ලෙජන්ඩ් ඔෆ් ලූ චෙන්
ලෙජන්ඩ් ඔෆ් ලූ චෙන් හෙවත් ෆීමේල් ප්‍රයිම් මිනිස්ටර් (චීන: 陆贞传奇) යනුවෙන් හැඳින්වෙන්නේ 2013දී විකාශය වූ චීන ඓතිහාසික ප්‍රේම වෘත්තාන්ත රූපවාහිනී කතාමාලාවකි. මෙය අධ්‍යක්ෂණය කරන ලද්දේ ලි හුයිචු, චෙං වෙයි’එන් සහ ලියෑං ගුවෝගුවාන් විසිනි. මෙය නිෂ්පාදනය කරන ලද්දේ යු චෙං සහ මු ෂියාඕහුයි යන පුද්ගලයින් විසිනි. චාඕ ලියිං සහ චෙන් ෂියාඕ යන නළු නිළියන් විසින් මෙහි ප්‍රධාන චරිත නිරූපණය කරනු ලබයි.[1][2][3] 2013 මැයි 5වන දින මෙම කතාමාලාව පළමුවරට චීනය තුළ විකාශය වීම ඇරඹිණි. මීට අමතරව දකුණු කොරියාව සහ ජපානය වැනි ආසියානු රටවල ද මෙම රූපවාහිනී කතාමාලාව විකාශය කොට ඇත.
| ලෙජන්ඩ් ඔෆ් ලූ චෙන් | |
|---|---|
 | |
| මෙලෙසද හැඳින්වේ | Female Prime Minister |
| ප්‍රභේදය | ඓතිහාසික ප්‍රබන්ධ ප්‍රේම කථා |
| මත පදනම්ව | Female Prime Minister |
| රචනය කලේ | චෑං වෙයි |
| අධ්‍යක්ෂණය කලේ | ලි හුයිචු චෙං වෙයි’එන් ලියෑං ගුවෝගුවාන් |
| රඟපෑම | චාඕ ලියිං චෙන් ෂියාඕ කිමි කවියාඕ යැං රොං ටෑං යිෂින් මැගී ච්‍යුං |
| ඇරඹුම් තේමාව | "Cherish" - ලි යුචුන් විසිනි. |
| අවසන් තේමාව | "Mood" - සැනිලියා චාඕ සහ චෙන් ෂියාඕ විසිනි. |
| සම්භව රට | චීනය |
| භාෂාව(න්) | මැන්ඩරින් |
| කථාංග ගණන | 59 |
| නිෂ්පාදනය | |
| විධායකනිෂ්පාදක(යෝ) | යු චෙං මු ෂියාඕහුයි |
| ස්ථානය(න්) | හෙංඩියෑන් වර්ල්ඩ් ස්ටූඩියෝස් |
| නිෂ්පාදන සමාගම | පර්ෆෙක්ට් වර්ල්ඩ් හුනාන් විකාශන පද්ධතිය යු චෙං කලාගාරය |
| ප්‍රචාරණය | |
| මුල් නාලිකාව | හුනාන් ටෙලිවිෂන් |
| පළමුව ප්‍රදර්ශනය කෙරුණේ | චීනය |
| මුල් ධාවනය | මැයි 5, 2013 – මැයි 29, 2013 |
| ලෙජන්ඩ් ඔෆ් ලූ චෙන් | |||||||
| සම්ප්‍රදායික චීන | 陸貞傳奇 | ||||||
|---|---|---|---|---|---|---|---|
| සරලීකෘත චීන අක්ෂර | 陆贞传奇 | ||||||
| |||||||
කථාපුවත
සංස්කරණයමෙම කතාමාලාව මගින් නිරූපණය වන්නේ පරිවාර කාන්තාවක ලෙස සිය දිවි ගමන අරඹා උතුරු ක්වි රාජවංශ සමයේ අග්‍රාමාත්‍යවරිය බවට පත්වන ලූ චෙන් (චාඕ ලියිං) නැමැත්තියගේ කථා පුවතයි.
ලූ චෙන් යනු ලූ පවුලේ වැඩිමහල් දියණියයි. ඇය සාර්ථකව පවුලේ පෝසිලේන් වයාපාරය මෙහෙයවූ අතර, ඇගේ පියා ඇය කෙරෙහි දැඩි ප්‍රීතියෙන් පසු වෙයි. නමුත් මෙය ඇගේ සුළු මවගේ ඊර්ෂ්‍යාවට හේතු වේ. නුදුරේ දී ම එළඹෙන ලූ චෙන්ගේ විවාහය වෙනුවෙන් ඇයට පවුලේ වත්කම්වලින් සෑහෙන ප්‍රමාණයක් හිමිවේ යැයි බියවන ඇගේ සුළු මව ඇගේ පියාට වස දී මරණයට පත් කරන අතර, මෙම මිනී මැරුමට ලූ චෙන්ව හසු කරන්නට උත්සාහ දරයි. ලූ චෙන්ගේ නිදොස් බව සනාථ වූ විට, ඇගේ සුළු මව ඇයව උප භාර්යාවක ලෙස විවාහ කරදීමට උත්සාහ දරයි. එවිට ඇගේ සුළු මවට පවුලේ ධනය උරුම කරගත හැකි වීම එයට හේතුවයි. ලූ චෙන් පලායන අතර, ගඕ චෑන් (චෙන් ෂියාඕ) කුමරුන් විසින් ඇයව බේරා ගනු ලැබෙයි. කුමරු ඇයට පෙම් කතරන්නට පෙළඹේ. ගඕ චෑන් කුමරු ද මුහුණපා සිටියේ ඇය මුහුණපෑ පවුල් ගැටලුවටම ය. ඔහුගේ පියා මියගිය පසු, ලෞ අධිරාජිනිය විසින් සිහසුනට ඔහුට තිබූ අයිතිය පැහැරගෙන ඇගේ පුත්‍රයා වූ (සහ ගඕ චෑන්ගේ අර්ධ සොයුරා වන) යැන් කුමරු (කිමි ක්වියාඕ) අධිරාජයා ලෙස පත් කරන්නට උත්සාහ දරයි. ගඔ චෑන්ගේ සම්බන්ධතාවය ඔස්සේ, ලූ චෙන් මාලිගයට ඇතුළත්ව සේවිකාවක ලෙස කටයුතු කරන්නී ය. ඇයට අවශ්‍ය වන්නේ සයවන ශ්‍රේණියේ නිලධාරිණියක බවට පත්ව, ඇගේ පියාගේ මරණය සම්බන්ධයෙන් යළි විමර්ශනයක් දියත් කිරීමට ඉහළ අධිකරණයට අභියාචනා කිරීමටයි. සිහසුනේ අයිතිය වෙනුවෙන් චෑන් කුමරු සහ ලෞ අධිරාජිනිය නිරන්තර අරගලයක නිරත වන අතර, ලූ චෙන් අධිරාජයාගේ සහාය හිමි කරගැනීමට සමත් වේ. ඇය සිය කැපවීම, බුද්ධිය සහ වාසනාව උපකාර කර ගනිමින් ශ්‍රේණියෙන් උසස් වීම් හිමි කරගැනීමට සමත් වන්නී ය. අනතුරුව ගඕ චෑන් කුමරුන්ට සිහසුනේ නියම හිමිකාරීත්වය ලබා ගැනීමට ඇය උපකාර වෙයි. නමුත් නොයෙකුත් සිදුවීම් හේතුවෙන් ඇයට කුමරුන්ගේ අධිරාජිනිය වීමට අවස්ථාව හිමි නොවේ. අනතුරුව චෑන් අධිරාජයා විසින් ඇයට මාලිගයේ උසස්ම තනතුර වන අග්‍රාමාත්‍ය ධුරය පිරි නමනු ලබයි. මේ නිසා ඇයට ඇගේ දක්ෂතාව උපරිමයෙන් මෙහෙයවා රාජ්‍යය පාලනයට දායක වීමට හැකියාව ලැබේ.
චරිත නිරූපණය
සංස්කරණය- චාඕ ලියිං, ලූ චෙන් ලෙස
- චෙන් ෂියාඕ, ගඕ චෑන් ලෙස
- කිමි ක්වියාඕ, ගඕ යුන් ලෙස
- යැං රොං, ෂියාඕ හුවාන් යුන් (ෂියාඕ ගුවාන් යින්) ලෙස
- යුවාන් ෂුඒ අර්, ළමා ෂියාඕ හුවාන් යුන් ලෙස
- ටෑං යිෂින්, ෂෙන් බි ලෙස
- මැගී ච්‍යුං හෝ-යී, ලෞ ක්විං ක්වියෑං ලෙස
- එමා වූ, හේ දන් නියෑං ලෙස
- ලියෑන් ලියු, ලෞ චාඕ ජුන් ලෙස
- බායි ෂාන්, යු ජියු ලු ලෙස
- වං ලින්, චාඕ මැතිණිය ලෙස
- යුඒ යාඕ, ලූ ජියා ලෙස
- ලි ජි චුන්, ෂෙන් ජියා යැන් ලෙස
- ෂි ෂුඒ, ෂෙන් ජියා මින් ලෙස
- ජියෑං හොං, වැං ෂුවාන් ලෙස
- තාඕ ෂුවායි, යුවාන් ෆු ලෙස
- චෑං හාඕ රන්, යුවාන් ලු ලෙස
- ලි වෙන් වෙන්, ලා මෙයි ලෙස
- ලි යි ෂියාඕ, ගඕ ෂියෑං ලෙස
- ජින් ක්වියාක්වියාඕ, දු සි යි ලෙස
- මදිනා මෙමෙත්, දු මෙයි අර් ලෙස
- ලියු ජියා යුවාන්, ලිං ලොං ලෙස
- ල්‍යූ ජියා රොං, යුඒහි ආර්යාව ලෙස
- ඩෙං ෂා, යු යැංහි කුමරිය ලෙස
- ගඕ යුන් ෂියෑං, ෂු ෂියෑන් ෂියු ලෙස
- හන් දොං, ලි චෙං ලෙස
නිෂ්පාදනය
සංස්කරණයමෙම රූපවාහිනී කතාමාලාව දර්ශන රූගත කරන ලද්දේ චේජියෑංහි හෙංඩියෑන් වර්ල්ඩ් ස්ටූඩියෝස් චිත්‍රාගාරයේ ය.[4][5]
විචාරක ප්‍රතිචාර
සංස්කරණයමෙම රූපවාහිනී කතාමාලාව විචාරකයන් වෙතින් මිශ්‍ර ප්‍රතිචාර හිමි කරගැනීමට සමත් විය. නමුත් එය එහි මව් රට තුළම ඉහළ ප්‍රතිචාර හිමි කරගැනීමට සමත් වීම විශේෂත්වයකි.
මෙම කතාමාලාවේ විකාශන අයිතීන් ජපානය, මැලේසියාව සහ දකුණු කොරියාව වෙත ද අලෙවි කෙරිණි. මින් දකුණු කොරියාව තුළ මෙම රූපවාහිනී කතාමාලාවට හිමිවූයේ ඉහළ ප්‍රෙක්ෂක ප්‍රතිචාරයකි.[6][7][8]
සම්මාන
සංස්කරණය| වර්ෂය | සම්මානය | ප්‍රවර්ගය | ජයග්‍රාහකයා | ප්‍රතිඵලය |
|---|---|---|---|---|
| 2013 | 4වන රූපවාහිනී නාට්‍ය සම්මාන | ඉහළම රූපවාහිනී නාට්‍ය 10 | දිනාගති | |
| වඩාත් ජනප්‍රිය නවක නිළිය | චාඕ ලියිං | දිනාගති | ||
| වඩාත් බලවත් යොවුන් නළුවා | චෙන් ෂියාඕ | දිනාගති | ||
| 2වන ඒෂියා රේන්බෝ රූපවාහිනී සම්මාන | ඉහළම විභවයක් සහිත නළුවා | චෙන් ෂියාඕ | දිනාගති | |
| 4වන LeTV සම්මාන | වඩාත් ජනප්‍රිය නිළිය | චාඕ ලියිං | දිනාගති | |
| ටුඩෞ යොවුන් තේරීම් සම්මාන | වඩාත් ජනප්‍රිය නිළිය (මහා භූමිය) | චාඕ ලියිං | දිනාගති | |
| වඩාත් ජනප්‍රිය නළුවා (මහා භූමිය) | චෙන් ෂියාඕ | දිනාගති |
ආශ්‍රේයයන්
සංස්කරණය- ^ "Legend of Lu Zhen". 2013.
- ^ "The legend of Lu Zhen / Female Prime Minister". 2013.
- ^ "Legend of Lu Zhen". 2013.
- ^ 陆贞传奇大结局：高湛陈晓背叛爱情 陆贞伤心 (චීන බසින්). 163.com. 2013.
- ^ 陆贞传奇赵丽颖接受专访:更喜欢现实中的陈晓 (චීන බසින්). 2013.
- ^ 《陆贞传奇》成日韩收视黑马 于正剧风靡亚洲 (චීන බසින්). Xinhuanet. 2014.
- ^ 《陆贞传奇》横扫韩国荧屏 陈晓新戏即将开拍 (චීන බසින්). Tencent. 2014.
- ^ 《陆贞传奇》亚洲升温 陈晓引韩国女粉丝告白 (චීන බසින්). 163.com. 2014.