ද්වාරය:කාලීන සිදුවීම්/2008 අගෝස්තු 17

අගෝස්තු 17, 2008 (ඉරිදා)

2008 දකුණු ඔසේටියා යුද්ධය:
- මධ්‍යම ජෝර්ජියානු නගර වටකරමින් නැවත-සමූහනය වීමට රුසියානු හමුදා කටයුතු අරඹමින් සිටිති (රොයිටර්ස්).
- රටවල් දෙක අතර නව සාම ගිවිසුම උල්ලංඝනය කරමින්, වැදගත් දුම්රිය පාළමක් විනාශ කල බවට හා දර්ශනීය බොර්ජෝවික් දුර්ගය තුල මහා ගිනි ඇති කල බවට, ජෝර්ජියාව විසින් රුසියානු හමුදාව වෙත චෝදනා එල්ල කර ඇත (සීඑන්එන්).
- පොටි නම් කළු මුහුදු වරාය නගර‍යේ සිට ට්බිලිසි වෙත පසුගිය දින දෙක තුල ගමනේ යෙදුනු බීබීසීහි රිචඩ් ගැල්පින් පවසන්නේ, ජෝර්ජියානු හමුදා මහාමාර්ගයෙහි පාලනය රුසියානුවන් අතට බාර දීමේ යෙදී සිටින බව පෙනී ගිය බවය (බීබීසී).
- ජෝර්ජියාවෙන් බිඳී වෙන්වෙන දකුණු ඔසේටියාව තුලින් තම හමුදා ඉවත් කිරීම අරඹා ඇති බවට පල වන වාර්තා රුසියාව ප්‍රතික්‍ෂේප කරයි (ස්කයි නිවුස්).
2008 ගිම්හාන ඔලිම්පික් තරඟ:
- ස්වීඩන ජාතික මල්ලවපොර ශිල්පී අරා ආබ්‍රහාමියන් වෙතින් ඔහුගේ පිරිමි ක්‍රිගෑ84 ග්‍රීක-රෝමානු පංතියට අදාල ලෝකඩ පදක්කම ආපසු ගැනීමට කටයුතු කර ඇත්තේ, ඔහුගේ අර්ධඅවසාන තරඟයෙහි ක්‍රීඩා විනිශ්චය පිළිබඳ විරෝධය පල කරමින් පදක්කම කලාලය මත හෙලා පදක්කම් පිරිනැමීමේ උත්සවයෙන් ඉවත් වී යෑම හේතුවෙනි. (රොයිටර්ස්)
- රුමේනියාවේ කොන්ස්ටන්ටිනා ඩිටා-ටොමෙස්කු ගැහැණු මැරතන් තරඟය 2:26:44 කාලයකදී දිනා ගත්තාය. 38 වියෙහි පසුවන ඇය, ඔලිම්පික් මැරතන් තරඟයක් දිනා ගත් වියපත්ම කාන්තාව වන්නීය.
- එක්සත් ජනපදයේ මයිකල් පෙල්ප්ස් පිරිමි මීටර 4 x 100 නිදහස් කඩින්කඩ කණ්ඩායමේ සමනල ආර කොටස සඳහා රන් පදක්කම දිනා ගනියි. මෙම කඩින්කඩ ජයග්‍රහණය සමග, පෙල්ප්ස් තම අටවන රන් පදක්කම දිනාගත් අතර (5 තනි, 3 කඩින්කඩ), මාක් ස්පිට්ස්ගේ මින් ඉහත 1972 දී පිහිටවූ රන් පදක්කම් 7 වාර්තාව බිඳිමින්, ඔලිම්පික් තරඟයකදී වැඩිම රන් පදක්කම් දිනාගත් ක්‍රීඩකයා බවට පත් විය. (බ්ලූම්ස්බර්ග්)
- එමිලි සිබෝම්, ලීසල් ජෝන්ස්, ජෙසිකා ෂිපර් සහ ලිබී ට්‍රිකට් ගෙන් සමන්විත ඕස්ට්‍රේලියානු ගැහැණු මීටර 4 x 100 කඩින්කඩ කණ්ඩායම ලෝක වාර්තාවක් පිහිටුවමින් රන් පදක්කම දිනා ගැනීමට සමත් විය. (රොයිටර්ස්)