විලියම් ද සිල්වා
පේදුරු හේවගේ විලියම් ද සිල්වා (8 දෙසැම්බර් 1908 - 30 ජූලි 1988) යනු 20 වැනි සියවසේ මාක්ස්වාදී / ට්‍රොට්ස්කිවාදී ශ්‍රී ලාංකික දේශපාලනඥයෙකි.[1]
William de Silva | |
|---|---|
| ගොනුව:P. H. William de Silva.jpg | |
| Member of the Ceylon Parliament Ambalangoda සඳහා | |
| In office March 1960 – June 1960 | |
| පූර්වප්‍රාප්තිකයා | seat created |
| අනුප්‍රාප්තිකයා | Patrick de Silva Kularatne |
| Personal details | |
| උපත | Peduru Hewage William de Silva 8 දෙසැම්බර් 1908 |
| විපත | 30 July 1988 (වයස 79) |
| ජාතිකත්වය | Sri Lankan |
| දේශපාලන පක්ෂය | Sri Lanka Freedom Party Lanka Sama Samaja Party |
| Alma mater | Ananda College University College, Colombo University College, Oxford |
| රැකියාව | Politician |
පී. එච්. විලියම් ද සිල්වා ලංකාවේ අම්බලන්ගොඩ බටපොල කහටපිටියේ ඉඩම් හිමි ධනවත් පවුලක උපත ලැබීය.[2] බටපොල මිශ්‍ර පාසලෙන් ප්‍රාථමික අධ්‍යාපනය ලැබූ ඔහු පානදුර ශාන්ත ජෝන් විද්‍යාලයෙන්, ගාල්ල රිච්මන්ඩ් විද්‍යාලයෙන් සහ කොළඹ ආනන්ද විද්‍යාලයෙන් ද්විතීයික අධ්‍යාපනය ලබා ඇත. ඔහු කොළඹ යුනිවර්සිටි කොලේජ් (දැන් කොළඹ විශ්ව විද්‍යාලය ) හි වසරක් අධ්‍යාපනය ලැබූ අතර පසුව ඔක්ස්ෆර්ඩ් විශ්ව විද්‍යාලයේ වැඩිදුර අධ්‍යාපනය සඳහා එංගලන්තයට ගියේය.[1]
එංගලන්තයේ සිටියදී විලියම් ද සිල්වා ඉන්දියා ලීගයට සහ ලන්ඩනයේ අනෙකුත් ලංකා සිසුන් සමඟ මාක්ස්වාදී අධ්‍යයන කණ්ඩායමකට සම්බන්ධ විය. ඉන්පසු ඔහු ලංකාවට පැමිණ ලංකා සමසමාජ පක්ෂයට (ලසසප) සම්බන්ධ විය.[3] දෙවන ලෝක යුද්ධ සමයේදී, ඔහු යුද විරෝධී ව්‍යාපාරයේ නායකයෙකු වූ අතර, ශ්‍රී ලංකාවේ බෝගම්බර බන්ධනාගාරයේ සහ බදුල්ල බන්ධනාගාරයේ (1943-45) සිරගත කරන ලදී. ඔහු 1947 සහ 1953 දී ලංකා පාර්ලිමේන්තු මන්ත්‍රීවරයෙකු බවට පත් විය. ඔහු සමස්ත ලංකා වතු කම්කරු සංගමයේ නායකයා වූ අතර සමසමාජ තරුණ සංගමයේ සමස්ත ලංකා කොංග්‍රසයේ උප සභාපතිවරයා ද විය. ඔහු 1953 ඔක්තෝම්බර් මාසයේදී සමසමාජ පක්ෂයෙන් වෙන්වී විප්ලවකාරි ලංකා සමසමාජ පක්ෂයට (VLLSP) සම්බන්ධ විය. ඔහු මහජන එක්සත් පෙරමුණේ ආරම්භක නායකයා විය. ඔහු SWRD බණ්ඩාරනායකගේ SLFP -MEP සභාග ආණ්ඩුවේ (1956-59) කර්මාන්ත හා ධීවර කැබිනට් අමාත්‍යවරයා විය.[4][5] ඔහු 1960 දී පාර්ලිමේන්තු මන්ත්‍රීවරයෙකු වූ අතර ශ්‍රී ලංකා නිදහස් පක්ෂයේ උප සභාපති විය. 1970 දී ඔහු කැනඩාවේ ලංකා මහ කොමසාරිස් බවට පත් විය.
ද සිල්වා වයස අවුරුදු 79 දී මිය ගියේය.[2]
යොමු කිරීම්
සංස්කරණය- ^ a b Glossary of People: de Silva, P.H. William (1908–1988), Marxists Internet Archive.
- ^ a b W. T. A. Leslie Fernando, William de Silva revolutionised Industry and fisheries, Features, The Island Online, Sri Lanka, 2009.
- ^ Comrade, William: Silent William, Unforgettable Personalities, Daily News, Sri Lanka.
- ^ W.T.A. Leslie Fernando, Achievements of 1956–59 MEP regime and conflicts within සංරක්ෂණය කළ පිටපත 2016-03-03 at the Wayback Machine, Sunday Observer, Sri Lanka.
- ^ K. T. Rajasingham, Sri Lanka: The Untold Story — Assassination of Bandaranaike සංරක්ෂණය කළ පිටපත 2020-02-20 at the Wayback Machine, Asia Times Online. WWW Virtual Library — Sri Lanka සංරක්ෂණය කළ පිටපත 2011-04-08 at the Wayback Machine.