නැපෝලියන් බොනපාට්
1769 වසරේ අගෝස්තු මස 15 වන දා ප්‍රංශයට අයත් කොර්සිකා (corsica) දූපතේ ඇජැෂියෝ (Ajaccio) නම් නුවරේ දී නැපෝලියන් බොනපාට් (1769-1821) උපත ලද්දේය. ඉතාලි ජාතික කාලෝ බොනපාට් හා ලැටීෂියා රමෝලිනෝ ඔහුගේ දෙමවුපියන් වේ. ඔහුගේ පවුල දුප්පත්ය.පවුලේ හතර වැනියා ඔහුය. නිර්භීත රණ ශූරයෙකු වීමේ ලක්ෂණ නැපෝලියන්ගේ කුඩා කාලයේ සිටම ප්‍රකට විය. පාසල් අධ්‍යාපනය නිමා කිරීමෙන් පසු බ්‍රියැන් හි හමුදා පාසලට බැඳුණු නැපෝලියන් එහි වසර 5 ක් අධ්‍යාපනය හදාරා පැරිස් හි හමුදා ඇකඩමියට ඇතුලත් විය.
| නැපෝලියන් බොනපාට් | |
|---|---|
 නැපෝලියන් අධිරාජ්‍යයා ටියුලර්ස් හි ඔහුගේ අධ්‍යයන
කාමරයේදී, 1812 | |
| ප්‍රංශ අධිරාජ්‍යයා | |
| 1 වන පාලනය | 1804 මැයි 18 – 1814 අප්‍රේල් 6 |
| අනුප්‍රාප්තිකයා | දහඅටවන ලුවිස් රජ[a] |
| 2 වන පාලනය | 20 මාර්තු – 22 ජූනි 1815 |
| අනුප්‍රාප්තිකයා | දහඅටවන ලුවිස් රජ[a] |
| ප්‍රංශ ජනරජයේ පළමු කොන්සලය | |
| In office 1799 දෙසැම්බර් 13 – 1804 මැයි 18 | |
| උපත | නැපෝලියන් ඩි බූනපාට් 15 අගෝස්තු 1769 අජක්සියෝ, කෝසිකා, ප්‍රංශ රාජධානිය |
| මරණය | 5 May 1821 (වයස 51) ලෝන්ග්වුඩ්, ශාන්ත හෙලේනා |
| භූමදානය | 1840 දෙසැම්බර් 15 Les Invalides, පැරීසිය |
| වල්ලභයා |
|
| දරුවන් වෙනත්… | දෙවන නැපෝලියන් රජ |
| අත්සන |  |
මේ ආකාරයෙන් වයස අවුරුදු 16දී (1793) ප්‍රංශ හමුදාවට බැදෙන්නට නැපොලියන්ට හැකි විය.
ප්‍රංශ විප්ලවය
සංස්කරණය6 වැනි ලුවී රජතුමන් බලයෙන් පහ කරමින් 1789-1799 කාල වකවානුවේදී සිදු වූ ප්‍රංශ විප්ලවයේදී නැපෝලියන් වාමාංශික විප්ලවකාරී ජැකොබියන්වරුන්ට සහයෝගය දැක්වූයේය.
මේ නිසා විප්ලවයෙන් පසු නැපෝලියන් නාමය රාජ්‍යයේ මුල් තැනකට පත් වූයේය. නැපෝලියන් සැබවින්ම ප්‍රංශ විප්ලවයේ දරුවෙකු ලෙස සැලකේ. 1792දී ප්‍රංශ විප්ලවය ජය ලැබුවේය. සිහසුන අහිමි වූ 16වැනි ලුවී රජු 1793දී මරණයට පත් විය. එයින් පසුව ප්‍රංශය ජනරජයක් බවට පත් වූයේය. ජනතා නියෝජිතයා ලෙස ප්‍රංශයේ පාලන බලයට පත් වූයේ ප්‍රමුඛ ජැකොබියන්වරයෙකු වූ මැක්ස්මිලියන් රොබෙස්පියර්ය.
එහෙත් ඔහුට ප්‍රංශය නිසි ලෙස පාලනය කල නොහැකි විය. ඒ නිසා ඔහුට විරුද්ධව නැගී සිටි ජනතා වීරෝධය අවසාන වූයේ මැක්ස්මිලියන්ගේ මරණයෙනි. නැපෝලියන් ඉතා ඉක්මනින් ප්‍රංශ යුධ හමුදාවේ ප්‍රධාන අණදෙන නිලධාරි තනතුරට පත් වූයේය.