ශ්‍රී ලංකාවේ හයවන පරාක්‍රමබාහු රජු
කෝට්ටේ යුගය ආලෝකමත් කළ ශ්‍රේෂ්ඨතම පාලකයා වූයේ පස්වන බුවනෙකබාහු රජතුමාගෙන් පසු බලයට පත් වූ හයවන පරාක්‍රමබාහු රජු ය. ක්‍රිස්තු වර්ෂ 1415 සිට ක්‍රිස්තු වර්ෂ 1467 දක්වා වසර 53ක් රජ කළ මේ රජතුමා මුළු ලංකාවම එක්සේසත් කළ පාලකයෙක් විය. මේ රජු අභිෂේකයෙන් වසර 3කට පසු තම අගනුවර කෝට්ටේ ට ගෙන ගියේය. කෝට්ටේ නගරය අංග සම්පූර්ණ නගරයක් බවට අත් වූයේ මේ කාලයේ ය. මේ කාලය ලංකා ඉතිහාසයේ අවසාන විභූතිමත් කාලය ලෙස සැලකේ.
| හයවන පරාක්‍රමබාහු රජ | |||||
|---|---|---|---|---|---|
| සිංහලේ රජ | |||||
| රාජ්‍ය සමය | 1415-1467 | ||||
| පූර්වප්‍රාප්තිකයා | පස්වන භුවෙනෙකබාහු රජ | ||||
| අනුප්‍රාප්තිකයා | දෙවන ජයබාහු රජ | ||||
| වල්ලභයා | ස්වර්ණ මාණික්‍යා බිසව | ||||
| දරුවන් |
| ||||
| |||||
| වංශය | සිරි සඟබෝ රාජ වංශය | ||||
| පියා | ජයමහාලෑන කුමාරයා | ||||
| මව | සුනේත්‍රා දේවිය | ||||
| ආගම | බුද්ධ ධර්මය | ||||
මේ රජු සමයේ සිදු වූ වැදගත් සිදුවීම් අතර යාපනය හා වන්නි ප්‍රදේශ ඈඳා ගැනීම, මලය රටෙහි හට ගත් කැරැල්ලක් මැඬලීම, වන්නි ප්‍රදේශවල ස්වාධීන ව නැඟී ආ නායකයින් අවනත කර ගැනීම, යාපනයේ පාලකයා ලෙස සපුමල් කුමරු පත් කිරීම, විජයනගර් අධිරාජ්‍යයේ තොටුපොළක් ආක්‍රමණය කිරීම, ක්‍රිස්තු වර්ෂ 1462 දී ජෝතිය සිටානන් ඇති කළ කැරැල්ලක් මැඬලීමට අම්බුළුගල කුමරු යැවීම හා වෙළඳ ගනුදෙනුවක් මුල් කරගෙන දකුණු ඉන්දියාවේ අදිවිරරාම පටුන ආක්‍රමණය කිරීම ද වෙයි.
ක්‍රිස්තු වර්ෂ 1467 දී මේ රජතුමා මිය ගිය විට එතුමාගේ දියණියගේ පුතා වූ ජයබාහු කුමරා දෙවන ජයබාහු රජ නමින් බලයට පත් විය.
සේවාවන්
*රටේ අධ්‍යාපන ප්‍රබෝධයක් ඇතිවීම. උදාහරණ පැපිලියානේ සුනේත්‍රා දේවී පිරිවෙන,කෑරගල පද්මාවතී පිරිවෙන [මහාවංශය 1]
*උගත් පඬිවරුන් පිරිසක් බිහිවීම.උදාහරණවිහිදාගම මෛත්‍රී හිමි,තොටගමුවේ ශ්‍රී රාහුල හිමි
*විශිෂ්ට සාහිත්‍ය කෘති රැසක් නිර්මාණය වීම.උදාහරණ-හංස, ගිරා, සැළලිහිණි ,කෝකිල, පරවි යන සංදේශ කාව්‍ය
* හයවන පරාක්‍රමබාහු රජතුමා යටතේ රට එක්සේසත් වීම
උපුටාදැක්වීම් දෝෂය: "මහාවංශය" නම් කණ්ඩායම සඳහා <ref> ටැග පැවතුණත්, ඊට අදාළ <references group="මහාවංශය"/> ටැග සොයාගත නොහැකි විය.