ගල්මඩුව රජ මහා විහාරය, අම්පාර
ගල්මඩුව රජ මහා විහාරය යනු ශ්‍රී ලංකාවේ නැගෙනහිර පළාතේ ගල්මඩුව පිහිටි පුරාණ බෞද්ධ විහාරස්ථානයක් වේ. එය හිඟුරාණ – අම්පාර මාර්ගයෙහි හිඟුරාණ නගරයේ සිට කිලෝමීටර 6ක් පමණ දුරින් පිහිටයි. විහාරය සද්ධාතිස්ස රජ (ක්‍රි.පූ.137-119) සමයේ ඉදිකරවන ලද්දක් බැව් විශ්වාස කෙරේ. ශ්‍රී ලංකාවේ පුරාවිද්‍යා ආරක්‍ෂිත ස්මාරකයක් ලෙස වර්තමානයේදී විහාරය, රජය විසින් නම් කොට තිබෙන අතර නාමකරණය 2014 වර්ෂයේ ඔක්තෝම්බර් 10වන දිනදී රජයේ ගැසට් අංක 1895 යටතේ සිදුකොට තිබේ.[1]
| ගල්මඩුව රජ මහා විහාරය | |
|---|---|
 විහාරීය දාගැබ සහ නටඹුන් ගල් කණු | |
| මූලික තොරතුරු | |
| පිහිටීම | ගල්මඩුව, හිඟුරාණ |
| භූගෝලීය ඛණ්ඩාංක | 07°15′44.9″N 81°41′20.5″E / 7.262472°N 81.689028°Eඛණ්ඩාංක: 07°15′44.9″N 81°41′20.5″E / 7.262472°N 81.689028°E |
| අනුබැඳියාව | බුද්ධාගම |
| දිස්ත්‍රික්කය | අම්පාර |
| පළාත | නැගෙනහිර පළාත |
| රට | ශ්‍රී ලංකාව |
| උරුම නාමකරණය | ආරක්‍ෂිත පුරාවිද්‍යා ස්මාරකය (26 දෙසැම්බර් 2014) |
| ගෘහනිර්මාණ විස්තර | |
| ගෘහනිර්මාණ ප්‍රභේදය | බෞද්ධ සිද්ධස්ථානය |
විහාරය
සංස්කරණයඅම්පාර කලාපය අවට ක්‍රියාවට නැංවූ, ගල්ඔය සංවර්ධන වැඩසටහනේ ආරම්භයත් සමග නටඹුන්ව ගිය ගල්මාඩුව පිහිටි විහාරය සොයා ගන්නා ලදී. පසුව නූතන විහාරස්ථානයක් ලෙස එම භූමියෙහි නැවතත් බෞද්ධ සිද්ධස්ථානයක් ස්ථාපනය කිරීමට පියවර ගැනුණු අතර මේ හේතුවෙන් වර්තමාන විහාරයෙහි දැකගත හැකි බොහොමයක් ගොඩනැගිලි මෑතකාලයට අයත් ඒවා වේ. නමුදු ගල් කණු, සදකඩපහණ කොටස්, කොරවක් ගල්, ඡත්‍ර ගල් හා පාදම් ආදී ඉපැරණි ඉදිකිරීම් තවමත් විහාර භූමි පරිශ්‍රයෙහි දැකගත හැකිවේ පුරාණ විහාරයට අයත් දාගැබ වර්තමානය වන විට සම්පූර්ණයෙන්ම පාහේ ගරාවැටී තිබේ[2]
මූලාශ්‍ර
සංස්කරණය- ^ ගැසට් 1895 26 දෙසැම්බර් 2014, පිටු අංකය: 1148.
- ^ "හිඟුරාන ගල්මඩුව රජමහා විහාරය පුරාවිද්‍යා භූමිය". අමේසිංලංකා. සම්ප්‍රවේශය 31 අගෝස්තු 2017.
බාහිර සබැඳි
සංස්කරණය- "PART I : SECTION (I) — GENERAL Government Notifications" (PDF). ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගැසට් පත්‍රය. 1895. 26 දෙසැම්බර් 2014.[permanent dead link]