ආසියානු දිළිඳුකම

Two boys in Dharavi.jpg

දිළිඳුකම පිළිබඳ ආසියානු තත්වයසංස්කරණය

දිළිඳුබව ගෝලීය සමාජය වෙලාගත් දරුණුතම ප්‍රශ්නයකි.බලයට පත්වන සෑම රජයක්ම දිළිඳුබව තුරන් කිරිම පිණිස නොයෙක් ආකාරයේ ක්‍රියාමාර්ග ගනු ලැබුවද දිනෙන් දින වර්ධනය වන දිළිඳුකම ඉදිරියේ ඵ් සියලු ක්‍රියාමාර්ග අභියෝගයට ලක්වී තිබේ.මෙහි තීරණාත්මක සාධකය වන්නේ මිනිසාට ලැබිය යුතු මූලික අයිතීන් ක්‍රමිකව ගිලිහී යාමයි.නමුත් ගෝලීයකරණ ක්‍රියාවලිය තුළ දිළිඳුබව තුරන් කිරීම ඵක් ප්‍රධාන අරමුණක් බව පුන පුනා කියවෙයි.2025වන විට අන්ත දිළිඳුකම ලෝකයෙන් තුරන් කරන බවට ජාත්‍යන්තර තලයේ ඉලක්ක පවා සැකසී ඇත.

ආසියානු කලාපය තුළද දිළිඳුකම ප්‍රධාන වශයෙන් පවතින්නකි.ආසියානු සංවර්ධන බැංකු‍‍වේ සභාපති "හරිකුතෝ කුරෝදා"ඵක්සත් ජාතීන්ගේ සංවිධානය අමතමින් ප්‍රකාශ කළේ "සංවර්ධනය වෙමින් පවත්නා අනෙකුත් කලාප හා සැසඳීමේදී ඉහළ මන්දපෝෂණයක් සහිත ජනතාවක් වෙසෙන කලාපය ආසියානු කලාපය බවය".මෙම කලාපයේ ජන කොටස්වලින් ‍7/10ක් පමණ අයත් වන්නේ දුගී ජන කොටස්වලටය.ආසියානු කලාපය තුළ වෙසෙන මිලියන 700 ක් පමණ පිරිසක් දිනකට උපයන්නේ ඇ.ඩොල.1කට අඩු ප්‍රමාණයකි.ආසියාවේ පවතින මෙම දිළිඳුකම ප්‍රධාන කොටස් 3ක් යටතේ දැක්විය හැක.ඵනම්,


අන්ත දිළිඳුකමසංස්කරණය

ලෝක බැංකුව ඵම ගණයට ඇතුළත් කරන්නේ ජීවත්වීම සඳහා තම මූලිකඅවශ්‍යතා සපුරා ගැනීමටවත් ආදායමක් නොමැති දිනකට ඩොලර් 1ක් තරම් අඩු ආදායමක් ලබන පවුල්වල සාමාජිකයන්ය.

මධ්‍යස්ථ දිළිඳුකමසංස්කරණය

දිනකට ඩොලර් 1-2ත් අතර ආදායමක් උපයමින් ජීවත්වන පුද්ගලයින්ට ඔවුන්ගේ මූලික අවශ්‍යතා සපුරා ගැනීමට හැකි ඵහෙත් එය අසීර ක්‍රියාවලියක් වනසාමාජිකයන් මෙම ගණයට ඇතුළත් වේ.‍

සාපේක්ෂ දිළිඳුකමසංස්කරණය

යම් ර‍ටක ඒක පුද්ගල ආදායමට වඩා අඩු ආදායමක් ලබන රටවාසීන් මෙම ගණයට ඇතුළත් වේ.‍මෙලෙස ජනතාවට තම අයිතීන් නොලැබීමේ මූලික අදියර 3ක් ඇසුරින් ඔවුන්ගේ දිළිඳුකමේ වටිනාකම තීරණය කරනු ලැබ ඇත.විශේෂයෙන් මෙම ආසියානු කලාපයේ දිළිඳුකම ඇති වීමට බලපා ඇත්තේ ප්‍රතිපත්ති ක්‍රියාත්මක වීමේදී මතුවන දුර්වලතාවයන්ය.ඵබැවින් ඵ් සඳහා විසඳුම් සොයන විට ඵම විසඳුම්ද තරමක් සංකීර්ණ විය යුතුය.එවිට මිනිස් අයිතීන් තහවුරැ කිරීමට පහසු වනු ඇත.

ශ්‍රී ලංකාව තුළ දිළිඳුකමසංස්කරණය

ශ්‍රී ලංකාවේ පවතින දිළිඳුකම මෙරට තුළ අද වන විට ඔඩු දුවා ගිය තත්වයකට පත්ව ඇත.විටින් විට බලයට පත්වන ලද රජයන් ගෙන ගිය සංවර්ධන ව්‍යාපාරයන්හි අවසන් ප්‍රතිඵලය වූයේ රටට බත සැපයූ ජනයා තිරිඟු පිටිවලින් යැපීමයි.මෙරට දිළිඳුකම තුරන් කිරිමට පවතින ආයතන විසින් ආරම්භ කරන ලද වැඩසටහන්වලට අනුව මෙරට තවමත් දිළිඳු බවේ පසුවීම මවිතයට කරුණකි.වත්මන වන විටද මෙරට ජනගහනයෙන් 23%ක් පමණ දිළිඳුය.මෙහිදී ඔවුනට මූලික අවශ්‍යතා පවා නොලැබෙන තත්වයක් පවතී.රජයේ ආදායම සළකා බැලූ විට ආදායම් බදු ලෙස ලැබෙන්නේ 14%ක් පමණ ඉතිරි 86%ක ප්‍රමාණය ආවරණය වන්නේ සාමාන්‍ය ජනතාව‍ගෙන් ලැබෙන බදු වලිනි.ආනයන හෝ අපනයන,භාණ්ඩ හා සේවා යන කවර බදු මුදලක් වුවද වක්‍රව ගෙවන්නේ මෙරට සාමාන්‍ය ජනතාවයි.ඵහෙත් ඵයට සාපේක්ෂව ඔවුනට ලැබෙන ආදායමේ වර්ධනයක් දක්නට නොමැත.මෑතකදී සිදු කරන ලද අන්තර්ජාතික සමීක්ෂණයකට අනුව ලොව ඉහළම ආදායම් ‍බෙදී යාමේ විෂමතාවක් සහිත රටවල් අතරින් මෙරටට දෙවන ස්ථානය හිමි වී ඇත.එක්සත් ජාතීන්ගේ ළමා අරමුදල පෙන්වාදෙන ආකාරයට මෙරට උපදින සෑම දරුවන් 4කගෙන් ඵක් අයකුම අඩු බර සහිතව උපත ලබයි.ඵමෙන්ම මෙරට ජනගහනයෙන් 33%ක් පමණ සමෘර්ධි ව්‍යාපාරය යටතේ ප්‍රතිලාභ ලබති.මෙලෙස අප රටේ තත්වය පැවතියද ලොව මූල්‍යාධාර ලබා දෙන රටවල් මෙරට හඳුන්වන්නේ මධ්‍යම ප්‍රමාණයේ ආදායම් ලබන රටක් ලෙසය.මැලේසියාවේ හිටපු අගමැතිවරයෙකු වූ මහතීර් මොහොමඩ් වරක් ලංකාවේදී ප්‍රකාශ කරන ලද්දේ "ආර්ථික සංවර්ධන ක්‍රියාවලියේදී ප්‍රධානත්වය දිය යුත්තේ දිළිඳුකම පිටු දැකීමට සහ සියලු ජාතීන් අතර සමානාත්මතාවය ඇති කිරීම සඳහා බවය."මෙම ප්‍රකාශය මගින් මෙරට දිළිඳුකම නැතිකිරිමට ආර්ථික සංවර්ධන ක්‍රියාවලිය තුළදී ප්‍රමුඛතාවයක් දිය යුතු බව දක්වා ඇත.

දිළිඳුකම ඇතිවීමට හේතුසංස්කරණය

1.කාර්මීකරණය සහ නාගරීකරණය. 2.ත්‍රස්තවාදය සහ අයහපත් ආර්ථික කළමනාකරණය. 3.ස්වභාවික සම්පත්වල හිඟතාවය. 4ජනතාවගේ නොදැනුවත කම. 5.නිවැරදි සහන වැඩපිළිවෙළක් නොතිබීම.


දිළිඳුකම නැතිකිරිමට ගත යුතු පියවරසංස්කරණය

1.සමාජ සුභසාධන වැඩපිළිවෙලවල් දියත් කිරීම. 2.නිසි මූල්‍ය කළමනාකරණයක් ඇති කිරීම. 3.අභ්‍යන්තරව හා භාහිරව ඇතිවන ගැටුම් සමනය කිරීම. 4.කෘෂිකර්මාන්තය නඟා සිටුවීම. 5.දුප්පත් ජනයාව හඳුනාගෙන ඔවුන්ව නිශ්චත සංවර්ධන වැඩපිළිවෙළකට යොමු කිරීම.

මෙම පියවරයන් අනුගමනය කරමින් කිසියම් දිළිඳු රටකට එයින් මදක් හෝ මිදීමට උත්සාහ දැරිය හැක.ඵමෙන්ම මෙලෙස ක්‍රියාත්මක වීම ආසියානු කලාපයේ මෙන්ම ලොව පුරා පවතින දිළිඳුකම මදක් හෝ අඩුකරගනිමින් ජනතාව‍ට යහපත් ජීවන තත්වයක් උදාකර ගැනීමට ඵය වැදගත්වනු ඇත.

මෙම වෙබ් අඩවිත් බලන්නසංස්කරණය

දිළිඳුකම

ආශ්‍රිත ග්‍රන්තසංස්කරණය

  1. කුමාර වෙල්ගම-තුන්වන ලෝකයේ නොනිවෙන ගින්න-ලංකාදීප-2008/06/15
  2. පද්මසිරි නිශ්ශංක- ගෝලීයකරණ නෞකාවේ තුන්වන පන්තියේ මගියෝ-ලක්බිම-2005/06/07
  3. ධර්මසූරිය මිරානි-ආසියාවේ දුගී බව පිළිබඳව අලුත්ම වාර්ථාවක්-ලංකාදීප-2005/11/30
"https://si.wikipedia.org/w/index.php?title=ආසියානු_දිළිඳුකම&oldid=142551" වෙතින් සම්ප්‍රවේශනය කෙරිණි