දිරිය දියණිය (රූපවාහිනී කතාමාලාව)
ද ග්‍රේට් මර්චන්ට් (කොරියානු: 거상 김만덕; හන්ජා: 巨商金萬德; ප්‍රරෝ: ගෝසං ගිම් මන්දොක්; සාහිත්‍යමය කිම් මන්-දොක් වෙළෙන්දිය) යනු 2010 වර්ෂයේ විකාශය වූ දකුණු කොරියානු ඓතිහාසික නාට්‍යයකි. මෙහි ප්‍රධාන රංගනය ලී මි-යොන්,[1] හන් ජේ-සුක්, පාක් සෝල්-මි,[2] හා සොක්-ජින් සහ ගෝ දෝ-ෂිම් විසිනි. මෙය කොරියාවේ KBS1 නාළිකාව ඔස්සේ 2010 මාර්තු 6 සිට ජූනි 13 දින දක්වා සෑම සෙනසුරාදා සහ ඉරිදා දිනකම එරට වේලාවෙන් 20:40ට කථාංග 30කින් විකාශය විය.
| ද ග්‍රේට් මර්චන්ට් | |
|---|---|
| ගොනුව:Great Merchant-poster.jpg “දිරිය දියණිය” ප්‍රවර්ධන පෝස්ටරයක් | |
| මෙලෙසද හැඳින්වේ | Merchant Kim Man-deok (කිම් මන්-දොක් වෙළෙන්දිය) |
| ප්‍රභේදය | කාලාන්තර නාට්‍ය ප්‍රේම වෘත්තාන්ත |
| රචනය කලේ | කිම් ජින්-සුක් කං දා-යොං |
| අධ්‍යක්ෂණය කලේ | කං බ්යුං-තේක් කිම් සුං-යූන් |
| රඟපෑම | ලී මි-යොන් හන් ජේ-සුක් පාක් සෝල්-මි හා සොක්-ජින් ගෝ දෝ-ෂිම් |
| සම්භව රට | දකුණු කොරියාව |
| භාෂාව(න්) | කොරියානු |
| කථාංග ගණන | 30 |
| නිෂ්පාදනය | |
| නිෂ්පාදක(යෝ) | පාක් කි-හෝ යූ ගුන්-ෂික් |
| ස්ථානය(න්) | කොරියාව |
| කැමරා සැලැස්ම | බහු-කැමරා |
| ධාවන කාලය | සෙනසුරාදා සහ ඉරිදා 20:40ට (KST) |
| ප්‍රචාරණය | |
| මුල් නාලිකාව | KBS1 |
| මුල් ධාවනය | 6 මාර්තු 2010 – 13 ජුනි 2010 |
| කාලානුක්‍රමය | |
| පූර්වගමනය වනුයේ | The Reputable Family |
| අනුගමනය වනුයේ | Legend of the Patriots |
| බාහිර සබැඳි | |
| වෙබ් අඩවිය | |
මෙම කථාමාලාවෙන් නිරූපණය වන්නේ කිම් මන්-දොක් (ක්‍රි.ව. 1739- 1812) නැමැත්තියගේ ජීවිතයයි. ඇය ඉපදුණේ ජේජු දූපතේදී ය. ඇයව හදා වඩා ගන්නා ලද්දේ ගිසෙං නිවාසයක පාලිකාව විසිනි. වයස අවුරුදු 12දී ඇය රාජ්‍යයේ ගිසෙංවරියක් - විශේෂයෙන් රාජ්‍ය නිලධාරීන් සදහා වූ සම්පුදායික කොරියානු විනෝදය ගෙනදෙන්නියක්) බවට පත් වූවා ය. වෙළදා‍මට සහ වාණිජ්‍යයට නැඹුරු වීමෙන් අනතුරුව ඇය දූපතේ සිටි සාර්ථක ම වෙළෙන්දියන් අතරින් අයෙක් බවට පත්වූවා ය.
1795දී (ජොංජෝ රජුගේ19වන වර්ෂයෙහි) ජේජු දූපත මාරක සාගතයකින් වෙළාගත් විට කිම් ඇයගේ සියලු වත්කම් විකුණා දමා ඉන් සියයට 90ක් පමණම (නූතන වටිනාකමින් ₩/වොන් බිලියන 70 පමණ) අසරණ මිනිසුන්ගේ ජීවිත රැක ගැනීමට යෙදවූවා ය. පසුව විද්වතුන් හා දාර්ශනිකයන් විසින් කිම්ගේ ක්‍රියාව අගය කරන ලදී. කිම්ගේ මේ වීරාන්විත ක්‍රියාව පිළිබද 1796දී රචිත ජොංජෝ සිලොක් (ජොංජෝ රජුගේ විත්ති) නම් වාර්තාවේ සදහන් ය. මන්දොක්ගේ කථාව (මන්දොක්-ජොන්) නම් ජනකථාවක්ද මේවන විට පවතී.[3][4] 1978දී කිම් මන්-දොක් සදහා ස්මාරකයක් ජේජු දූපතේ ඉදි විය. වාර්ෂිකව පරාර්ථකාමී කාන්තාවන් දෙදෙනෙක් වෙනුවෙන් ජේජු දූපත විසින් “මන්-දොක් සම්මාන” නම් සම්මානයක් පිරිනමනු ලබයි.[5]
1978දී කිම් මන්-දොක් සදහා ස්මාරකයක් ජේජු දූපතේ ඉදි විය. වාර්ෂිකව පරාර්ථකාමී කාන්තාවන් දෙදෙනෙක් වෙනුවෙන් ජේජු දූපත විසින් “මන්-දොක් සම්මාන” නම් සම්මානයක් පිරිනමනු ලබයි.[6]
කථා සාරාංශය
සංස්කරණයකිම් මන්-දොක් උපත ලැබූයේ රදළ පරපුරකට අයත්වයි. ඇගේ මව ජේජු දූපතේ හේන්යෝවරියක් වූවා ය. ඇයගේ පියා වූයේ රාජ්‍යයේ ඉහළ නිලයක් දැරූ නිලධරයෙකි. ඇයගේ පියාට මව මුණගැසී තිබුණේ ඔහු ජේජු දූපතට පිටුවහල් කර තිබූ සමයේ ය. කෙසේ නමුත් කිම්ගේ සත්‍ය මව වූ යි ඉයුන්-හොං කිම්ගේ පියා වූ කිම් යුං-රියුල් පිළිබද තම ගර්භනීභාවය පිළිබද හෙළි නොකරන්නේ, ඒ වෙනුවෙන් කිම්ගේ පියාට හා ඔහුගේ පරම්පරාවට දඩුවම් විදීමට සිදුවන නිසා ය. (පිටුවහල් කළ කාලයේ නුසුදුසු ක්‍රියාවක හැසිරීම නිසා) උපතේදී කිම්ට දෙනු ලබන නම වන්නේ යී හොං යන නමයි. ඇගේ මව ඇගේ උපතත් සමග මිය යන අතර ඇගේ පියාව හදුනා ගැනීමට උපකාරී වන බටනළාවක් ඇය තබා යන්නී ය.
කිම්ව හදාගනු ලබන්නේ කිම් මැතිණිය නම් වූ පෙර රජමාලිගයේ සේවය කළ පාලිකාවකි. කිම් ඇයව හැදින්වූයේ “හල්-මේ” (මිත්තණිය) යන නාමයෙනි. හල්-මේ අනාථ දරුවන් සදහා හන්යං නගරයෙහි මධ්‍යස්ථානයක් ඇරඹුවා ය. ඇය එහිදී දරුවන් හට වෙළදාම පිළිබද ඉගැන්වූවා ය. මේ කාලයේදී එම මධ්‍යස්ථානයේ දී කිම්හට ඉහළ බලයක් හිමි දේශපාලඥයකු වූ ජුං දෝ-වූංගේ පුතා වූ ජුං හොං සූව හමු වේ. නමුත් අවාසනාවකට මෙන් ආත්තම්මාට, දොං ආ සහ කිම් (ඇයට දැන් වයස අවුරුදු 12කි)හට ඔවුන්ගේ ජීවිත රැක ගැනීමට හැන්යැං නගරය අතහැර ජේජු දූපතට යාමට සිදු වේ. එවිට ඔවුනට වෙන් වීමට සිදු වන අතර නැවත ජේජු දූපතේදී හමු වීමට ගිවිස ගනිති. කිම් පළමුවෙන්ම ජේජු දූපතට ගොඩබට අතර දොං ආ හට ඇයව හමු වේ. නමුත් කුඩා කං යූ-ජි සමග (පසුව බටහිර දොරටු තැරැව් නායකයා වූ) රණ්ඩුවක පැටලීම නිසා ඔවුනට සිරගත වීමට සිදු වේ. දොං ආව දරුණු වධහිංසාවලින් මුදා ගැනීම සදහා කිම් ජේජු දූපතේ ගිසෙං නිවාස පාලිකාවගේ හදාගත් දියණිය වීමට තීරණය කරයි. කිම්ව අතහැර යාමට අකමැති වූ දොං ආ ඇගේ අතවැසියා මෙන්ම ආරක්ෂකයා ලෙසද කටයුතු කරයි.
අවුරුදු හතකට පසු හල්-මේ අවසානයේ ජේජු දූපතට පැමිණ කිම්ව සහ දොං ආව සොයා ගනියි. හල්-මේ කිම්ව ගිසෙං (නාට්‍යාංගනා) ගෘහයෙන් නිදහස් කර ගැනීමට උත්සාහ දරන විට පෙනී ගියේ ගිසෙං නිවසේ පාලිකාව සහ සහකාර විනිසුරුවරයා එක්ව යි ඉයුන් හොං හෙවත් කිම්ගේ මවව මරා දැමූ බවයි. ඔවුන් අපරාධ ජනතාවට හෙළි වීම වැළැක්වීම සදහා ඔවුන් හල් මේව සහ කිම්ව අල්ලා ගනිති. මෙහිදී හල් මේ සිරභාරයට ගැනුණු අතර කිම්ව බෝවන රෝගයෙන් පීඩා විදි රෝගීන් සිටි කදවුරකට මාරු කර යැවිණි. කිම් කදවුරේ සිටි රෝගවලින් පීඩා විදිජනතාව උදෙසා කැප වී ක්‍රියා කරයි. මේ කාලයේදී කිම්ගේ පියා දූපතට පැමිණෙන අතර තම දියණියගේ උපත ගැන දැන ගනී. නමුත් ඔහුට ඇයව තම දියණිය ලෙස ජනතාව ඉදිරියේ හදුන්වා දීමට නොහැකි නිසා ඇගේ උපත ලියාපදිංචිය පිළිබද ලිඛිත සාධක කිම්හට දෙන ඔහු ඇගේ නම “කිම් මන්-දොක්” ලෙස වෙනස් කරයි.
පසුව කිම් මන්-දොක් නැගෙනහිර දොරටු තැරැව්කාර සමාගම නැවත අරඹයි. ඇය ජේජු දූපත හරහා කොරියාවට භාණ්ඩ අපනයනයනය හා ආනයනය කිරීමට අවතීර්ණ වේ. කිම්ගේ කුඩාකල මිතුරකු වූ ඕ මූන්-සොන් බටහිර දොරටු වෙළද තැරැව්කරුවකු ලෙස ඇය සමග කරට කර සිටියි. ඕ මැතිණිය ගේ විරෝධය හා ඊර්ෂ්‍යත්වය හමුවේ කිම් මන්-දොක් තම වෙළද ඥානය මෙහෙයවා සාර්ථකත්වයට පත් වේ.
ගිසෙංවරියක් ලෙස තම පහත් තත්ත්වය ඉක්මවා යමින් තම උපන්බිමට තිබූ බාධකය (එකල ජේජු දූපත වහලුන්ව පිටුවහල් කළ දූපතක් ලෙස සැළකිනි) බිදහෙළා ඇය ජේජු දූපතේ ධනවත්ම වෙළෙන්දිය බවට පත් වූ අතර එකල ජෝසුන් රාජවංශ සමයේ කොරියාවේ සාර්ථකම වෙළෙන්දිය බවට පත් වූවා ය. 1795දී දැඩි සාගතයක් ජේජු දූපත වෙළාගත් අතර එකල එහි ජනගහනයෙන් තුනෙන් එකක්ම ජීවිතක්ෂයට පත් විය. මන්-දොක් තම සියලු වත්කම් විකුණා දමා සාගතයෙන් පෙළුණු ජනතාවට ආහාර ගෙන දුන්නා ය. 1796දී කිම් හන්යං (නූතන සෝල් නුවර) නගරයට ගොස් ජොංජෝ රජු හමු වෙයි. එහිදී රජු ඇය හට “රාජකීය ඖෂධ හළේ වෛද්‍යවරිය” යනුවෙන් නිලනාමයක් හා තනතුරක් ලබා දුන්නේ ඇගේ ත්‍යාගශීලීත්වය වෙනුවෙනි.
චරිත නිරූපණය
සංස්කරණය- ලී මි-යොන්, කිම් මන්-දොක්/යී හොං ලෙස
- ෂිම් ඉයුන්-ක්යුං, හොං ලෙස (තරුණ යී හොං)
- ඇය රදළ කිම් යුං-රියුල් සහ යී ඉයුන්-හොං නැමැති සාමාන්‍ය කාන්තාවගේ දියණියයි.
- හන් ජේ-සුක්, ජුං හොං-සූ ලෙස
- දෝ ජි-හන්, ළදරු හොං-සූ ලෙස
- දඩුවම් පැමිණවීමේ සහකාර මණ්ඩලයේ ප්‍රධානි සහ වෙළද පාලක මණ්ඩලයේ පැරණි නායකයා වූ රදළ ජුං දෝ-වූංගේ පුතණුවන් ය.
- පාක් සෝල්-මි, ඕ මූන්-සොන්/ ඕ මැතිනිය ලෙස
- ජූ දා-යොං, මක්-සූන් (තරුණ මූන්-සොන්) ලෙස,
- කං යූ-ජිගේ සුළු මවයි. ඇය බටහිර දොරටු වෙළද තැරැව්කරුවන්ගේ අයිතිකාරියයි.
- හා සොක්-ජින්, කං යූ-ජි ලෙස
- ඕ මුන්-සොන්ගේ සුළු පුත්‍රයායි.
- ගෝ දෝ-ෂිම්, හල්-මේ ලෙස, "මිත්තණිය"
- මාලිගාවේ පැරණි පාලිකාවක් වූ කිම් ය.
- කිම් චුල්-කි, දොං-ආ ලෙස
- ලී මී-ජී, දොක්-පල්ගේ මව ලෙස
- ලී බ්යුං-වූක්, කිම් පන්-සූල් ලෙස
- නැගෙනහිර දොරටුවේ කනිෂ්ඨ පාලකයායි.
- කිම් කප්-සූ, කං ක්යේ-මන් ලෙස
- කිම් මියුං-කූක්, චෝයි නම්-ගූ ලෙස
- සහකාර විනිසුරු
- කිම් ක්යූ-චුල්, ඕ ගබඩාකරු ලෙස
- ලී දල්-හ්යුං, කිම් දොං-ජූ ලෙස
- කිම් සුන්-ක්යුං, ම්යෝ-හ්යෑං ලෙස
- ෂිම් ඉයුන්-ජින්, යෝ-හ්වා ලෙස
- ගිසෙංවරියකි
- ජෝ යං-ජා, චොක්-සේගේ මව ලෙස
- ගිසෙං නිවසේ කෝකිවරියයි.
- පාක් සූන්-චුන්, යොං චොන්-දේක් ලෙස
- චෝයි ජේ-සුං, චංශාධිපති කිම් ඉයුං-රියුල් ලෙස
- කිම් මන්-දොක්ගේ පියායි. වෙළද පාලක මණ්ඩලයේ පරීක්ෂකයෙකි..
- කිම් බ්යුං-ගි, චංශාධිපති ජුං දෝ-වූං ලෙස
- ජුං හොං-සූගේ පියා ය. දඩුවම් පැමිණවීමේ මණ්ඩලයේ ප්‍රධානියා ය..
- චූ සෝ-යොං , ඉයුන්-හොං ලෙස
- ලී දොක්-හී, ජුං හොං-සූගේ මව
- සොං යොං-තේ, ගෝ සුක්-ජූ ලෙස
- නැගෙනහිර දොරටු වෙළද තැරැව්කරුවන්ගේ ජ්‍යේෂ්ඨ පාලකතුමා ය.
- ජුන් යේ-සියෝ, බෙක් ජෝ-ර්යේ ලෙස
- ජෝ ජේ-වැන්, දොක්-පල් ලෙස
- ඕ යොන්-සියෝ, ලී ඉයුන් ලෙස
- ජුං සූ-යොං, කිම් සියෝ-ජූ ලෙස
- ජෝ බ්යුං-ගි, ලී බං ලෙස
- ජුං ජොං-ජූන්, මූ මේං-දල් ලෙස
- ජුං ජූ-හී, හොල්ජුගි ලෙස
- කං මින්-සුක්, චිල්-බොක් ලෙස
- මේං හෝ-රිම්, චේ අමාත්‍යවරයා ලෙස
- යූ යොන්-මි, කොත්-නිම් ලෙස
- කිම් සුං-හූන්, වල්-පේ ලෙස
- ඉම් හියුක්
- ලී ජූයොන්
අන්තර්ජාතික විකාශය
සංස්කරණය- ශ්‍රී ලංකාවේ මෙම නාට්‍යය “දිරිය දියණිය” යන තේමාව යටතේ 2013 ඔක්තෝබර් මස සිට ශ්‍රී ලංකා රූපවාහිනී සංස්ථාව මගින් ජාතික රූපවාහිනී නාළිකාව ඔස්සේ විකාශය ඇරඹූයේ “අභීත දියණිය” ටෙලිනාට්‍යයේ සමාප්තියෙන් පසුව ය.
සටහන්
සංස්කරණය- මෙය 2010දී KBS නාළිකාව විසින් ඇරඹූ noblesse oblige යන වැඩසටහන් මාලාවේ දෙවැන්නයි. මෙහි පළමු වැඩසටහන The Reputable Family වූ අතර තෙවන සහ අවසාන කථාව Freedom Fighter නම් විය.[6]
- බටහිර දොරටුවේ මුතුබෙලි කිමිදුම්කරුවන්ගේ නායකයා ගෝගා දොංසුක් නම් විය.[තහවුරු කර නොමැත]
මූලාශ්‍ර
සංස්කරණය- ^ "Lee Mi-yeon Ventures into Uncharted Waters". The Chosun Ilbo. 20 March 2010. සම්ප්‍රවේශය 2013-03-30.
- ^ Lee, Woo-young (17 June 2011). "Han Jae-seok, Park Sol-mi in a romantic relationship". The Korea Herald. සම්ප්‍රවේශය 2013-03-29.[permanent dead link]
- ^ Han, Sang-hee (2 March 2010). "Two Heroes to Captivate Drama Fans". The Korea Times. සම්ප්‍රවේශය 2013-03-30.
- ^ Oh, Jean (9 March 2010). "Will family fare still dominate weekend ratings?". The Korea Herald. සම්ප්‍රවේශය 2013-03-30.
- ^ Erwin, Nicole (28 October 2009). "Kim Man-deok: A symbol of generosity". The Jeju Weekly. සම්ප්‍රවේශය 2013-03-30.
- ^ a b Han, Sang-hee (29 December 2009). "TV Dramas to Look Forward to in 2010". 7The Korea Times. සම්ප්‍රවේශය 2013-03-30.
බාහිර සබැදුම්
සංස්කරණය- ද ග්‍රේට් මර්චන්ට් KBSනිලවෙබ්අඩවිය (කොරියානු)
- ද ග්‍රේට් මර්චන්ට් at HanCinema