ගිරිරාජ් කෞෂල්‍ය
සිල්මෙස්ත්‍රී ගිරිරාජ් කෞෂල්‍ය (උපත: 1964 නොවැම්බර් 13,[1])යනු ශ්‍රී ලංකා සිනමාවේ, වේදිකාවේ සහ රූපවාහිනියේ නළුවෙක් හා අධ්‍යක්ෂකවරයෙකි.[2] නාට්‍යයේ සිට හාස්‍යය දක්වා ඉහළ බහුවිධ නළුවෙකු වන කෞෂල්‍ය සහය අධ්‍යක්ෂක, නිෂ්පාදක, තිර රචකයෙකු ලෙසද කටයුතු කර ඇත.[3]
ගිරිරාජ් කෞශල්‍ය Giriraj Kaushalya | |
|---|---|
| උපත | සිල්මෙස්ත්‍රී ගිරිරාජ් කෞෂල්‍ය නොවැම්බර් 13, 1964 |
| ජාතිකත්වය | ශ්‍රී ලාංකික |
| අධ්‍යාපනය | ගුරුකුල විද්‍යාලය, කැලණිය |
| රැකියාව | නළුවෙක්, චිත්‍රපට නිෂ්පාදකයෙක්, තිර රචකයෙක්, ගායකයෙක් |
| සක්‍රීය වසර | 1999–වර්තමාන |
| කලත්‍රයා(යන්) | මංගලිකා ප්‍රනාන්දු (m. 1988) |
| දරුවන් | කාවින්ද්‍යා නිලුපුලි අමන්ද්‍යා උත්පාලි |
| ඥාතීන් | ලලිත් ජනකාන්ත (සහෝදරයා) |
පෞද්ගලික ජීවිතය සංස්කරණය
කෞෂල්‍ය 1964 නොවැම්බර් 13 වැනි දින කොලොන්නාව, කොළඹ හිදී සහෝදර සහෝදරියන් හතර දෙනෙකු සමඟ පවුලේ බාලයා ලෙස උපත ලැබුවාය. ඔහුට වැඩිමහල් සහෝදරයන් තිදෙනෙකු සහ එක් වැඩිමහල් සහෝදරියකි.[4] කොලොන්නාව ගමේ පාසලට ඇතුළත් වූ ඔහු පසුව කැලණිය ගුරුකුල විද්‍යාලයට ඇතුළත් විය.[5] ඔහුගේ පියා ලංකා විදුලිබල මණ්ඩලයේ ක්‍රියාකාරී වෘත්තීය සමිතිවාදියෙකු වූ අතර ශ්‍රී ලංකා කොමියුනිස්ට් පක්ෂයේ සාමාජිකයෙක් මෙන්ම වාමාන්ශික ව්‍යාපාරය නියෝජනය කළේය.[6] ඔහු රංගනයට පිවිසීමට පෙර ශ්‍රී ලංකා මහවැලි අධිකාරිය හි සේවය කළේය. ඔහුගේ වැඩිමහල් සොහොයුරා වන ලලිත් ජනකාන්ත ද වේදිකාවේ, රූපවාහිනියේ සහ සිනමාවේ කීර්තිමත් නළුවෙකි.
1986 මහවැලි සී කලාපයේ ලිහිනියාගම මහවැලි අධිකාරියේ වැඩකටයුතු අතරතුර ඔහුට ඔහුගේ බිරිඳ මංගලිකා ප්‍රනාන්දු හමුවිය.[7] ඇය කෙටුම්පත් කරන්නියක වූ අතර කෞෂල්‍ය ගබඩා භාරකාරයා ලෙස වැඩ කළේය. ඔවුන් 1987 දී විවාහ ගිවිස ගත් අතර 1988 දී විවාහ උත්සවය පවත්වන ලදී.[8] ඔවුන් දෙදෙනාම 1998 දී රැකියාවෙන් ඉවත් වූහ. මෙම යුවළට කාවින්ද්‍යා නිලුපුලි සහ අමන්ද්‍යා උත්පාලි නමින් දියණියන් දෙදෙනෙක් සිටී.[5] වැඩිමහල් දියණිය 1989දීත් දෙවැනි දියණිය 1994දීත් උපත ලැබුවා.
වෘත්තීය ජීවිතය සංස්කරණය
ඔහු මහවැලි සංස්කෘතික ඒකකයේ මහවැලි අධිකාරියේ ප්‍රවීණ රංගන ශිල්පී සතිස්චන්ද්‍ර එදිරිසිංහ සමඟ වැඩ කළේය. ඉන්පසු එදිරිසිංහ ඔහුට ආරාධනා කළේ ඔහුගේ නාට්‍ය ජීවිතයේ මුල්ම රංගනය සනිටුහන් කළ ඔහුගේ නාමල් ගොල්ල ටෙලිනාට්‍යයේ චරිතයක් රඟපාන ලෙසටය. ඊට පස්සේ නැවතත් එදිරිසිංහ අධ්‍යක්ෂණය කළ කෝකිල ගින්න චිත්‍රපටයේ රඟපෑවේය.[5]
ඔහු වේදිකා නාට්‍යයට පිවිසීම හදිසියේ සිදුවිය. ඔහු තම සොයුරු ලලිත් සමග නාට්‍ය නැරඹීමට පුරුදු වී සිටියේය. වේදිකාවේ ඔහුගේ මංගල රංගනය වූයේ ප්‍රසන්නජිත් අබේසූරියගේ දුක්ගන්නාරාළ නාට්‍යයේ නැති නළුවෙකු වෙනුවෙන් පෙනී සිටීමයි. ප්‍රවීණ නාට්‍යවේදී සෝමලතා සුබසිංහ මහත්මියගේ නාට්‍ය කණ්ඩායමට සම්බන්ධ වූ ඔහු ඇයගේ මවකගේ සංග්‍රාමය, ඇන්ටිගනී වැනි වේදිකා නාට්‍යවලත්, හිම කුමාරි, තොප්පි වෙලෙන්දා වැනි ළමා නාට්‍ය කිහිපයකමත් රඟපෑවා.[9]
ඔහු වසර ගණනාවක් වේදිකා නාට්‍යවල දිගටම රඟපෑවා. ඔහුගේ ජනප්‍රිය වේදිකා රංගනය පැමිණියේ සෝමරත්න දිසානායකගේ මී පුර වැසියෝ, පරාක්‍රම නිරිඇල්ලගේ සෙක්කුව, රොඩ්නි වර්ණකුලගේ සාරංග නැවෙන් ඇවිත් සහ ප්‍රියන්ත සෙනෙවිරත්නගේ මිනිසා හරහාය.[9]
1997 දී ජයප්‍රකාශ් සිවගුරුනාදන් විසින් අධ්‍යක්ෂණය කරන ලද ජනප්‍රිය ටෙලිනාට්‍යයක් වන නෝනාවරුණි මහත්වරුනි හි සහය අධ්‍යක්ෂවරයා ලෙස කටයුතු කිරීමට ඔහුට අවස්ථාව ලැබුණි.[5] ඒ වගේම නාට්‍යයේ යම් චරිතයක් රඟපාලා තියෙනවා. ඔහු කතුර සහ එතුමා 1, 2 වැනි ජනප්‍රිය රූපවාහිනී විකට චිත්‍රපට ගණනාවකට පිටපත් ලිව්වා.[6] ඔහුගේ මංගල රූපවාහිනී නාට්‍ය අධ්‍යක්ෂණය ස්වර්ණවාහිනියේ විකාශය වූ නාන කාමරේ හරහා සිදු විය.[9] ඔහු ටීවී දෙරණ හි විකාශය වූ මිත්‍ර සමාගම කතා මාලාවද අධ්‍යක්ෂණය කළේය.[10]
කෞශල්‍ය ඔහුගේ සිනමා දිවිය ආරම්භ කළේ අශෝක හඳගම විසින් අධ්‍යක්ෂණය කරන ලද සඳ දඩයම චිත්‍රපටය වන අතර එය තවමත් තිරගත වී නොමැත.[4] ඔහුගේ පළමු තිරගත චිත්‍රපටය 1999 වසරේ මාරියෝ ජයතුංග විසින් අධ්‍යක්ෂණය කරන ලද සළුපට අහසට චිත්‍රපටයයි.[11] ඉන්පසුව ඔහු සිකුරු හතේ, සුහද කොකා සහ මායා වැනි බ්ලොක්බස්ටර් චිත්‍රපට කිහිපයකටම විශේෂයෙන් විකට නළුවෙකු ලෙස දායක විය.[12] 2020 දී ඔහු සිවගුරුනාදන් විසින් අධ්‍යක්ෂණය කරන ලද නාඩගම්කාරයෝ රූපවාහිනී කතා මාලාවට සම්බන්ධ විය. කතාමාලාවේ ඔහු රඟපෑවේ ප්‍රධාන ප්‍රතිවාදියා වන "කුකුලා මුදලාලි"ගේ චරිතයයි.
ඔහුගේ මංගල සිනමා අධ්‍යක්ෂණය 2007 වසරේ සිකුරු හතේ හරහා සිදු විය.[9] මෙම චිත්‍රපටය විචාරකයින්ගෙන් ධනාත්මක ප්‍රතිචාර ලැබූ අතර දේශීය චිත්‍රපට උළෙලවලදී සම්මාන කිහිපයක් දිනා ගත්තේය.[6][13]
චිත්‍රපටකරණය සංස්කරණය
නළුවෙක් ලෙස සංස්කරණය
- 2001 - අස්වැසුම
- 2002 - පුංචි සුරංගනාවි
- 2002 - මගේ වම් අත
- 2004 - සූරිය අරණ
- 2006 - උඩු ගන් යාමය
- 2007 - සන්ක්‍රාන්ති
- 2007 - ආගන්තුකයා
- 2010 - ටිකිරි සුවඳ
- 2011 - කිං හන්තර්
- 2011 - ගාමනි
- 2014 - සිරි පැරකුම්
- 2015 - සුහද කොකා
- 2016 - මායා
අධ්‍යක්ෂකවරයෙක් ලෙස සංස්කරණය
| වසර | චිත්‍රපටය | Ref. |
|---|---|---|
| 2007 | සිකුරු හතේ | [14] |
| 2015 | සුහද කොකා | [15] |
| 2023 | කතුරු මිතුරු | [16] |
සම්මාන සංස්කරණය
ඔහු දේශීය සිනමා උළෙල කිහිපයකදීම සම්මාන ලාභියෙකි.[17][18]
රයිගම් ටෙලීස් සංස්කරණය
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2010 | ඉසුරු භවන | කුසලතා සම්මානය | දිනාගති |
සුමති සම්මාන සංස්කරණය
| වර්ෂය | නිර්දේශිත පුද්ගලයා/කෘතිය | සම්මානය | ප්‍රතිඵලය |
|---|---|---|---|
| 2011 | තක්සලාව | කුසලතා සම්මානය | දිනාගති |
References සංස්කරණය
- ↑ "Happy birthday Gira". Hiru News. සම්ප්‍රවේශය 25 April 2019.
- ↑ "Giriraj Kaushalya bio". Rate your music. සම්ප්‍රවේශය 25 April 2019.
- ↑ "Sri Lankan actors - W. Jayasiri". National Film Corporation of Sri Lanka. සම්ප්‍රවේශය 25 April 2019.
- ↑ 4.0 4.1 "Chat With Giriraj Kaushalya". gossiplankalive1. සම්ප්‍රවේශය 17 July 2019.
- ↑ 5.0 5.1 5.2 5.3 "Giriraj the man for all seasons". Daily Mirror. සම්ප්‍රවේශය 25 April 2019.
- ↑ 6.0 6.1 6.2 "Make films for the whole family". Daily News. සම්ප්‍රවේශය 25 April 2019.
- ↑ "Gira's wife". Hiru News. සම්ප්‍රවේශය 25 April 2019.
- ↑ "Interview with Gira's wife". Lanka Help. සම්ප්‍රවේශය 25 April 2019.
- ↑ 9.0 9.1 9.2 9.3 "Gira enters cinema". Sunday Times. සම්ප්‍රවේශය 15 July 2019.
- ↑ "Mithra Samagama on TV Derana". The Nation. සම්ප්‍රවේශය 15 July 2019.
- ↑ "Giriraj Kaushalya - ගිරිරාජ් කව්ශල්‍ය films". Sinhala Cinema Database. සම්ප්‍රවේශය 15 July 2019.
- ↑ "Giriraj Kaushalya filmography". IMDb. සම්ප්‍රවේශය 17 July 2019.
- ↑ "'Sikuru Hathe' back on screen". The Sunday Times. සම්ප්‍රවේශය 26 February 2017.
- ↑ "New cinematic experience for movie buffs". Daily News. සම්ප්‍රවේශය 29 March 2019.
- ↑ "Comedy about reality of politics". Sunday Times. සම්ප්‍රවේශය 29 March 2019.
- ↑ "Friendship that cannot be cut with any scissors". Sarasaviya. සම්ප්‍රවේශය 25 March 2020.
- ↑ "'Thaksalawa' tops Sumathi awards". The Sunday Times.
- ↑ "Raigam Tele'es 2009 award winners". Sarasaviya. 2010-05-23 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 2019-07-18.
External links සංස්කරණය
- හිනස්සන එක ලේසි නෑ සංරක්ෂණය කළ පිටපත 2022-01-14 at the Wayback Machine