විකිපීඩියා:අන්තර්ගතයෙහි හිමිකාරිත්වය
 |
මෙම පිටුව ප්‍රලේඛනය කරනුයේ ඉංග්‍රීසි විකිපීඩියාවෙන් අපත්‍යීකරණය කල සිංහල විකිපීඩියා ප්‍රතිපත්තීන් වන අතර, එය ඉංග්‍රීසි විකිපීඩියාවේ පුළුල් ලෙසින් පිළිගත් සම්මතයක් බැවින්ද සිංහල විකිපීඩියාවේ මීට වෙනස් සම්මුතියක් ජනිත වන තෙක් සිංහල විකිපීඩියාවේද එලෙසින් සම්මතය ලෙසින් අපත්‍යීකරණය කරන ලද බැවින්ද සමස්ත සංස්කාරක වරුන් විසින් සාමාන්‍ය වශයෙන් පිළිපැදිය යුතුය. එයට කෙරෙන වෙනස් කම් සම්මුතියක් ප්‍රකාරයෙන්ම සිදුවිය යුතු අතර අත්තනෝමතික ලෙසින් සිදු නොවිය යුතුමය. |
 | මෙම පිටුව පිණ්ඩාර්ථයෙන්: කිසිවෙක් අන්තර්ගතය පිළිබඳ " හිමිකාරිත්වය" නොදරති (විකිපීඩියාවේ ඇති කිසියම් ලිපි හා පිටු ඇතුළත්ව). ඔබ ලිපියක් තැනුවේ නම් හෝ සංස්කරණය කලේ නම් හෝ, අනෙකුන් එයට වෙනස්කම් සිදුකළ හැකි අතර, ඔවුන් එසේ සිදුකිරීම ඔබට වැලැක්විය හැකි නොවේ. මෙයට අමතරව, කිසියම් වැදගත් හේතුවක් නොමැතිව ඔවුන්ගේ සංස්කරණ අවලංගු කිරීම ඔබ විසින් නොකළ යුතු වෙයි. එකඟනොවීම් සියල්ල, ලිපි සාකච්ඡා පිටුවෙහි සංවාදයකින් ආරම්භ කොට, සන්සුන් ලෙසින් නිරාකරණය කර ගත යුතුය. |
විකිපීඩියාවෙහි සමස්ත අන්තර්ගතය − ලිපි, ප්‍රවර්ග, සැකිලි සහ, අනෙකුත් ආකාර පිටු − සංස්කරණය කරනු ලබන්නේ සහයෝගී ආකාරයෙනි. කිසියම් උසස් නිපුණතාවයක් දැක්වුවද, ප්‍රජාවෙහි කිසියම් උසස් තත්ත්වයක් දැරුවද, කිසියම් පිටුවක , හිමිකාරයා ඔවුන් බව සැලනෙක ආකාරයෙන් හැසිරීමට අයිතිවාමිකමක් කිසි කෙනෙකුට හිමි නොවෙයි. එලෙසම, කිසියම් ලිපියක විෂය පාත්‍රය වන්නාවූ පුද්ගලයෙකු හෝ සංවිධානයක් හෝ විසින්, එය ලිපිය පැවසිය යුත්තේ කුමක්දැයි අණකිරීමට හෝ මෙහෙයවීමට හෝ අයිතිවාසිකමක් නොමැත.
ඔවුන් විසින් විකිපීඩියාව වෙත දායකත්වය දැක්වූ සමහරක් කරුණු පිළිබඳ ස්වාමිත්වයක් දැක්වීමට සමහරක් දායකයන් පෙළමීමක් දක්වති. අනෙකුන්ගෙන් ඒවා ආරක්ෂා කිරීමට පවා සමහරක් සංස්කාරකවරු ක්‍රියා කරති. ඔබ විසින් සැලකිල්ලක් දක්වන මාතෘකාවක් පිළිබඳ ලිපියක් ගැන උනන්දුවක් දැක්වීමෙහි යුක්තිසහගත බවක් ඇති බව සිතිය හැකි අතර ඔබ සමහරවිට එය පිළිබඳ හසළයෙක් හෝ සමහරවිට එය ඔබගේ විනෝදාංශය හෝ විය හැක. කෙසේවෙතත්, මෙම පරික්ෂාකාරීබව වර්ධනය වී හිමිකාරිත්වයක් බවට පත් වන්නේ නම්, එවිට ඔබ අතිකරණයෙහි යෙදී ඇති වෙයි. විකිපීඩියාව තුල ලිපියක් සඳහා මෙලෙසින් හිමිකරුවෙකු ඇති බව විශ්වාස කිරීම, පුද්ගලයන් විසින් සිදු කරන පොදු වැරැද්දක් වෙයි.