විකිපීඩියා:සම්භූති චින්තනයෙන් වැළකෙන්න
 |
මෙම පිටුව ප්‍රලේඛනය කරනුයේ ඉංග්‍රීසි විකිපීඩියාවෙන් අපත්‍යීකරණය කල සිංහල විකිපීඩියා ප්‍රතිපත්තීන් වන අතර, එය ඉංග්‍රීසි විකිපීඩියාවේ පුළුල් ලෙසින් පිළිගත් සම්මතයක් බැවින්ද සිංහල විකිපීඩියාවේ මීට වෙනස් සම්මුතියක් ජනිත වන තෙක් සිංහල විකිපීඩියාවේද එලෙසින් සම්මතය ලෙසින් අපත්‍යීකරණය කරන ලද බැවින්ද සමස්ත සංස්කාරක වරුන් විසින් සාමාන්‍ය වශයෙන් පිළිපැදිය යුතුය. එයට කෙරෙන වෙනස් කම් සම්මුතියක් ප්‍රකාරයෙන්ම සිදුවිය යුතු අතර අත්තනෝමතික ලෙසින් සිදු නොවිය යුතුමය. |
 | මෙම පිටුව පිණ්ඩාර්ථයෙන්: විකිපීඩියාව විසින් සම්භූති චින්තන ප්‍රකාශයට පත් නොකරයි: විකිපීඩියාවේ ඇති සියළුම කරුණු, විශ්වාසනීය හා ප්‍රකාශයට පත් කර ඇති මූලාශ්‍රයක් වෙත උපලක්ෂණය කල හැකි විය යුතුයි. එම මූලාශ්‍රයෙහි පැහැදිලි ලෙසින් ප්‍රකාශ කර නොමැති නිර්ණයයක් වෙත එළඹීමට හෝ එවැන්නක් ඇඟවීමට හෝ හැකි වන පරිද්දෙන්, එම මූලාශයෙහි ප්‍රකාශිත කරුණු අරභයා සිදු කෙරුණු නව විශ්ලේෂණයන් හෝ සංස්ලේෂණයන් හෝ ලිපි තුල අඩංගු නොවිය යුතුය. |
විකිපීඩියා ලිපි තුල සම්භූති චින්තන අඩංගු නොවිය යුතුය. "සම්භූති චින්තන" (සචි) යන පදය විකිපීඩියාව තුල භාවිතාවන්නේ විශ්වාසනීය හා ප්‍රකාශයට පත් කෙරුණු මූලාශ්‍ර නොපවතින —තතු, දෝෂාරෝපණ සහ අදහස් වැනි— කරුණු හැඳින්වීමටය. [1] එම මූලාශ්‍රයෙහි පැහැදිලි ලෙසින් ප්‍රකාශ කර නොමැති නිර්ණයයක් වෙත එළඹීමට හෝ එවැන්නක් ඇඟවීමට හෝ හැකි වන පරිද්දෙන් ප්‍රකාශිත කරුණු අරභයා කිසියම් නව විශ්ලේෂණය හෝ සංස්ලේෂණය හෝ සිදු කිරීමද නොකල යුතු දේ අතරට අයත් වෙයි. ඔබ විසින් සම්භූති චින්තනය ලිපියට එක් නොකරන බවට ආදර්ශනය කිරීම සඳහා ඔබ විසින් කල හැක්කේ, ලිපියෙහි මාතෘකාවට සෘජු ලෙසින් සබැඳි සහ ඉදිරිපත් කර ඇති කරුණු වලට සෘජු ලෙසින් අනුග්‍රහය දක්වන විශ්වාසනීය සහ ප්‍රකාශයට පත් කර ඇති මූලාශ්‍ර උපුටා දැක්වීමයි. (මෙම සම්භූති චින්තන ප්‍රතිපත්තිය සාකච්ඡා පිටු සඳහා නොයෙදෙයි.)
විකිපීඩියාවේ පලවන සියළුම කරුණු ඇත්ත වශයෙන්ම දැනට එසේ උපලක්ෂණය නොකර තිබුණද, විශ්වාසනීය හා ප්‍රකාශයට පත් කෙරුණු මූලාශ්‍රයකට උපලක්ෂණය කල හැකි විය යුතු බව, සම්භූති චින්තනය පිළිබඳ පනවා ඇති තහනම වෙතින් අදහස් වෙයි.[1] විකිපීඩියා සත්‍යෝක්ෂ්‍යතා ප්‍රතිපත්තිය පවසන්නේ, සියළු උද්ධරණයන් සඳහා මෙන්ම අභියෝගයට ලක්වී ඇති හෝ අභියෝගයට ලක්වීමට ඉඩ ඇති හෝ ඕනෑම කරුණක් සඳහා, විශ්වාසනීය මූලාශ්‍රයක් වෙතට පේළි ගත උපහරණයක් දැක්විය යුතු අතර, කිසි අයුරින් අභියෝගයට ලක් නොවන කරුණු සඳහා වුවද, මූලාශ්‍රයක් පැවතිය යුතු බවයි. නිදසුනක් වශයෙන්: කිසි කෙනෙක් මෙය අභියෝගයට ලක් කරතැයි සිතිය නොහැකි නිසා, "ප්‍රංශයෙහි අගනුවර පැරිස් වෙයි" යන ප්‍රකාශය සඳහා මූලාශ්‍ර අවශ්‍ය නොවන්නේ නමුදු, එය සඳහා මූලාශ්‍ර පවතින බවට අපි දනිමු. ඉහත ප්‍රකාශය උපලක්ෂණය කර නොතිබුනද, එය උපලක්ෂණය කල හැකි වෙයි.
අන්තර්ගතය වෙත විශ්වාසනීය මූලාශ්‍ර වෙතින් උපහරණ සැපයීමේ අවශ්‍යතාවය පැවතුනද, ඔබ විසින් කිසි දිනෙක එවැනි මූලාශ්‍ර වෙතින් අන්තර්ගතය සොරකම් කිරීම නොකල යුතු අතර ඒවායේ හිමිකම් උල්ලංඝනය නොකල යුතුයි. මූලාශ්‍රයෙහි දැක්වෙන කරුණු වල අර්ථය බොහෝ දුරට රඳවා ගනිමින් ඔබගේ වචන වලින් ලිපි ලිවිය යුතුය.
මධ්‍යස්ථ දෘෂ්ඨිය සහ සත්‍යෝක්ෂ්‍යතාව හා සමගින් "සම්භූති චින්තනයෙන් වළකින්න" (සචිඑ) යන්න විසින් සදන විකිපීඩියාවේ හරාත්මක අන්තර්ගත ප්‍රතිපත්තීන් තුන විසින්, ලිපි තුල අඩංගු විය හැකි යයි පිළිගැනෙන කරුණු වර්ග සහ ඒවායේ තත්ත්ව ප්‍රමිතීන් නිශ්චය කරයි. මෙම ප්‍රතිපත්තීන් තුන සුසංවාදයෙන් ක්‍රියාත්මක වන බැවින්, එකිනෙක වෙතින් විසංගමනයෙන් අනෙක්වා නොසැලකිය යුතු අතර, සංස්කාරකවරුන් විසින් මෙම ප්‍රතිපත්තීන් ත්‍රිත්වය පිළිබඳවම අවබෝධයක් සහිත විය යුතුයි. කිසියම් සංස්කරණයක් තුල සම්භූති චින්තනය අඩංගු වේ දැයි යන්න පිළිබඳව ප්‍රශ්න තිබේ නම් සම්භූති චින්තනයෙන් වැළකෙන්න දැන්වීම්පුවරුව වෙත යන්න.
මූලාශ්‍ර භාවිතය
සංස්කරණයමෙම ලිපියෙහි දැක්වෙන ප්‍රතිපත්ති මත සහ අනෙකුත් අන්තර්ගත ප්‍රතිපත්තීන් මත පිහිටෙමින් දැනට පවතින මූලාශ්‍ර වෙතින් කරුණු එක්රැස් කිරීම හා ඒවා සකස් කිරීම සඳහා පර්යේෂණ සිදු කිරීම, ඕනෑම විශ්වකෝෂයක කරුණු සටහන් කිරීම පිළිබඳ මූලික කර්තව්‍යයක් ලෙසින් සිදු කෙරෙයි.
සටහන්
සංස්කරණය- ^ a b "පවතින" යන පදයෙන් ප්‍රජාව අදහස් කරන්නේ, ලිපිය තුල දැනට කිසිම මූලාශ්‍රයක් නම් කර නොතිබුනද, විශ්වාසනීය මූලාශ්‍රය ප්‍රකාශයට පත් කිරීම දැනට කර ඇති අතර එම මූලාශ්‍රය තවමත්—එය වෙතට මාර්ගගත ලෙසින් ප්‍රාප්ත විය හෝ නොහැකි හෝ වූවද, ලොව කිසියම් තැනක, කිසියම් භාෂාවකින්— පවතින බවයි. ඇතුලත් කර ඇති කරුණු සමස්ත අංශු මාත්‍රයක්ම, ප්‍රකාශයට පත් කෙරුණු සහ විශ්වාසනීය මූලාශ්‍රයකින් වෙතින් අනුග්‍රහය ලබන බවට සාධාරණ අපේක්ෂණයක් තිබේ නම්, කිසිම ආකාරයක ආශ්‍රිත දැනට අඩංගු නොවන ලිපි පවා මෙම ප්‍රතිපත්තියට පූර්ණ වශයෙන් අනුකූල වෙයි..
තවදුරටත් කියවීම්
සංස්කරණය- වේල්ස්, ජිමී. ක්‍රැක්පොට් ආටිකල්ස්, විතැපෑල ලැයිස්තුව, ජූලි 12, 2003.