 අතරතුර ශ්‍රී ලංකාවෙහි මැතිවරණ කොට්ඨාස අතුරින් එකක් විය. මෙම මැතිවරණ කොට්ඨාසය නම් ලද්දේ සබරගමුව පළාතේ රත්නපුරය දිස්ත්‍රික්කයේ, කිරිඇල්ල නගරය අනුව යමිනි . ජූලි 1977 දී මෙම මැතිවරණ කොට්ඨාසය වෙනුවට ඇහැළියගොඩ මැතිවරණ කොට්ඨාසය ඇති කරන ලදි. ශ්‍රී ලංකාවේ 1978 ආණ්ඩුක්‍රම ව්‍යවස්ථාව විසින් පාර්ලිමේන්තු මන්ත්‍රීවරුන් තෝරා පත්කර ගැනුම සඳහා සමානුපාතික නියෝජන මැතිවරණ ක්‍රමය හඳුන්වාදෙන ලදි . එවිට පැවැති බොහෝ දුරට ඒක-මන්ත්‍රී මැතිවරණ කොට්ඨාස වූ කොට්ඨාස 160 වෙනුවට බහු-මන්ත්‍රී මැතිවරණ කොට්ඨාස 22 ක් ඇති කරන ලදි.[1] සමානුපාතික නියෝජනය යටතේ පැවැත්වුණු පළමු මැතිවරණය වන 1989 මහා මැතිවරණයේදී ඇහැළියගොඩ මැතිවරණ කොට්ඨාසය වෙනුවට රත්නපුරය බහු-මන්ත්‍රී මැතිවරණ කොට්ඨාසය ආදේශ කරනු ලදුවත් බහු-මන්ත්‍රී මැතිවරණ කොට්ඨාසය තුළ ඡන්ද කොට්ඨාශයක් ලෙස ඇහැළියගොඩ දිගටම පවතියි.
1947 පාර්ලිමේන්තු මහා මැතිවරණය
සංස්කරණය23 අගෝස්තු 1947 සිට 20 සැප්තැම්බර් 1947 දක්වා කාලය අතරතුරදී පැවැත්වුණු පළමුවන පාර්ලිමේන්තු මැතිවරණයෙහි මෙම මැතිවරණ කොට්ඨාසය සඳහා ප්‍රතිඵල:[2]
| අපේක්ෂකයා | පක්ෂය | සංකේතය | ඡන්ද සංඛ්‍යාව | % |
|---|---|---|---|---|
| ෆ්ලොරන්ස් සේනානායක මිය | කුඩය | 5,535 | 36.46% | |
| ටී. කේ. ඩබ්. චන්ද්‍රසේකර | සමනලයා | 3,294 | 21.70% | |
| ඒ. ඊ. බී. කිරිඇල්ල | ගස | 2,439 | 16.07% | |
| එච්. ඒ. ජී. කලටුවාව | අන්නාසි ගෙඩිය | 2,428 | 15.99% | |
| බී. එස්. රාමචන්ද්‍ර | තරාදිය | 1,120 | 7.37% | |
| ඒ. එම්. එස්. එල්. පටානි මුහන්දිරම් | පුටුව | 366 | 2.41% | |
| වලංගු ඡන්ද සංඛ්‍යාව | 15,182 | 100.00% | ||
| ප්‍රතික්ෂේපිත ඡන්ද සංඛ්‍යාව | 399 | |||
| මුළු ඡන්ද සංඛ්‍යාව | 15,581 | |||
| ලියාපදිංචි ඡන්දදායක සංඛ්‍යාව | 30,307 | |||
| ඡන්දය භාවිත කිරීමේ ප්‍රතිශතය | 50.80% | |||
ආශ්‍රිත
සංස්කරණය- ^ "ද ඉලෙක්ටරල් සිස්ටම්". ශ්‍රී ලංකාවේ පාර්ලිමේන්තුව.
- ^ "රිසල්ට් ඔෆ් පාර්ලිමෙන්ටරි ජෙනරල් ඉලෙක්ෂන් 1947" (PDF). මැතිවරණ දෙපාර්තමේන්තුව, ශ්‍රී ලංකාව.