උෂිකු දායිබුත්සු
උෂිකු දායිබුත්සු (牛久大仏) යනුවෙන් හඳුන්වන්නේ ජපානයේ ඉබරාකි දිස්ත්‍රික්කයේ උෂිකුහි පිහිටි දැවැන්ත බුද්ධ ප්‍රතිමාවකි. 1993දී නිමකොට අවසන් කෙරුණු මෙම ප්‍රතිමාවේ සම්පූර්ණ උස 120 m (අඩි 390) ක් වන අතර, එයට 10 m (අඩි 33) ක් උසැති පාදම සහ 10m උසැති පද්ම පීඨිකාව ද ඇතුළත් වේ. 2016 වන විට, මෙම බුද්ධ ප්‍රතිමාව ලොව උසම ප්‍රතිමා ත්‍රිත්වය අතුරින් එකක් ලෙස පැවතිණි.
| උෂිකු මහා බුද්ධ ප්‍රතිමාව | |
|---|---|
| ජපන්: 牛久大仏 | |
| වර්ෂය | 1993 |
| වර්ගය | ප්‍රතිමාව |
| මාන | උස 100 m (අඩි 330) |
| පිහිටීම | උෂිකු, ඉබරාකි, ජපානය |
උත්තෝලකයක් මගින් නරඹන්නන්ව 85 m (අඩි 279) උසැති නිරීක්ෂණ මහලක් වෙත රැ‍ගෙන යයි. මෙම ප්‍රතිමාව මගින් අමිතාභ බුදුන් වහන්සේ නිරූපණය වන අතර, එය ලෝකඩවලින් නිමවා තිබේ. මෙම ප්‍රතිමාව උෂිකු ARCADIA (අමිදගේ ප්‍රභාව සහ දයාව සැබැවින්ම සංවර්ධනය කිරීමේ සහ ප්‍රභාවත් කිරීමේ කලාපය) ලෙස ද හඳුන්වයි. මෙම ප්‍රතිමාව ඉදිකෙරුණේ ජෝදෝ ෂින්ෂූ 浄土真宗 හෙවත් බුදු දහමේ "සැබෑ ශුද්ධ භූමි ශාස්ත්‍රාලය" පිහිටුවීමට පුරෝගාමී වූ ෂින්රන්ගේ උපත අනුස්මරණය කිරීම පිණිසයි.[1]
තොරතුරු
සංස්කරණය- බර: ටොන් 4003 (රාත්තල් 8,825,000)
- වම් හස්තයේ දිග: 18.00 m (අඩි 59.06)
- මුහුණේ දිග: 20.00 m (අඩි 65.62)
- ඇසෙහි දිග: 2.55 m (අඩි 8.4)
- මුඛයේ දිග: 4.5 m (අඩි 15)
- නාසයේ දිග: 1.2 m (අඩි 3.9)
- කනෙහි දිග: 10.00 m (අඩි 32.81)
- මහපටැඟිල්ලෙහි දිග: 7.00 m (22.97)
ප්‍රතිමාව අභ්‍යන්තරයෙහි මහල් සතරකින් යුත් ගොඩනැගිල්ලක් ඇත. මෙම ගොඩනැගිල්ල යම් ආකාරයක කෞතුකාගාරයක් ලෙස සැලකයි හැක.
- 1වන මට්ටම, අසීමිත ආලෝකය සහ අසීමිත දිවිය
- පළමු මහලේ ප්‍රවේශ ශාලාව අඳුරු ය. එයට ඇතුළුවන්නන්ට අඳුරේ පවා සංගීත නාදයක් ඇසේ. කුටිය මධ්‍යයෙහි සුවඳ දුම් කටාරයක් තුළට එල්ල වූ තනි ආලෝක ධාරාවකි. මෙයට පිටතින් සෙසු මහල් වෙත යාමට උත්තෝලකයක් ඇත.
- 2වන මට්ටම (10.0 m), කෘතඥතාවේ සහ ස්තුතියේ ලෝකය
- ආගමික ග්‍රන්ථ අධ්‍යයන සඳහා වෙන්කොට ඇත.
- 3වන මට්ටම (20~30.0 m), පද්ම ආරාමයේ ලෝකය
- රන් බුද්ධ ප්‍රතිමා 3000කට අධික නිදර්ශක සංඛ්‍යාවක් ඇත.
- 4වන මට්ටම (80~85.0 m), ගිර්ධ්‍රකූඨ කන්ද
- මෙ සිව්වන මහලේ බුද්ධ ප්‍රතිමාවේ ළයෙහි ඇති කවුළු තුළින් යාබද මල් උයන සහ කුඩා සත්ත්වෝද්‍යානය දැකගත හැක.
මේවාත් බලන්න
සංස්කරණය- දායිබුත්සු
- කෝතොකු-ඉන් - කමකුරාවේ පිහිටි මෙම විහාරය තුළ ජපානයේ දෙවන විශාලතම ලෝකඩ හිඳි බුද්ධ ප්‍රතිමාව පිහිටා ඇත.
- තොදායි-ජි - නාරාහි පිහිටි විහාරයකි. ජපානයේ විශාලතම හිඳි බුද්ධ ප්‍රතිමාව ඇත්තේ මෙහි ය.
- ලේෂාන් දැවැන්ත බුද්ධ ප්‍රතිමාව - චීනයේ පිහිටි මෙම බුද්ධ ප්‍රතිමාව ලොව විශාලතම ශෛලමය බුද්ධ ප්‍රතිමාව වේ.
- ටියෑන් ටෑන් බුද්ධ ප්‍රතිමාව - හොං කොංහි පිහිටි මෙම බුද්ධ ප්‍රතිමාව ලොව විශාලතම හිඳි බුද්ධ ප්‍රතිමාව වේ.
- උස අනුව ප්‍රතිමා ලැයිස්තුව; මෙම ලැයිස්තුවෙහි අන්තර්ගත ප්‍රතිමා බොහෝමයක් බෞද්ධ ප්‍රතිමා වේ.
මූලාශ්‍ර
සංස්කරණය- ^ "උෂිකු දායිබුත්සු". Must Love Japan.
බාහිර සබැඳි
සංස්කරණයඛණ්ඩාංක: 35°58′57″N 140°13′13″E / 35.98250°N 140.22028°E
| වාර්තා | ||
|---|---|---|
| පූර්වප්‍රාප්තිකයා සෙන්දායි දයිකන්නනොන් 100 m (අඩි 328) |
ලොව උසම ප්‍රතිමාව 1993–2002 |
අනුප්‍රාප්තික උල්පත් විහාරයේ බුද්ධ ප්‍රතිමාව 128 m (අඩි 420) |
සැකිල්ල:Japan-art-stub සැකිල්ල:Japan-reli-stub
 | බුද්ධාගම හා සම්බන්ධ මෙම ලිපිය තවමත් අංකුර ලිපියකි. විකිපීඩියාවට උදවුවක් ලෙසින් ඔබ හට එය විහිදුවාලිය හැක. |
 | ප්‍රතිමා කලාව හා සම්බන්ධ මෙම ලිපිය තවමත් අංකුර ලිපියකි. විකිපීඩියාවට උදවුවක් ලෙසින් ඔබ හට එය විහිදුවාලිය හැක. |