ඇනස්ලි ඩයස්
මුතුකුඩු ආරච්චිගේ පේද්‍රිස් ඩයස් (උපත 1927 ජනවාරි 31 - විපත 2009 ජුනි 12), හෙවත් ඇනස්ලි ඩයස්, ශ්‍රී ලංකා සිනමාවේ, වේදිකාවේ සහ රූපවාහිනියේ නළුවෙකි.[1] ඔහු වඩාත් ප්‍රසිද්ධියට පත්ව ඇත්තේ "විනෝද සමය" රූපවාහිනී කතාමාලාවේ "හාමු මහත්තයා" චරිතයටය.[2]
ඇනස්ලි ඩයස් Annesley Dias | |
|---|---|
| උපත | මුතුකුඩු ආරච්චිගේ පේද්‍රිස් ඩයස් ජනවාරි 31, 1927 |
| මියගිය දිනය | June 12, 2009 (වයස 82) කැලණිය, ශ්‍රී ලංකාව |
| ජාතිකත්වය | ශ්‍රී ලාංකික |
| අධ්‍යාපනය | ශාන්ත ෆ්‍රැන්සිස් විද්‍යාලය කොළඹ සාන්ත ජෝසප් විද්‍යාලය |
| රැකියාව | නළුවෙක්, විකට නළුවෙක්, ගුරුවරයෙක්, පරිවර්තකයෙක් |
| සක්‍රීය වසර | 1946–2000 |
| කලත්‍රයා(යන්) | නොලීන් ඩයස් (m. 1957) |
| දරුවන් | 6 |
| දෙමව්පියන්() |
|
පෞද්ගලික ජීවිතය සංස්කරණය
ඩයස් 1927 ජනවාරි 31 වන දින පවුලේ බාලයා ලෙස උපත ලැබීය. ඔහු සිය ප්‍රාථමික අධ්‍යාපනය ලැබුවේ ශාන්ත ෆ්‍රැන්සිස් විද්‍යාලය, දළුගම සහ ශාන්ත පෝල් වරාගොඩ විද්‍යාලය වලිනි. ඔහු ඉංග්‍රීසි මාධ්‍යයෙන් කොළඹ ශාන්ත ජෝශප් විද්‍යාලයෙන් ද්විතීයික අධ්‍යාපනය සම්පූර්ණ කළේය. ඉන්පසු ඔහු කැලණිය විද්‍යාලංකාර පිරිවෙනෙන් පාලි සහ සංස්කෘත ඉගෙන ගත්තේය.
ඔහු කැලණිය ගුරුකුල විද්‍යාලයේ ඉංග්‍රීසි ගුරුවරයෙකු ලෙස සිය වෘත්තීය ජීවිතය ආරම්භ කළේය. ඊට පස්සේ මොරටුව නගර සභාවේ ලිපිකරුවෙක් විදියට වැඩ කළා. 1984 දී ඔහු කොළඹ මහ නගර සංවර්ධන අධිකාරියේ මහජන සම්බන්ධතා නිලධාරියා ලෙස සේවය කළේය. පසුව ඔහු කොළඹ මහ නගර සභාවේ I ශ්‍රේණියේ භාෂා පරිවර්තකයෙකු ලෙස රාජ්‍ය භාෂා දෙපාර්තමේන්තුව වෙත සම්බන්ධ විය.[3]
ඔහු 1957 ඔක්තෝබර් 16 වන දින නොලීන් ඩයස් සමඟ විවාහ විය. ඩයස් ගුරුකුල විද්‍යාලයේ ඉංග්‍රීසි උගන්වමින් සිටියදී ඔවුන්ගේ ආදර සම්බන්ධය ආරම්භ විය. මෙම යුවළට පුතුන් දෙදෙනෙක් - රාජින්ද්‍ර සහ ජනක්; සහ දියණියන් හතර දෙනෙක් - ජයමාලි, නිලීකා, මනෝරි සහ සමන්ති ඇන්ටනෙට් ඉපදුනි. ඔවුන්ගේ පුත් රජින්ද්‍ර හදිසි හෘදයාබාධයකින් මිය ගියේය.[4] ඔහුගේ දියණිය ඇන්ටනෙට් විවාහ වූයේ ඉංජිනේරුවෙකු වූ ජයන්ත නීල් විජේරත්න සමඟ ය. ඇන්ටනෙට් රූපවාහිනී සංස්ථාවේ ගණකාධිකාරීවරියක් ලෙස සේවය කළාය.[5] 2012 අගෝස්තු මාසයේදී, කැනඩාවේ නිවාඩුවක් ගත කරමින් සිටියදී, ජයන්ත සහ ඔහුගේ 16 හැවිරිදි දියණිය එලිසා නිමානි කැනඩාවේ QEW අධිවේගී මාර්ගයේ රිය අනතුරකින් මිය ගියහ.[6]
ඩයස් 2009 ජූනි 12 වන දින වයස අවුරුදු 81 දී මිය යන ලදි. දේහය ඔහුගේ නිවසේ අංක. 378, පරණ නුවර පාර, කැලණිය තැන්පත් කර තැබූ අතර ඔහුගේ අවසන් කටයුතු 2009 ජුනි 17 වන දින දළුගම රෝමානු කතෝලික සුසාන භූමියේදී සිදු විය.[2]
වෘත්තීය ජීවිතය සංස්කරණය
ඔහු සිය රංගන ජීවිතය ආරම්භ කළේ ඩබ්ලිව්.බී. මකුලොළුව විසින් අධ්‍යක්ෂණය කරන ලද ‘‘ඔහොම හින්දද?’’ නාට්‍යය තුලිනි. 1946 දී ඔහු සමීපතම මිතුරන් වන එච් ඩී විජේදාස, ඇල්ෆ්‍රඩ් පෙරේරා, සැමුවෙල් රුද්‍රිගෝ සහ බර්ටි ගුණතිලක සමඟ එක්ව "ඉස්කෝලයක්" නාට්‍යය කළේය.[4] ඉන්පසුව සහන නිවේදකයකු ලෙස කටයුතු කළ ඩයස්, විජේදාස මහතාගේ මඟපෙන්වීම යටතේ රේඩියෝ සිලෝන් සමඟ සම්බන්ධ විය. ඔවුන් විසින් "විහිලු තහළු" ගුවන්විදුලි නාට්‍යය නිෂ්පාදනය කරන ලද අතර, එය එවකට සිටි දේශපාලකයන් හෙළා දැකීමට යොමු වූ බැවින් එය තහනම් කරන ලදී.[2]
තහනමෙන් පසු ඩයස් ඇල්ෆ්‍රඩ් සමඟ තවත් විකට වැඩසටහනක් ගැන සාකච්ඡා කළ අතර එය ජනප්‍රිය ගුවන් විදුලි නාට්‍යයක් වන "විනෝද සමය" ආරම්භය සනිටුහන් කළේය. මෙම ප්‍රසංගය ඔහුගේ සෙසු නළුවන් වන බර්ටි ගුණතිලක සහ සැමුවෙල් රොද්‍රිගෝ සමඟ ජනප්‍රිය වූ අතර එහිදී ඔවුන් නිල නොවන ලෙස "රජ තුන් කට්ටුව" ලෙස නම් කරන ලදී.[2] 1982 දී, මෙම ගුවන් විදුලි වැඩසටහන පසුව රූපවාහිනී වැඩසටහනක් ලෙස ද ශ්‍රී ලංකා රූපවාහිනී සංස්ථාව හරහා කථාංග 240 ක් දක්වා විකාශය විය. "අමාරිස් අයියා" ලෙසින් ජනප්‍රිය වූ ඔහු වඩාත් ගෞරවාදරයට පාත්‍ර වූ විකට නළුවෙකු වන අතර ඩිනාල් හිලරි සමරනායක වැනි ප්‍රමුඛ වැවිලිකරුවන්ගෙන්ද, ප්‍රමුඛ පෙළේ දේශපාලනඥයින්ගෙන්ද බොහෝ ගෞරවයට පාත්‍ර විය. ඉන්පසු ඔහු "විනෝද සමයේ හාමු මහත්තයා" සහ "විනෝද සමය" යන පොත් දෙකක් පළ කළේය.[2]
ඔහුගේ මංගල සිනමා රංගනය 1968 කුමාර් වික්‍රමසූරිය විසින් අධ්‍යක්ෂණය කරන ලද "අබුදස්ස කාලේ" චිත්‍රපටය හරහා සිදු විය. ඔහු "සමාජේ සතුරෝ", "බිනරමලී", "මරුව සමඟ වාසේ" වැනි චිත්‍රපටවල සහාය චරිත රඟපෑවේය.[7] අවසාන කාලයේදී ඔහු ශ්‍රී ලංකා සංස්කෘතික අමාත්‍යාංශයෙන් ලංකාතිලක සම්මානයෙන් ද පිදුම් ලැබීය.[8] In 1994, he was honored with Sri Lanka Thilaka Award.[4]
References සංස්කරණය
- ↑ "Commemorates second death anniversary of Annasley Dias". Divaina. සම්ප්‍රවේශය 2 October 2019.
- ↑ 2.0 2.1 2.2 2.3 2.4 "Evergreen entertainer no more". Daily News. සම්ප්‍රවේශය 2 October 2019.
- ↑ "The comedy trinity". Deshaya. සම්ප්‍රවේශය 2 October 2019.
- ↑ 4.0 4.1 4.2 "Who can hide these griefs?". Sarasaviya. සම්ප්‍රවේශය 2 October 2019.
- ↑ "Father and daughter killed in head-on Toronto highway crash; Driver of other vehicle who was allegedly drunk drove wrong way". lankareporter. සම්ප්‍රවේශය 2 October 2019.
- ↑ "TWO SRI LANKAS KILLED ON CANADA'S QEW HIGHWAY CRASH". gossiplankanews. සම්ප්‍රවේශය 2 October 2019.
- ↑ "Annesley Dias - ඇනස්ලි ඩයස් filmography". Sinhala Cinema Database. සම්ප්‍රවේශය 2 October 2019.
- ↑ "Annesley Dias passes away". Dinamina. සම්ප්‍රවේශය 2 October 2019.
මේවාද බලන්න සංස්කරණය
- ඇනස්ලි ඩයස් සඳහා IMDb හි ඇති තොරතුරු